mysticalforum
http://mysticalforum.ch/

RETTET SMILINC
http://mysticalforum.ch/viewtopic.php?f=14&t=4048
Seite 1 von 2

Autor:  M!GuZ / Wasabidelux [ Fr 20. Okt 2006, 14:59 ]
Betreff des Beitrags:  RETTET SMILINC

Tread steht still bis das statment von smilinc Kommt dan schauen wir weiter

Autor:  Kollegoli [ Fr 20. Okt 2006, 15:02 ]
Betreff des Beitrags: 

ich wür glaub scho was mache, ebe so ade bar oder vomir us au was anders.. ich bin eifach nöd so de initiant wenns ums organisiere gaht, aber wenn das ganze mal chli staht, dann chumi gern chli go helfe, zumindescht ade bar ide nacht oder soo igendwie...

Autor:  dex [ Fr 20. Okt 2006, 15:08 ]
Betreff des Beitrags: 

wtfsss zommmggg omg

Smilinc goes down? Colin!!!! das cheu mer ned zuloh.

Hola die waldfee, wenn i do num at Goa Demo in Züri denke...


Stelle mini Musikalische Fähigkeite choschtelos zur verfügig :)

Autor:  stregone [ Fr 20. Okt 2006, 15:16 ]
Betreff des Beitrags: 

I help you as for I can!

Autor:  Shmahu [ Fr 20. Okt 2006, 15:19 ]
Betreff des Beitrags: 

mini letscht smilic party isch zwar scho huere lang her, wür aber trotzdem mitmache wilis e schöni idee find.
also loos! :-D

Autor:  Anditronik [ Fr 20. Okt 2006, 16:27 ]
Betreff des Beitrags: 

ha em colin voreme zietli au mal die iddee unterbreitet gha :P
also würd die sach au gern unterstütze!!
wänn und wo gots los ?
gruz

Autor:  Louis Cyphres [ Fr 20. Okt 2006, 18:15 ]
Betreff des Beitrags: 

Also liebi Lüt mir sind au debi ( Filzli und ich ) bim helfe,
ufstelle, schaffe a de Bar, mit eusem Deco usw.....
und au wieder ufrume

jep, mer helfe wo s goht

Collin du meldisch dich bi üs

also Kopf hoch Manu und Collin
bis gli

Autor:  Raphael [ Fr 20. Okt 2006, 19:46 ]
Betreff des Beitrags: 

Liebe Smilinc Freaks

Habe von Colin gehört, dass es nicht zum Besten steht mit Smilinc, was sehr schade ist. Habe Eure Party's immer genossen und würde dies auch gerne weiter tun.

helfe Euch sicher jederzeit - Bar / Aufstellen / Anlage oder Kollegen organisieren zum Auflegen / Live Act machen.

gurss
raphael

Autor:  Lila [ Fr 20. Okt 2006, 21:26 ]
Betreff des Beitrags: 

da ech au en chline teil vo smilinc ben findi das natürlech au sehr schad.. :doubt:

und falls wükich na öpis zmache wer zum bispil mitere benefiz party bini natürli au debi!

Alles gueti Manu und Colin

Autor:  abraxas [ Fr 20. Okt 2006, 22:23 ]
Betreff des Beitrags: 

wenn ihr ne location habt, hinter der bar und hinter dem mischpult wär ich dabei.

Autor:  love&light [ Fr 20. Okt 2006, 22:23 ]
Betreff des Beitrags: 

Hello :lol: :lol: :lol:

Braucht Ihr für Eure Parties noch einen Chai-Shop/Chill-Out?
Würde mich sehr gerne zur Verfügung stellen, Material ist vollumfänglich vorhanden.
Bitte melden unter: 078 821 44 75

Autor:  analog-shocker [ Sa 21. Okt 2006, 09:44 ]
Betreff des Beitrags: 

hey colin.....

ha der ersch grad es mail gscheckt.....die party im dez. ... werd die nüd?????? ech wörd mech bi dene omständ natürlech sowiso zor verfüegig stelle es live set cho spele.....esch jo ehresach, do du mer jo sowiso no e cd gäh hesch...........also due di mol mälde....

greeez simi

http://www.analogshock.ch

simi@analogshock.ch

Autor:  Anacsa [ Sa 21. Okt 2006, 10:03 ]
Betreff des Beitrags: 

Also ich bin natürlich au debi bim hälfe und
natürlich wänd öper für hinders mischpult bruchsch
bini gern debi.
Greats Kris:-)

Autor:  Waldfrieden [ Sa 21. Okt 2006, 11:26 ]
Betreff des Beitrags: 

uiui... das send aber schlächti nochrechte :(

what happened? ben es halbs jahr weg gsi. aber die parties send emmer de hammer gsi!
hoffe das ganze god witer...

ech well mer die zit ned näh, do ech anderi hobbies ha als parties organisiere... mol cho ushelfe hender de bar oder so wär aber easy....

