Alpträum

[Melliandra]

Hm... speziell.

Ich han absolut nie Problem zum i schlafe. Chröse überall wenni müed bin. Aber stub träume dueni
fascht jedi Nacht. Verwache au immer sicher 1-2 mal, das aber meh willi vom Pfuse Ruggeweh
überchume. =o( Aber da ich zum glück immer wieder schnell i pfuse, fühl ich mich eigendlich
immer rächt erholt. Bin froh, dass es bi mier so isch. Han das einisch gha über längeri Ziet,
dasi nid han chöne i schlafe und da bini fascht dure gheit.

Was mier dete ghulfe hed und womer ja mal chan usprobiere. Wend im Bett liesch und dGedanke
eifacht nid wänd zur Rueh cho, dänksch ganz fescht a eis Wort. Liebi, Freud, Freiheit. Eifacht es
Wort wo bi dier Rueh und gueti Energie resp. Entspannig us löst und denn isch es sZiel, nume a
das Wort z'dänke. Sich das Wort geischdig chöne vor z'stelle. Wenn dGedanke wieder abschweifed,
sich wieder uf das wort avo konzentriere und sich das Wort vorstelle. Nid verbisse sonder ganz locker.
Mier hed die Methode extrem ghulfe mini Problem wo im Chopf gsie sind wie mal uf dSiete z'schiebe und
somit am Schlaf chöne dMöglichkeit gäh über mich z'cho. =o)

[satropa]

Wirri Gedanke und Bilder hole mich im Halbschloof i, kurz vor em Übergang in Tiefschloof. Meistens übertreiht sich das au uf die körperlichi Ebeni und ich gspühr komischi Sache in mim Körper. Oder hans Gfühl ich han grad e Moment kei Luft übercho oder han Herzklopfe. Das hani mängisch mehr und mängisch weniger....momentan isch wieder besser. Ich han usegfunde, dass ich mich, wenn ich mir mini Händ oder Fuäss massier recht beruhige kann oder wenns gar nid goht ufstoh und ablenke. Wenn ich mich zfescht uf de Hirnfigg iloh endets inere Panikattake. Ich versuäch mich denn in entspanntere Moment mit mir usenadersetzte.
Defür mag ich mich in letzter Ziit an Troim erinnere, das kann ich süscht nid so, obwohl ich nid kiffe.
Mini Angscht vor Hünd hani au in Troim chönne bearbeite und han mich inzwische recht mit dene Wese chönne afründe.
Ich denke Troim und au die Bilder im Halbschloof sind en Teil vom Ganze, a symbolischi Manifestation vom Unterbewusstsii...villicht...aber mer sött sich nid nur uf die konzentriere will süscht Gfahr bestoht, dass mer die andere Teil usser Acht loht. Au sind die Bilder so individuell und so fragil und beiflussbar, dass ich mich nid allei uf so Bilder verloh möcht. A Grippe, e üäbermüädete Körper oder en vo Glückshormon durchfluätets Hirn kann der Inhalt so verändere, dass es ganz es anders Bild git, was im "Wahrheitsgrad" vo de Bilder kein Abstrich macht, eifach de Moment ufzeigt und de Moment isch immer "echt".
Grundsätzlich schloof ich sehr guät.

[Titali]

Oder hans Gfühl ich han grad e Moment kei Luft übercho oder han Herzklopfe. Das hani mängisch mehr und mängisch weniger....momentan isch wieder besser.

hui, das kenni sehr gut! ich atme oft nid und merkes lang gar nid, bis ich voll dr psycho berchume und merke, dass ich am ersticke bin und mis härz am rasse isch!!! isch rächt strange, au was ich wahrnimm i däm moment, fühlt sich oft a, als flüg uf die anderi siite vom läbe, als würd seele us mim körper go! verkrampf mich när au ganz fest, vorallem mit de hand und em kiefer!

zauberwörter: locker bleiben, entspann dich, lass los... kiff mau weniger mate (für die wo kiffet)!

naja, am däm alleini chas au nid liege!

