es wär schön, würed das meh lüt so gseh.Aber wenn ich mich nach 5 Monaten DJ-Erfahrung als Psy DJ promote, dann möchte ich einem Partyorg nicht zumuten, einen vielleicht etwas unerfahreneren DJ in eine Maintime zu stecken wenn du verstehst was ich meine. Es geht mir nur um eines... zu spielen und freude zu bereiten.
ich finde, es herrscht extreme DJ-Kult ide goa-szene (i andere sicher au). jede hänkt da gross de DJ use und es isch sziel vo vielne, eifach möglichscht oft zspiele und da gross d'djkarriere zmache. nur wem sini karriere isch das? die vom DJ oder die vo de lüüt? isches e Egokarriere oder e karriere vo alne lüüt, wo am schluss zum gnuss vo viel geiler musig chömed?
ich find das ehrlichgseit chli fragwürdig. es isch schön, hinder em dj-pult zstah und de lüüt freud zmache. das findich au e gueti motivation zum uflege; zum geili musig bringe (vorzuugswiis söttigi, wo nöd jede ander au scho spielt) und e geili stimmig zmache ufem dancefloor. jetz isches aber so, dassich sgfühl han, dass sehr vieli DJ's meh selbstinszenierig betriebed, als dasses würklich fürd dlüüt ufleged und lueged, dass anre party e schöni stimmig ufchunt. uflege isch be vielne es extrems egoding, wo dafür da isch, zu bestätigung zglange und da gross de ludi usezhänke. ich meine es gseht halt extrem cool us det hinderem dj pult zstah und mit gneigtem chopf und ganz cool ussehende chopfhörer wo nur halb agleit sind a de redli umezsschruube. wieviel DJs sind dra interessiert, dass dlüüt würklich geili und abwechsligsriichi musig überchömed und wie viel DJs sind dra interessiert SELBER gross karriere und sich en name zmache?
ich findes krass, wie mer eifach gwüssi DJs a jedere party hät. ich finds krass, dass gwüssi DJ's jedes Wucheend spieled, und dazue au no de praktisch immer glichi sound. und ganz bsunders krass findich, wie sich gwüssi DJs dere szene grad regelrächt ufzwinged und sich a jedi party schnurred und dazue au no ihri soundziit überziehnd nur well sie SELBER s'sounde soo geil findet.
und jetz wänder au no geld defür?
ich bin au de meinig, dass wenn e organisation gwünn macht, dasser dann ruhig es stuck de DJs und liveacts abgäh chan, well die ja en teil dezue biitreit händ. e leistig vome DJ oder liveact isch minre meinig nah jedoch nöd zvergliiche mit dere vomne verastalter. ich mein en verastalter macht richtigi arbeit, wo astrenged, schweisstriibend, RISKANT, und teils sicher verdammt scheisse isch. en DJ leit us spass uf. es isch sis hobby und er macht das gern. wenn nöd, dann ischer en schlechte DJ. sgliiche be liveacts. au für mich isch musig mache mini grösst liideschaft und ich investiere jede tag durschnittlich öpe 2.5 stund... aber das arbeit znenne? ich weiss ja nöd... wenn en organisator emne artist will was gäh, dann findich das schön und grad wenns sich um grossi umsätz handelt au abracht/notwendig. aber ich find als DJ mussmer jetz echt nöd gross die arm sau usehänke, well schliesslich machtmers ja gern und es isch en riise spass. und susch söllmers bitte würklich bliibe lah und de zuehörer de demotiviertheit erspare. uflege isch so wie a party als partygast zgah, eifach no besser. das bezeichnich nöd als arbeit.
en wiitere punkt isch dann dfrag inwiefern mer DJs als künstler bezeichne chan. minre meinig nah sind ca. 90% vo allne schwiizer DJs uswechselbar. was natürli au daher chunnt, dass jede will abgehendi lüüt ha und mer das uf sicher mit dere musig schafft, wies en andere dj au scho gschafft hat. ich bezeichne die meiste DJs ganz klar nöd als künstler, sondern eifach als lüüt wo gern musig ufleged, so wie anderi villicht gern ski fahred oder spaziered. ich finde das au guet so, en guete DJ muss minre meinig nah au kein künstler sii.
es gid scho DJs wo so e art künstler sind. oder zumindest sehr fiinfühlig und kunstvoll ufleged. so dasses e würklichi stimmig durs ganze set dure erzüüged und dlüüt uf e reis mitnähmed, so wie das eifach nöd so eifach isch.
naja, ich finds eifach chli schad, dass so viel dj voll brachial mit ihrer musig chömed und die de lüüt umd ohre chlöpfed und wänd a möglichscht vielne partys spiele. ich würi nie jedes WE welle spiele, ich wür dann afange bookings ablehne, well ich nöd wet, dass dlüüt immer die gliich musig ghöred. ich will, dass wenn ich uflege, es sowohl für mich als au für die andere öpis speziells isch und nöd, dass sis nur wells sies scho hundert mal händ müsse ghöre, davo agwidert sind. wenns us anderne gründ agwidert sind, isch mir das egal, aber nöd wenns deswege isch, well sie mich die ganz ziit münd lose, wenns a party wend.