Psychedelisch?

[Melliandra]

Hm... für mich isch de Soudn eifacht... z'asträngend. Ich han voreme
Zietli imox und meenakshi s'erschte mal ghört (ich glaub ier sind das gsie,
wo a de Finstersee gspielt händ?!) und de Sound isch wow gsie
aber ich bin mer so vorcho wie weni vorere Wand würd stah und es nimmt
mi nid mit. Es isch schlicht und eifacht zu a strängend für mies Hirn
und mini Seel. Hehe viellicht genau sumgekehrte vom imox. =o)

De Sound muss mich understüze, muess mich träge und mich beflügle,
demit ich uf ihm und mit ihm chan mine Gedanke nache gah oder au
eifacht über dWulche schwebe. =o)))))

Und das gad für mich am beschte mit Psy oder schnellerem Ambiente/Chillout
halt eifacht sound wo eim triebt aber nid überforderet. Mit viel Flechi, Ufbau
aber au Markanti Tön wo ume hüpfed. sLied sell en Gschicht verzelle.

°°°° Blub °°°°

[Imox]

@melliandra: ich verstehe durchaus, dass es nicht immer gelingt das türchen für jede und jeden öffnen zu können. mit dem heutigen spektrum an partysound und den sich weitenden geschmäckern fast unmöglich. dazu kommt auch die tagesform. ich selber bin nicht immer gleich offen musik gegenüber. das variert. hat mit stimmung und gefühlen zu tun. aber in finstersee waren wir ja noch ziemlich harmlos.... im vergleich zur späteren nacht/früher morgen.

schön das du das mit dem downtempo/chillout ansprichts. es ist ein schöner ausgleich mit viel kreativer musik und kreativen möglichkeiten, auch als dj. ja und tanzbar können die dwontempo geschichten sicher sein. wichtig ist einen flow aufzubauen und beizubehalten, damit die leute mitgezogen werden auf die reise. entsprechendes mixen vorausgesetzt.

es grüsst
imox

[trilobyte]

Hat der sound der heute so allgemein auf Goas gespielt wird noch irgendetwas psychedelisches an sich?!

leider nein! jedenfalls nicht dass was ich an den parties wo ich letzten sommer war gehört hatte...

[Moon Boots]

Hat der sound der heute so allgemein auf Goas gespielt wird noch irgendetwas psychedelisches an sich?!

leider nein! jedenfalls nicht dass was ich an den parties wo ich letzten sommer war gehört hatte...

Also ich bin do ganz anderer Meinig. Bi mir isches so, wenn de PartyPsy lauft (Ich bringe do au mal en Begriff, es git ja scho öppe 1000 defo , PartyPsy = Bubble, Mahamudra, Phanatic etc.) machts tanze mega freud, esch zwar astrengend und ned so usduurend wie bi Proggi oder Dark oder härtere Full on. Bi PartyPsy enthüllt sich eifach de glücklich Teil vo miner Seel woni eifach freud chan ha am tanze, ade Musig, ade Lüüt, ade Location, am Lebe
Bi Proggi beni zwar au glücklich aber de unterschied zu PartyPsy esch, dass es usduurender esch und dur das ich viell meh in Gedanke abspace und d'Bewegige bim Tanze nüm im Vordergrund stönd, esches fast no e stuufe psychedelischer.
Wenn am Morge am 4i Dark lauft und mer ergendwo ime Wald esch und all die düstere Grüsch und abgfuckte Bäss um eine umeschwirret chönnt mer au fast öberegheie, und drum chanis au verstoh wenn öpper wo gern Dark lost nüd viel mit *PartyPsy* afange chan.

Wasi jedefalls mit dem Bitrag wot sege esch, dass all Type vo Sound wo momentan a Goapartys laufet, ihri psychedelische Aspekt hend und es am Schluss nur drufah chund, was ihr mit dene afönd...

