Vater und Ihre Kinder

[Elias]

Ich glaub das Chind, die beste Lehrer sind, womer chan ha.
Was isch scho erhlicher als es Chind.
Vo Chind chamer lehre, sis eigene Innere Chind wider ufzlabe la.

[Anomalie]

wenn ihr kinder wollt verstehen, versetzt euch in eure kindheit und deren entwicklung bis zum heutigen ich. ich denke wer fühlen kann was kinder wollen , sich selber kennt und weiss wo die eignen respektive deren des kindes grenzen sind, ist ein guter Vater/mutter. aber das wichtigste ist die liebe! happerts bei irgend einem punkt (sei es bei sich selbst oder wo anderst) der sollte keine kinder haben oder bewusst an die ganze sache ran gehen.

[MauA]

Guguseli

Weist du, meine meinung ist das man auf sein herz hören soll und ein kompromiss macht zwischen deinem bisherigem leben und dem elternleben. Es ist meine ganz persönliche meinung......ich selbs werde bald mutter(22j) und ich und mein freund(23j) setzen jetzt alles daran das wir ein gesundes umfeld schaffen(für mich zb soundpause ect) und dennoch uns und unsere träume nicht vergessen. Das wichtigste hast du schon in deinem herzen, die liebe. Wichtig ist noch die ehrlichkeit und zuverlässigkeit.....den dan ist das vertrauen und die sicherheit da. ich denke die wenigsten von uns hatten eine gute kindheit....aber hat uns diese zeit nicht gelernt wie wirs sicher nicht machen wollen? ich denke alles kommt schritt für schritt....und dein herz wird dir schon sagen wenn was nicht "in ordnung" ist. Auf alle fälle alles liebe und gute....

[stampfi]

Herzlichi Gratulation MauA & alläs Guäti wünsch ich Eu drü. Gnüssäd's, äs gchört zum Grösstä wo eim cha passiärä im Liäbä.

[industrialsun]

ich wet gern Chind.... blaaa beschäftige mich scho viel z'fescht mit dem ganze.. nid guet, denn chömed au dHormon stärcher füre. =o)

hehe, witzig! (wenni di richtig verschtange ha )
ha do au äs paar kolleginne i mim fründeskreis, wo sech mit däm thema beschäftige (oder wos thema se beschäftigt, bessergseit ), wo das aber säuber ganz säutsam finge bzw. nid ganz glücklech drüber si, dass si so sehr/oft drüber nachdänke.


übrigens no zum thema: gäud macht zwar nid glücklech, aber "fählends" gäud isch dänk ono so ä faktor bim eutere-si, oder wie gseht dir das? wenn bedi eutere gstresst si, wöus "a aunä ändine fäut"...?

[stärNdli]

en chline komentar vom mami vom chline

am mami gats als letschts ums gäld, es gat ganz elei nor um das, das er uf ergent en art und wies zeiget das ich ihm, was dä chli agaht, cha vertraue,
ond wenn er öppis för dä chli macht, dänn selers för dä chli mache, vo härze, ned wel ich das wet,
drum es chumt ned druf a was er macht, sondern eifacht das er öppis macht!
ich wör mim sohn nie dä kontakt zu sim vater verbiete, oder ihm verheimlich wer si vater esch, nor ergent einisch muss mer sich öberlegge was sbeschte för dä chli esch, bes es sowit cho esch, das er en nöm daf gseh, esch vel passiert... ond we gseit er müsst ned vel mache, ich verlange au ned öppis bestimmts, eifacht das er mer uf irgent en art zeigt das es em um dä chli gat, das wenn er was för ihn macht er das vo härze macht...
er het sich för das chind genau so entschide wie ich, mer send zwar nöm zämä aber deltere semer glich beidi no...
dä chli esch en riiise sunneschiin, es wär trurig wenns mit sim papi ned klappt

[Melliandra]

ich wet gern Chind.... blaaa beschäftige mich scho viel z'fescht mit dem ganze.. nid guet, denn chömed au dHormon stärcher füre. =o)

hehe, witzig! (wenni di richtig verschtange ha )
ha do au äs paar kolleginne i mim fründeskreis, wo sech mit däm thema beschäftige (oder wos thema se beschäftigt, bessergseit ), wo das aber säuber ganz säutsam finge bzw. nid ganz glücklech drüber si, dass si so sehr/oft drüber nachdänke.