Autor:  Colin [ Sa 21. Okt 2006, 11:52 ]
Betreff des Beitrags: 

Sali mitenand
Leider müend mir euch mitteile, das mir Smilinc per sofort us finanzielle Gründ müend uflöse. :-(
Mir händ i dene 3 Jahr wo mir für und mit euch allne Parties gfieret händ, sehr gueti und au sehr negativi Erfahrige gsammlet.
Jetzt simmer amene Punkt acho, wo`s Minus eifach zgross worde isch und eus dra hinderet überhaupt no ruig chönne zschlafe.
Um wiiteri Parties nach eusne Vorstellige chönne zverastalte, müestemer no meh Schulde mache.Das wär allerdings e riise Frächheit gägenüber dene Lüüt, womerscho Gäld schuldet!! :evil:
Mir möchtet euch jetzt da gern erchläre wie Smilinc ufbaue gsi isch.
Mir sind zwar e Organisation mit villne Hälfer und Dj`s gsi, aber s finanzielle Risiko und d Verantwortig allgemein händ mir zwei treit.
Mir händ i 3 Jahr knappi 30 Parties gmacht und immer 100% geh.
Mir händ debii diversi positivi Erfolg gha , sind jeni Mal bös bechlaut worde, und Buesse hätts au gnueg geh .( Aber die Zahle wämmer da nöd nänne, da mer nöd wänd gwüsse Lüüt d`Illusion vo de "ach so heile" Partywält neh.)
Guet, das hättemer alles no so halwägs überläbt.
Dänn isch euses supergrosse Wahnsinnsprojekt "A live Smilinc Christmas II " letscht jahr cho.
Es isch vo afang a ä riese Sach gsi, wo aber möglicherwiis klappet hät, wenn mer nöd d`Location 2 Wuche vor dä Party verlore hättet. Mir händ zwar mit vill Hilf, vo dä Mercury Lounge no än Ersatz-Location übercho, aber es isch finanziell würklich total id Hose.
So jetzt gnueg umegschnulzt.
Ihr fröged eu sicher, wieso händ mir dänn unter sönige Umständ nomal ä Party plant und akündigt.
Ganz klar: Will mirs liebet und bruchet!!! :-D :-D :-D
Wobii mir zu eusere Verteidigung müend säge, dass mir ganz fescht grächnet händ. Mir händ es supergeils Lineup zäme ka, für super wenig Gäld.(Vo ganzem Herze danke a alli Künstler wo eus zuegseit händ. Es tuet eus würklich leid, dass mer euch müend absäge.) :-( :-( :-(
Wiäs aber so isch mit guäte Plän und Vorsätz, es chunt meischtens anderscht als mer dänkt.
Und wenn mer so knapp am rächne isch, dänn chan eim so öppis eifach dä Hals bräche.
Dä Grund schlussändlich isch, dass mer Sfr. 1'500.-- zwenig ka händ zum alles usäm eigene Sack zahle und mir wieder hättet müesse Stuz uslehne, was wie scho erwähnt ziemlich denäbet gsi wär.
Au die zuekünftige Plän und Vorstellige wäret eso nöd realisierbar gsi. Euses Herz blüetet und mir weined. :-(
Aber da jedes Ändi au än neue Afang isch, luägemer das doch als Chance für neui interessanti Projekt und Begägnige a.
Ein Teil vo eus gaht zu Fraka Sound, anderi zu Sterneschii und dä gröschti Teil wird aktiv bliibe i dere Szene.
Mir danket allne guäte Geischter und allne böse au. Für all die Erfahrige wo ihr eus gschänk händ.Mir werdet die Ziit nie vergässe.
Natürlich verabschiedet mir eus nöt nur mit dem Abschiedsbriefli, sondern mit "The last smile standing" (wiiteri Infos folget na)
Lineup: Alli Smiler's
Timon, Adastra, Aechi, Altenator, Dussel, Nubis, Nightwalk, Tarabas, Spicky Tricky, CiByrd, Midimal, (Nyando, Psycoduck, ihr zwei damit ihr wenigstens einmal bi eus gspielt händ ( zwei Supertalentierti Nachwuchs Dj's, wo leider erscht es paar Wuche bi eus gsi sind))
Wobii mir natürlich müend säge, dass alli eusi Jungs Hammer Dj's sind, und für jedi Organisation ä Bericherig wäred.
Es riisigs Danke:
David, Denise, David Alephdesign, Sandro, Lea, Mella, Nike und Nina, alli Liechtesteiner, Stationhouse Pipo und Greeni, Rolli, Cäme, Absolut-Family, eusi ewige Gast J., Misch de Tänzer, Chris, Pascal, Teuber, Dani, Dodi el Präsidente, Raffi dä Baumelf, Christoph, Alex, Sascha, Jamaima, Robin und Rob, Rico und Roger, Toni Tonight, Adi, Edi, Migu, Chrüsi, Miguz, Bambi, Stefan und Priska, Päge, Claudio, Wolfgang, Thierry, Athi, Matthias, Marc, Pädy, Thömsi, Dödli, Ines, Leo, Danu, Meilee, Katharina, all eusne Dj's und Liveact's, Atelier Stern, Jugi Zollikä, Candela, Zwerchfell, Züri kifft, Mercury Lounch, Schatt und Schärrer, Triskele Management, Pfadi Zollikä, Crazy Reality, Theater of Goa, Traumtanz, Room 31, Happy People, Höngger-Clan, alli Dj's und Live-Act's wo je bi eus gspielt händ und natürlich alli diä wo mer jetzt nöt böswillig vergässe händ ufzschriebe.
Jetzt möchtet mer na eusi gröschte Dank usspreche und zwar a DICH :-D .
Will sicher au Du irgendwänn mit eus gfäschtet häsch, und so din Teil dezue biitreit häsch.
Keep smiling :-D
Bis bald Manu & Colin

Seite 1 von 2 Alle Zeiten sind UTC - 1 Stunde [ Sommerzeit ]
Powered by phpBB® Forum Software © phpBB Group
https://www.phpbb.com/