K:O. hat geschrieben :
das gseh ich au so. doch genau da hanich jetz z.b. be dir, simon, sgfühl, dass du en track eifach dann als guet aluegsch, wenner suuber produziert isch, er gueti qualität hat und meh oder weniger in rahme passt (d.h. nöd zu struub, zu abnormal isch).
han sgfühl, was würklich drin steckt, wird meh oder weniger usser acht glah.
Antwort ...
so isches absolut ned ... Ich finde bim hütige Fullon ned viel Lieder wo ich würklich de hammer finde ... Muess meistens ziemlich go umesueche bis ich mol es paar Lieder han wo ich au imene Set chan/möcht spiele ...
Ich luege ziemlich druf was imLied dinesteckt ...
es het mich au no nie jemand i'm the supervizor oder becoming insane spiele ghört ... obwohl das ziemlich massetauglichi Tracks sind ... aber das ganze Gesinge goht mer langsam chli ufe "Sack" ... Aber isch viellicht au chli e Produzente asicht ... daher wenn ich es Lied ghöre den ghör ichs sgammte ...das heisst d'Musig (Ideee) ansich und dqualität ...
wenn mer eis vo beidem ne gfallt denn chani Leider au mitem Lied ned viel afange ...
Oder meinsch wenn Chemicalbrothers oder wer au immer würded e Show abliefere und de Bass wär immer zluut und die süschtige Sounds schlecht EQed und COmpressed ... de würd ich mich au frage wieso hend die sone erfolg ... obwohl eigentlich de gsammt iidruck vo de Musig ned unbedigt umwerfend isch ...
...
K.O.:
wenn ich diini kommentär und feedbacks ämmel liise, dann hanich zudem ammel au sgfühl, dass es be dir be de musig drum gaht, wie guet sie sich verchaufe (nöd nur im finanzanzielle sinn) laht und wie massetauglich sie isch. stimmts? ich glaub, du beurteilsch dmusig gar nöd nach dim völlig eigene empfinde, sondern anhand vo de "globale richtlinie". sorry wenni mi tüsch.
das würs bestätige:
Antwort :
Nei es goht mer ned drum wie guet das sich dMusig verchaufe loht ...sondern wie mir dMusig gfallt ...
und de ghört vo mir eifach dQualität und Didee zum inhalt ...
wenn ich denn es Lied lose wo ich ghöre das mes in 2 Stund locker fertig brocht het ... denn fehlt mer halt eifach was ...
Noch 8 Jahr produziere wird me halt au chli Technischer ... chauft sich gueti Monitore...sEquipement wird immer tüürer weil me immer ausschau noch me qualität het ...
Was sich verchaufe loht bestimmt dMasse und ned ich ...
wenn ich extra würd Musig mache wo sich guet verchaufe loht denn würd ich mir en MC inezie und afange HipHop mache ...
oder doch lieber Gitarre und Gsangs Goa ...das dLüüt uf de Tantzflächi au chräftig chönnd mitsinge und in dHänd klatsche ...
K.O. schrieb :
fü mich isch prinzipiell fascht jedi musig tanzbar... vo chillout bis zu hc (wobii ich be hc doch chli müeh het).
aso ich kenn dich ja nöd, ha dich aber au scho paar mal gseh... bisch dann du en tänzer? das heisst, lebsch du liideschaft oder suscht was ähnlichs im tanz uus? tanzisch du öfters richtig (intensiv) ?
aso demit meini: isches dir wichtig, wie DU dezue chasch tanze oder wie tanzbar dmusig für dmasse isch?
Antwort :
HC isch viellicht scho Tanzbar ... aber wenn mir Dmmsig ned gfallt denn möchti au ned dezue tanze ...
Ja ich tanze gern .. obwohls inde letzte Ziit chli abgnoh het ...
Nach meh als 60 Parties im Johr wird me halt au chli weniger tanzfreudig ... Aber ich denke de eint oder ander het michau scho abgoh gseh ...
ICh luege wie tanzbar dases für mich isch ... ned für Dlüüt ... und für mich brucht es Lied eifach de gwüssi "Drive" damit ich richtig chan abgoh ...
K.O.:
neinei... so eifach gschnigglet bini dann au nöd. und randommelodie find i scho gar nöd geil. aber das cha der so jetz nöd bewiise.. entweder glaubschsmer oder glaubschsmer nöd. ich beurteile musig nöd anhand vo soundqualität - weder anhand vo gueter no vo schlechter....
Antwort :
Jedi Symphonie isch nochere gwüsse "Noteskala" komponiert ...
Es git halt eifach Note wo ned ine Melodie inepassed ...
Es git ke schlecti Musig es git nur sennig wo mir ned gfallt ...
K.O. schrieb :
ja, bem electromagnetic waves isches mini empfindig. das hat nüt mit neid ztue. aber das glaubschmer jetz wahrschiinli nöd. naja, chunnt eigentlich au nöd so druf a.
und da chunnt wieder das verhalte an tag, wonich mit "de länger" gmeint han. die ussag heisst doch churz gseit: "hey, mach zerschmal so krasse sound wie er, häsch au so viel druf, hä? dann chasch mitrede... susch besser schnurre hebe und trainiere und dann wieder cho." d'usswürkige vo dem merkt mer au: feedbacks chömed fasch immer nur vo lüüt, wo selber au musig mached. die andere getraued sich gar nöd, "wells vo musig ja nöd so viel ahnig händ". wobii doch es lied vo jedem mensch beurteilt werde chan, jede chan doch dezue säge, was er findet. unabhängig devo, wie guet er selber musig mache chan.
Antwort :
Da mues der recht geh ... jede chan es Lied beurteile nach sinem gschmack ... nur gseht ned jede de Technisch ufwand dehinter ...
oder meinsch en "Laye"(sell ned abschötzig sie) verstoht würklich viel vo Soudnqualität ? Oder was für en efford dahintersteckt ... Und qualität wie scho gseit isch für mich nunmal en wichtige Punkt in Musig ...
Nememer mol ah en Grafiker macht e Lehr vo 3 Johr ...
Flyers mache chaner scho noch de erste 2 Monet ... aber er perfektioniert das ganze in de restliche 2 Johr und 10 Monet ...
de Flyer wo er nacheme Monat gmacht het het viellicht scho guet usgseh weil er eifach es Aug fürd Grafik het ... aber noch de ganze Lehr het er SPhotoshop voll dusse und weiss au viel meh über Grafik,Anordnung,und Qualität ... de Flyer nach 3 Johr Lehr gseht sicher für en Grafiker besser us als de wo er noch 2 Monet gmacht het ... en Laye gseht de unterschied viellicht ned so ...
K.O. schrieb :
meinsch die, wo ihri eige meinig händ? die wo nöd us unsicherheit mit irgendwelchne hypes mitrenned? ja, das isch scho immer d'minderheit gsi....
Antwort :
Nei die wo all die gliich Meinig hend ...weil sie au gueti Kollege sind und enand immer bi Diskussione unterstützed ...