übrigens no zum thema: gäud macht zwar nid glücklech, aber "fählends" gäud isch dänk ono so ä faktor bim eutere-si, oder wie gseht dir das? wenn bedi eutere gstresst si, wöus "a aunä ändine fäut"...?

Hehe ja ich bin devo überzügt, das Gedanke Energie sind und wemer sich
viel Gedanke über gwüssi Sache macht, denn chömed die Sache au.

Isch bis jetzt bi all mini "grössere" Erläbnis so gsie. zErscht isch immer
de Gedanke drah entstande und denn, nach 2-3 Mönet isch dur en "Zuefall"
das ganze is rolle cho, drum, wenn ich mier scho überlegge, wie ich mies
Meidli oder Bueb würd nänne, isch das nid sooooo guet. *g*

Edit: Also ja isch mer klar dass zumene Chind no meh dezue ghört als
nume Gedanke. *ober-lol* Aber ja ich hoffed ier wüsset wasi meine.

Zum Gäld, ja es isch wichitg. Es machts sLäbe eifacher, trozdem dänki
dass mer sich mit so viel Sache muess beschäftige, dass sGäld denn
eifacht auno en Teil devo isch. Wasi will säge, dänke es machts schwiriger
wenn kei Gäld ume isch, es machts aber nid eifacher, wenn Gäld ume isch.

Ahhhhh jetzt schriebi scho wieder über das Thema! *lol*

@stärNdli

Du schriebsch dass es dier glich isch was de Papi macht, er sell eifacht
was mache. Meinsch nid er isch eifacht gottlos übervorderet mit dem ganze?
Klar das isch kei Usred aber viellicht brucht er dich da, dass du ihm chasch hälfe
und säge, was er denn sell mache. Isch kei Frag, dLiebi zu euchem Chind muess
ume sie, aber dänke das isch sie au...? (klar ich chan das nid beurteile)

Wünsche euch drüü uf jede fall viel Chraft für'd Zuekunft!

[Fallen Angel 2]

@stärndli

ond we gseit er müsst ned vel mache, ich verlange au ned öppis bestimmts, eifacht das er mer uf irgent en art zeigt das es em um dä chli gat, das wenn er was för ihn macht er das vo härze macht...

was genau söll das konkret heisse? isch mir allzu "schwammig", mit dere definition chan so zimlich alles richtig sii was er macht, oder umgekehrt gar nüt. söll er ihn eimal i zwei wuche zu sich neh, söll er mit ihm id ferie, söll er ihn mit-erzieh, oder nöd? du chasch nöd eifach ane gah, nachdem d'bezihig beendet isch, und vo ihm verlange, er söll doch bittesehr eifach mal uf sis herz lose, und wehe er machts nöd... bin au suscht mit de biiträg da ine wo grate wird uf sis herz zlose ächt nöd iiverstande, will das eifach allzu romantisch verklärt isch. es gaht bim ufwachse vom mänsch au um de scheiss wo ide windle isch, um die note wo scheisse sind, um kollege und erschti bezihige, um d'RS und um villi anderi sache - es isch nöd eifach alles mit em herz lösbar, scho gar nöd inere sonere situation wo kei liebesbezihig ume isch.

bes es sowit cho esch, das er en nöm daf gseh, esch vel passiert...

sofern er nöd gwalttätig wird, gits kein einzige grund, wieso er ihn nüm dörft gseh. usser natürlich de chli wür das nüme welle - und natürlich chammer das beiiflusse, aber wer das macht, staht mines erachtens zimmli wiit une ide moralische nahrigs-chetti.. und ich gah mal devo us, dass du so öppis niemals mache würsch. bedenke, dass alles was du als mueter seisch en enorm höche stellewert hät. das isch e verantwortig, wo du nöd chasch abgeh.

