Oh Tanz, du orgasmische Tätigkeit...

[altered]

http://en.wikipedia.org/wiki/Shakers

[altered]

<---------am liebste tanz eg so

[i.dot]

ich hab mal einem 3 järigen Kind goa vorgespielt hehe..es begann mega luschtige bewegungen zu machen wie Kniebeugen war seehr witzig ..ich glaube wenn man richtig offen ist für die welt und deren Musik, dan bewegt dich die Musik also die schwingungen.mhh.
Ich habe gerne Kreisartige bewegungen, zieh die Töne an mir vorbei iuhh..manchmal wenn ich nach so ner woche Gesellschaft wieder rocken mag denn steh ich einfach nur da und mach de schüttel shake lol..........

Tanzen Tut Gut

http://vids.myspace.com/index.cfm?fusea ... =841623686

wie würdet ihr hier shake hahaaa......

gruß dom

[Salemar]

huuere vell froge uf einisch

wie tanzed ihr?

mängisch uffallend, mängisch ned : )

wora denked ihr bem tanze?

ech versueche de ned z dänke

(wie) tanzed ihr eu in trance?

sehr schnell met rhytmische bewegige (hops hops hops tsch tsch...)

wozue tanzed ihr am liebste?

siehe link weiter unten

wo tanze ihr am liebschte?

i dr natur..möglechscht i de bärge

benötiged oder benützeder droge zum tanze?

nei. ech chan aber s gfühl, dass ech droge dors dance produziere

geniered ihr eu bem tanze?

nööö, eher s gägeteil

wie lang tanzed ihr?

chommt ufd musik (dj) ond de rhythmus drufa...mängisch bes zom fascht-dehydriere

erbringed ihr bem tanze körperlichi höchschtleistige? vo wo nähmed ihr d'energie dezue?

gloub scho...d energie dezue chommt vor allem vo de andere om mech ome

wie fühled ihr eu denah?
findeder de muskelkater nacher geil?

ech füll me emmer NEU denoh aber muskelkater hets scho länger nüme gäh (ech warte uf outdors).

lueged mol dä link a - mer tribts emmer träne id ouge wenn ech so öppis aluege (gänsehut ou) ond ich füll mech wie en idiot inere verkakte wält - cha mer öppert säge why ??? abgseh devo, sends die beschte dänzer(inne) fend ech.

http://www.youtube.com/watch?v=3s9z3IOpH1g

[Anahata]

frag::wora denked ihr bem tanze?

bim tanze chani d gedanke ändlich mal guet abschalte...

frag: (wie) tanzed ihr eu in trance?

die chunt vomälei...wäni sie zuelan

frag:wozue tanzed ihr am liebste?

zu zügigäm psy

frag:wo tanze ihr am liebschte?

idä bärge und im wald

frag:benötiged oder benützeder droge zum tanze?

nope, die ziite sind zum glück verbi!

zitat:geniered ihr eu bem tanze?

hä? nöööööööö

frag:wie lang tanzed ihr?

das isch unterschiedlich, wänn dä sound geil isch au mal es paar stunde anenand....

frag: vo wo nähmed ihr d'energie dezue?

d energie, chunt dur d meditation...durs schnufe....durs universum...

frag:wie fühled ihr eu denah?

meischtens mega schön müed...

[leandros]

ich tanze einfach.

[dex]

frag: wora denked ihr bem tanze?

I lasse mine Gedanke freie lauf. Kei Vergangeheit, kei Zukunft. Nume s Jetzt und de Moment.

frag: (wie) tanzed ihr eu in trance?

Ja das chan mer so säge. Ich finde das die erschti Frag do direkt mit der zweite zäme hängt. Ah nüd Denke, nume im Moment schweb und natürlich mit der Energie vo de Masse mitgoh (schreie, juble usw.)

frag:wozue tanzed ihr am liebste?

Schwer zum säge. I han glaub scho zu allem Tanzed wo mer dazu chan Tanze. Aber so richtig abgho und in trance verfalle chan i eigentlich nume bi rechtig schönem fette Goa-Progi oder wie heisst das jetzt? Ja genau Darkpsy hihi

frag:wo tanze ihr am liebschte?

Unterm Stärnehimmel am liebschte mit Vollmond

frag:benötiged oder benützeder droge zum tanze?

Benötige ned. Da ich inzwösche aber sehr selte e Goa bsueche, wot i wenn i de mal wieder gange, halt s volle Programm

zitat:geniered ihr eu bem tanze?

Nei, nie.

frag:wie lang tanzed ihr?

So lang i mag. So 3 Tag döretanze, för das bin i zalt inzwösche aber so 10-15 Stund chan scho mal passiere.

frag: vo wo nähmed ihr d'energie dezue?

Zum Tanze isch bi mir s wichtigschte de Sound. Danach chunt s umfeld und die andere Lüt. Wenn das alles stimmt den han i Energie ohni Endi.

frag:wie fühled ihr eu denah?