[Kollegoli]

Wasi jedefalls mit dem Bitrag wot sege esch, dass all Type vo Sound wo momentan a Goapartys laufet, ihri psychedelische Aspekt hend und es am Schluss nur drufah chund, was ihr mit dene afönd...

das findi, stimmt für mich nur begrenzt. zuegäh, im gegesatz zu alpeländler isch au phanatic psychedelisch. unter würklicher psychedelik verstah ich jedoch was anders.

was du asprichsch, isch no en guete punkt und gnau was, was ich a de musig schad find; d'bevormundig. grad jetz musig us de sparte phanatic und co. find ich bevormundend. ich chan dezue/demit ebe nümm mache was ich will. de rahme wo eim die musig gid, isch sehr beschränkt. er beschränkt sich ufs abgah. fü mich isch die einzig information idere musig und die einzig möglichkeit dezue "abgah". mit jedem tackt vo so musig ghör ich sozäge e stimm, wo seit "du musch abgah, du musch abgah, du musch abgah". ich finds ebe schad, dass es nümm druf a chunnt was ich demit mach, sondern dass mir vorgschriebe/vorkaut wird, wasich demit mache muess... weisch wieni mein? natürlich hatme au da no en ganz chliine spieruum, womer selber entscheide chan... aber fü mich isch de würklich seeeehr chli.

be würklich psychedelischer und suscht de meiste guete musig, hanich viel meh platz für mis eigene ding. entweder dörf ich selber entscheide was ich will mache demit oder es machts eifach, wells mich irgendwo packt... und so musig isch doch ade goas imho krass ide minderheit, u.a. well dlüüt wend unterhalte werde unds schnell mal heisst, wenn musig nümm alles vorchaut: "määäh, gaht ja gar nöd ab". ich find, ide meiste musig hats so wie en service drin, wo me nur no muss mache was eim gseit wird. ja, da chan mer dann no entscheide, obmer mitmache will oder nöd. viel musig gseh ich sozäge wie en animator imene ferieclub.

[Moon Boots]

Wegem Spielrum esch zum Bispel Proggi öppis ganz anders esch als das Partyzügs, das gsehni au so. Aber ebe ich glaube ich verstohne scho wie du das meinsch, leider chan ich mich amigs ned so guet artikuliere, jedefalls wetti sege, das ich das ned so empfinde, dass de Sound mer öppis vorschriebt, also sone Empfindig hani bis dato echt nanie gha. Bi mir esches so dass ich mich meh uf de Ufbau vomke Lied lose und ja vorschriebe wörd ich eher negativ empfinde und denn wördi de Sound gar ned lose.

Was jedoch au en wichtige Aspekt a dere ganze Sach esch s'Konsumverhalte vo es paar Partylüüt, wo denn jede Sound ned abgaht, wills ned die richtig Droge gfunde hend. Aber das esch weder es anders Thema.

Für mich bliebt PartyPsy glich psychedelisch will sich mich mini Seele offenbaren tut

[Dr.Magnus]

hmmm psychedelisch...

DAS macht psychedelischi stimmig:


*chchchchchbZzzzz* hehe...

oder das:



hmmmm..... oder dAaaaaassSS?


wie würed ihr den die diskussion da inne kategorisiere, psychedelisch, sprich:

bewusstseinserweiternd? euphorisch? tranceartig?
oder
beschränkend? glangwilt? frei assoZiierend?

Würs zerst mal ussenander neh: PSYCHE-DELISCH:
QUOTE "Der Begriff Psychedelisch setzt sich aus griech. ψυχη (psychḗ, "Seele") und griech. δῆλος (dẽlos, "offenbar") zusammen, meint also wörtlich einen Zustand, in dem "die Seele offenbart" wird."

hmmm... tüüüütüüüüü so und zrugg in beschränkte realitätstunnel mit all dene lustige kategorisierigäääää... owowowowwwwwww, so jetzt all us em Fänster gumpä... höööö



jaja... natürli ussem EG.

und jetzt zu de ESSÄNz vo dem Post woruf mer all gwarTet händ:

"Das was durch/nach/aus einer Erfahrung ENTSTEHT, und das was sie AUSLÖST ist nicht gleichZusteLLen!" *klingkling* *lichtaufgeh?*

---> und jeTz das ganZe uf Sound ProjeZierä... *quiieTsch* *ratter*

ahhhhaaaaaaaaaahahhahahahaahaa

NOT THE SAME...

[leandros]

psychodelic hätt nüt mit musig ztue. das isch i dier drin wasme psychodelisch nänt. es passiert sobald du nüm uf dis hirn losisch.