ich wör mim sohn nie dä kontakt zu sim vater verbiete, oder ihm verheimlich wer si vater esch, nor ergent einisch muss mer sich öberlegge was sbeschte för dä chli esch,

de satz gfallt mir überhaupt nöd - was verstahsch du dänn unter "em beschte für de chli" - und was hät das mitem kontakt zu sim vater z'tue? söll ich dir mal säge was s'bescht für jedes chline uf dere wält wär? zwei eltere wo enand liebed. Punkt. leider nöd immer möglich - aber wenns nid möglich isch, dänn sölled sich die zwei gfälligscht zämeraufe, und mitenand:
- kommuniziere
- enand zumindest versueche z'verstah
- enand entgegecho
- enand ernst neh i de jewilige gfühl
- never ever irgedes machtspiel ufem rugge vom chind usträge
- gäldfrage kläre und nöd eifach säge "haja mir doch glich" und spöter mitem awalt vor de tür stah, DAS gaht eifach nöd.
- sich mal klar werde, dass die ganzi sach mindestens 20 jahr wird gah, und mer nöd eifach cha usstiige, wills eim nüme passt.
- ...und lerne sich dadrüber z'freue

ond wenn er öppis för dä chli macht, dänn selers för dä chli mache, vo härze, ned wel ich das wet,

das verstaht sich vo sälbst. okay es gitt durchus au manne wo nöd so ticked, aber die eröffned chum sottigi biiträg ineme öffentliche forum... mer chan enand au tips geh, oder anderi um rat fröge, das hät nüt mit befehle oder erzwinge z'tue, sondern mit offeheit. und natürli söll er das vo herze mache - nur wänn er s'gfühl bechunt es sägi ja eh alles falsch was er macht, wird das rächt schwer.

drum es chumt ned druf a was er macht, sondern eifacht das er öppis macht!

du häsch s'sorgerecht. Offesichtlich händ ihr nöd klärt, wie das mitem bsuechsrächt greglet isch, alimente händ ihr au nöd klärt, und das und no vill meh sind frage wo IHR ZWEI kläre müend und nöd ER und nöd DU, sondern IHR.

es wär trurig wenns mit sim papi ned klappt

dänn gib ihm e chance papi z'werde und papi z'sii. meinsch inere funktionierende bezihig wär das so super eifach? au det gitts moment, (mängmal übrigens au bi de fraue) wo eine eifach nüme klar chunt, und nöd weis wie er sich sell verhalte. im gegesatz zum selbstgwählti "ich schaff das au allei"-schwachsinn wo hützutags so in isch, hät mer inere funktionierende bezihig aber en partner wo dur sottigi ziite dure zu eim hebt.

und falls ich dich Psy-co jetzt allzu sehr in schutz gno ha sött, und du eigetlich es arsch bisch (glaubi zwar nöd, aber wer weiss das scho im internet...), dänn ändere dich gschider sofort, als z'spaht. mit 50 wärs uf all fäll z'spaat, au wänn eim hollywood öppis anders vormache will. und mit 50 isch meistens die ziit, wo mer das dänn gottsjämmerlich bereut.

aber ich gah mal devo us, dass ihr beidi kei arschlöcher sind, sondern mensche wo würkli s'beschte für ihre sohn wänd. also mached au s'beschte drus - es liit in erschter linie a eu. Beidne.

[Rufus de Dekosurfer]

Hey..... LIEB dis CHIND
Ich ha 36 Johr nei gseid zu Freu und Chind, denn han i mie für beides entschide......
ich lieb mis Chind hüt immer no, isch grad 5 gsie und chasch mer glaube ich ha au mini kriege mit miner trennt lebende Frau....
Ich cha der susch über pm gern no e paar Tips geh, vo wwege recht für de Ma.

grüessli Rufus

[abraxas]

als papa kann ich nur das sagen, was mein kinderarzt damals schon zu meinem papa gesagt hat als universalantwort auf alles:

gernha muemers!


der rest ergibt sich dadraus

[Pearl]

da erfährt man ja sachen...