Kaputt aber zfriede. Sogar e chli wie innerlich greinigt.

[wallaby]

Ich tanze eigentlich nöd bewusst.
Ich wirde tanzt vom DJ oder vom Liveact.
Je nach Energie tuni uf de Stell bizli wippe mit de Händ i de Hoseseck, oder mit de Händ höch i d Luft gstreckt gumpe.

S geilscht findi wänn 's en DJ voll im Griff hät und tuusig Lüt sind all uf Acid und es git e Massehystrie und kollektivi Freudeschüb.

Das gits leider sälte.

Ich han scho bi de erschte Goaparty woni gsie bin festgstellt, dass ich mich chan ine Trance inetanze mit Hilf vo biz Acid.
Und am Morge chani immer no tanze und am Mittag au immer no und ich bi gar nöd müed und voll fit ohni Kater und so.
Ich han dütlich gmerkt das en Energie-Ustusch hät schtattgfunde und das mini Batterie voll ufglade gsie sind.
Das hät mi mega Beihdruckt, fascht chli ehrfürchtig.

Ich chan dur tanze Energie a anderi Lüüt und a d'Natur abgäh und chume dopplet Energie retour über.
Isch eigentli helle Wahnsinn. Fantastisch, mystisch, das isch Magie !

Das sind DJ's woni das scho han erläbt :
Sabaii Sabaii
DJ Jörg (Antaris 2004 Montagmorgen 03.00 bis 06.00)
Frank E von KoxBox
Dimitri Nakov
Axel
Vimal
Toni und Guido

cheers

[Zauberhäxli]

Finds tanze in trance eifach voll s`geilschte!!! Dänn chan i mi meischtens so richtig gah lah. Usser ebä dä Sound gfallt mer nöd, wämer dä Sound nöd gfallt fang i so a (mhhh und jetzt wie witer), mach dänn aber scho bald ä Pause bim tanze, halt wells mi nöd mitrisst. Aber wänn mir dä Sound gfallt und ich gueti Stimmig han, dann lahn ichs eifach flüsse und gah ab. Dänke tue ich mängisch a dis und jenes, halt grad was mer so in Sinn chunnt, aber oft au gar nöd und konzentrier mi dänn nur ufd Musig.

Ich tanze meischtens zum Grundryhtmus (Bass u.s.w.) mit dä Füess und Bei, stampf i dänn in Bode und hüpf umänand, hin und her. Mit dä Ärm, Händ und au Oberkörper beton ich d`Töndli und d`Melodie, meischtens mach ich mit dä Ärm rundi, flissendi Bewegige, well für mich dä Goa oftmals so flissend tönt, je nach Sound chönd mini Bewegige aber au chli härter si. Eini hät mal anere Party zu mir gseit; ah du bisch die wo bim tanze immer so rundi Bewegige macht

Am liebschte tanz ich zu schönem Psy au Morgepsy oder so, zu hüpfigem, abwechsligsrichem Progi, ab und zue zu Full on wo aber bitte nöd so popig isch und zum Schluss hani au no darkpsy entdeckt (dä darkpsy därf aber ja nöd zu krass si, lieber so darkpsy für Afänger).

Ich tanze am liebschte i dä freie Natur i dä früsche Luft. Vor allem dä Morge wänn d`Sunne grad ufgaht isch mini Zit. D`Sunne git mir dänn jedes Mal wider en meega Energieschub.

Wänn Party, mini eignig Lune und dä Sound stimmt ischs eifach für mich zum mich in trance tanze. Dänn tanz i au mal acht Stund am Stuck. Bin eh eini wo no vil uf dä Tanzflächi isch. Was die andere dän über mich dänket isch mir meischtens egal, dänke immer bim tanze, dass es sicherlich passt. Han sowiso bim tanze meischtens ä guets Körpergfühl und Selbschtbewusstsi und das gseht mer mir glaubs au ah. Je nach Lune tanz i darum au zmitts drin oder mängisch au chli am Rand.

Droge bruch i zum mich in trance tanze absolut nöd. Früehner han i mängisch scho konsumiert, aber jetzt so im nachhinein würd i säge, dass i mit Droge vil weniger abgange bin als jetzt ohni. Aber vor Jahre bin i au no vil schüchterner gsi, däbi händ mir Droge scho ghulfe um mini Schüchternheit z`überwinde, au so z`tanze wies mir entspricht und mich sälber zsi a dä Goas. Mit dä Zit hani festgstellt, dass mich d`Lüt a dä Goas so akzeptiered wie i bin, obwohl i mängisch chli äs hyperaktivs Schurridings bin. Au deswegä bruch i kei Droge meh.

Nach dä Partys fühl i mi ufglade mit geistiger Energie, entspannt und fröhlich glichzitig. Meischtens gahts mir nachher uh guet. Ich bin dänn aber scho chli schlapp und müed. Muskelkater hani bis jetzt nur einisch chli gha.