Was ist ein Goaner?

Alles was Du über Psy-CH zu berichten weisst

Bezeichnest du dich selbst als Goaner?

Ja
83
38%
Nein
137
62%
 
Insgesamt abgegebene Stimmen: 220

Benutzeravatar
juerg
Platin Member
Platin Member
Beiträge: 935
Registriert: Di 1. Aug 2006, 12:36
Wohnort: agra

Re: Was ist ein Goaner?

Beitrag von juerg »

Um an die mehr oder weniger edlen Metallen die es für ein Handy braucht heranzukommen
müssen angeblich, gesamthaft 10 Tonnen Gestein an verschiedenen orten der Welt abgebaut werden und dann daraus extraiert werden :-k

Think about it when you often change your mobilphone :?
In den Momenten, in denen es uns gelingt, zu sein, was wir sind, ohne zu fragen,
was wir sein sollten, funkelt unser Lebenslicht wie ein heller Stern.

Liebe das Leben
aber lebe die Liebe.

***G L O B A L I Z E *** LOVE
Dragonfly

Re: Was ist ein Goaner?

Beitrag von Dragonfly »

jürg hat geschrieben:Um an die mehr oder weniger edlen Metallen die es für ein Handy braucht heranzukommen
müssen angeblich, gesamthaft 10 Tonnen Gestein an verschiedenen orten der Welt abgebaut werden und dann daraus extraiert werden :-k

Think about it when you often change your mobilphone :?
Ha ersch mis zwöite in 7 Johr. :-D
psyelfli
Beiträge: 16
Registriert: Sa 21. Jun 2008, 15:26

Re: Was ist ein Goaner?

Beitrag von psyelfli »

Hmm aso zu dem thema muss ich eifach min komment drzue geh....

mi hens schu viel gfröget ob ich e goanerin bin... ha nie gwüsst was antworte, ha immer gseit dass i schu goa lose. i het mi nie getraut mi sälber als goanerin z bezeichne. ha immer denkt da steckt viel meh drhinter, vur kultur, vum style und vur läbensistellig...
inzwüsche han ich müsse i gseh dass ich anderst bi als d durchschnitt... dass ich dä sound über alles liebe und dass sich dur ihn min charakter zu dem gformt hät wo r jetz isch.goa, d sound, s feeling mit shake,git mir öpis wo i nienet anderst uf däre wält finde wärde. au wenns vielne nid passe wird, aber i bezeichne mi inzwüsche sälber als goanerin. und i finde das söll jeda mache wo sich mit däre musig identiviziera chan. goa-goaner. techno-raver.hiphop-homie :) etc. hmm jedi musigrichtig hät iri eignig gschicht. findi.
The Dude

Re: Was ist ein Goaner?

Beitrag von The Dude »

Sven hat geschrieben:Nomol chli zrogg zom Afang:

was ich weis esch das de Begreff "Goa Party" vo de Partys wo ebe en Idie z.B. am Strand gfiiret worde send. Z.T. met technoider Musig, z.T. met anderer Musig.

was ich mol ghört han munkle, esch das bi dene zB us Europa abgwanderete Hippies halt mol de Techno us Europa glandet esch. Die händ sech das aglost ond es paar händ gfonde "ned schlächt" ond händ sälber so ähnlechi Musig agfange prouziere. En Art Trance, aber andersch. Ebe Goa Trance.
Das heds denn zrogg noch Europa gschafft ond mer hed Partys noch em Vorbeld us Indie, sprich Goa agfange mache. Ebe en Goa-Party.
Chan das öpper bestätige oder wederlegge?

Goa (Trance) hed schätzigswiis 1994 bes 1998 en mega hype gha, au i de Musig Industrie esch esch denn allmählich vo Psy abglöst oder verdrängt worde.

Us dem use kopple ich för miin Teil "s Goaner si" scho starch met de Musig, wenn au ned nor. Es wär en Läbensiistellig ond en Läbensstil.
Dos aber Goa Musig em ursprüngleche Senn weni das so säge dörf nömme ged werd de Begreff "Goaner" aber natürlech froglech. Ich för min Teil fend en aber trotzdem schön.

Ond do ich 2 Glöggli a mim sälbergnäite Jäggli han wo ich u.a. a Party alegge bespruch ich stinkfräch de Goanertitel för mich (ohni dasis als Schimpfwort empfinde)

Love & Light

Sven
bestätige :)
xehn das öppe au so wi dä sven...

aber alli andere händ natürli au rächt 8)

ps. 3. uswahlmöglichkeit bidä abstimmig wär vilich no ä idee xi: "jein" ;)

edit: sött vilich no hinzuefüege das sich min chleiderstil dur goa(s) nöd gänderet hät, aber wasi a han spillt eh nöd sone rolle.. hauptsach isch agnähm zum träge und zwäckdienlich (vill seck z.b.) O:)
psyelfli
Beiträge: 16
Registriert: Sa 21. Jun 2008, 15:26

Re: Was ist ein Goaner?

Beitrag von psyelfli »

nid nur d sound hens mitkno, au en teil us d kultur.... hmm aber wieviel party gänger wüssen ächt hüt no was z.b. s om zeiche bedüdet *schmunzel*
piraña

Re: Was ist ein Goaner?

