Sorry, aber ich han immer nanig kapiert, wie mer da Bilder diräkt in en Post ine kopiert, aber Ihr chönnd Öi ja uf em Link 's Cover und d'Tracklist zu dem Album aaluege
Won ich hüt das Album ineg'schobe han, hät's mich ächt fast zu dä Schueh us g'haue. Ha fast nöd chönne glaube, dass es nigelnagelnöi isch, und es hät mi schüüli g'fröit, dass doch namal so richtig schöne, alte Goa-Trance uf dä Märt cho isch. Und sin Name hät das Album au voll zu rächt findi. So schön verschruubet, traumhaft. Ich lieb es eifach, wänn eim so Psy-Tön in Masse um d'Ohre flüüged.
Würd mi sehr Wunder näh, was anderi zu dere Schiibe meined, wil da doch d'Meinige sehr usenand gönd, ob das jetzt en Schritt z'rugg isch oder ä Wiiterfüehrig vom eigentliche Goatrance.