Beitrag von piraña »

psyelfli hat geschrieben:nid nur d sound hens mitkno, au en teil us d kultur.... hmm aber wieviel party gänger wüssen ächt hüt no was z.b. s om zeiche bedüdet *schmunzel*
haha - ich verrecke...
das mit ömli-zügs und müesse wüsse wer infected isch, isch vo gwüssne jungs igfüehrt worde...weiss zwar nid werum - vermuetli, um sich wichtiger vorzcho, als sie sind. das mit dene elfli isch sone sach, woni gmeint ha, es gieng nach paar mönet wieder weg (wie das mit de glöckli) - denkste: hüt laufed meh denn je meitli umme, als sig ihri einzig bestimmig, im hie und jetz es elfli z si, und ummezsiffe, bis si irgendöper underem vorwand vo freier liebi wie nid bschtellt abholt (aber au denno wird schön witergsifft) - möglichscht öper, wo weiss, was s ömlizeiche bedüted. ich liebe die szene.

und jetz gnueg pfäffer i salz gschtreut.
abraxas
administrator
administrator
Beiträge: 1934
Registriert: Di 4. Nov 2003, 13:43
Kontaktdaten:

Re: Was ist ein Goaner?

Beitrag von abraxas »

piraña hat geschrieben: haha - ich verrecke...
ahhh - danke
:)

(also nicht dass du uns verlässt, sondern dass du das geschrieben hast)
---------------------------------------
musik und so
http://www.bufta.ch
---------------------------------------
Lockvogel
dj
dj
Beiträge: 517
Registriert: Do 20. Sep 2007, 10:19
Wohnort: Biel

Re: Was ist ein Goaner?

Beitrag von Lockvogel »

äs söll aber sogar lüüt geh, wo tatsächlich genau dä kleiderstyle am schönschtä findät und sich wohl fühläd mit däm. Wär hettis dänkt nochdämer das do so durä lisst.... :-#
12.5. Privat 26.5. Privat 2.6. Benefiz Bern 16.6. Dietikon 28.7. Sedel Luzern (Lockvogel Live) 11.8. Biel 10.11. WE ARE PSYCHEDELIC (Lockvogel Live)


http://soundcloud.com/lockvogel
http://soundcloud.com/chillomanie
http://www.facebook.com/Lockvogel.Simini
Fallen Angel 2

Re: Was ist ein Goaner?

Beitrag von Fallen Angel 2 »

ja - ändli seits mal öpper!
thank you Lockvogel O:)
piraña

Re: Was ist ein Goaner?

Beitrag von piraña »

ich hoffe nor, dass under denne au es paar vo dene sind, wo die halb clique hend über sich lo ergoh - nor demits ändlich en goanerin chönnd wärde :-#

(die würdet mir leid tue, wenn i nid genau wüsst, dass mer so züg aziehet, um öpis z lehre...d frog isch nor, was d täter drus hetted sölle lehre...infected sig dehigstellt).
Fallen Angel 2

Re: Was ist ein Goaner?

Beitrag von Fallen Angel 2 »

mal andersch gfragt, wer hät de MUET sich so azlegge, wie's sim innere entspricht, und sich nöd uf so usrede mue abstütze wie "ich bin halt ich selber ich muss nöd zeige, dass ich enere szene aghöre".. :-#
piraña

Re: Was ist ein Goaner?

Beitrag von piraña »

tja - die einte schined dur kleider interessanter z si, als sind...und die andere sind interessant, ohni in interessante klamotte z schtecke.

nach es paar sätz weiss ich meischtens wora ich bi...wobi: ich schiine da z si, um mich z tüsche.
Fallen Angel 2

Re: Was ist ein Goaner?

Beitrag von Fallen Angel 2 »

legged eu doch a wiener wänd - aber beschwered eu nöd über de style vo andere. [-(
piraña

Re: Was ist ein Goaner?

Beitrag von piraña »

Fallen Angel 2 hat geschrieben:legged eu doch a wiener wänd - aber beschwered eu nöd über de style vo andere. [-(
hemmer ja nid (ämmu ich nid).

i mim bitrag isch es nie um e style gange, sondern um das ganze pappi-pappos rund ume elfli-kult. wenn gwüssi no lang uf ihrem elfe-trip bliebet, de fang sogar ich no a z glaube, dass sie elfli sind. und das will de was heisse. ehrewort.

ich han eifach e ziit erläbt, wos gar niemerem i sinn cho wär, überhaupt sich z froge, was e goaner isch. und erscht rächt nid abem sound am ummemotze gsi isch - au wenn mal nid goa-trance gloffe isch. hüttzotags chamers gar niemerem rächt mache, wills immer was z motze git. und das, wo mer würkli mal sött zämme diskutiere, das chert mer undere teppich. nei, heikli pünkt tüemer lieber usblände.

es goht nid drumm, dass früener alles besser gsi isch. es goht aber drumm, was drus worde isch. und zwar nidemal wäg de elfe.

ok...isch ja guet...i wird uf mini schnorre sitze...wenn sich die einte oder andere i mim schwiige erkenne söttid, de tuets mer leid. de isch öpis schiefgange.

Bild
Fallen Angel 2

Re: Was ist ein Goaner?

Beitrag von Fallen Angel 2 »

Atmosphäre

Bild
Sonic Samsara - 04.10.08
Antworten