[ilenja]

aso be mer esch es denn eher .. das gfühl als wörd zunge i gaume hindere gah und dor das bechumi wie en verschluckigs attacke .. aso verwache den und schnappe ganz fescht nach luft .. han das serschtmal mit 22 becho und den lang nöme .. und geschter weder e mol... ech han mal en bricht glese gha dass das anschiehna au psychisch veranlangt seg .. mittlerwiele weiss ech wie mit dem umgoh und chan denoh au weder ruhig schlofe .. aber es hed zyte gaeh wo ech vor angscht das ech ir nacht ersticke nöd han chönne und welle ischlofe..

[Titali]

hm, also bi mir het das agfange mit 19 oder so, wo ich rächt viel droge konsumiert han!
ich ha im vollflash vergässe schnufe... mini schwöster isch mal anere party bi mir bliebe und het mit mir e halb stund i- und usgschnufet, wüe ichs nüme gschnallt han!

naja, irgendwelchli folgeschäde und gwohnheite vom "dumm du" ghört wohl derzu!!! böh

und stoh derzu!

[Tribalis]

Da passt doch grad chli is tema: (20min.ch)

Wenn Schnarchen tödlich ist
In der Schweiz haben gemäss Schätzungen 150 000 Personen im Schlaf Atemstillstände und merken es nicht. Das kann lebensgefährlich sein. Die Lungenliga bietet jetzt einen Risikotest an.
Dieses Syndrom wird Schlafapnoe genannt. Nicht jeder Schnarcher leidet daran. Doch Menschen mit Schlafapnoe-Syndrom sind in der Regel starke Schnarcher, wie die Lungenliga in einer Mitteilung vom Montag schreibt.

Die Atemstillstände werden durch eine zu starke Erschlaffung der Zungen- und Rachenmuskulatur verursacht. Der Körper erhält zu wenig Sauerstoff, und der Betroffene wacht auf - in manchen Fällen pro Nacht mehrere hundertmal, ohne sich am Morgen daran zu erinnern.

Dies führt zu Schläfrigkeit am Tag, was insbesondere im Verkehr gefährlich ist. Ausserdem steigt das Risiko für Herzinfarkt und Schlaganfall. Leichtere Formen der Schlafapnoe können laut Lungenliga meist durch eine Änderung bestimmter Lebensgewohnheiten beeinflusst werden.

In vielen Fällen trete eine Besserung ein, wenn es gelinge, das Gewicht zu kontrollieren, auf abendlichen Alkohol- und Zigarettengenuss zu verzichten und nicht auf dem Rücken zu schlafen. Weitere Behandlungsmöglichkeiten seien Operationen und spezifische Atemgeräte.

Betroffen sind gemäss einer US-Studie 2 Prozent der Frauen und 4 Prozent der Männer mittleren Alters. Wer den Verdacht hat, er leide an nächtlichen Atemstillständen, kann unter http://www.schlafapnoe.lungenliga.ch einen Risikotest ausfüllen

[juerg]

Ich find sehr wichtig vor em iischlafe de vergangeni Tag nomal "durezgaa"
und bewusst alli offne Thematike abzschlüsse...susch "schafft" s Underbewusstsii die ganz Nacht a dene wiiter...

ich glaub au dass mir euis a Partys durs tanze, dur d Deko, dur d Musig und natürli au dur Substanze....un- oder au absichtlich anderne Bewusstsiszueständ öffned
was wahrschindli au uffs underbewusste en öffnende effekt hät
wo sich denn ev. znacht, ebe dur träum, manifestiert..

Wenn me a Astralreise wo d Seel während em schlaf macht glaubt,
find ichs sehr wichtig dass me de Körper vor em ischlafe schützt.
Susch chann er ev. e rächts Chaos "duremache"

Zuedem find ich treit zu all dem i euis tägliche und nächtliche Chaos au,
s immer nöcher cho as 2012 mit de verbundene planetarische energieahebige,
en rechte Teil dezue bi....

ich schlaf zum glück immer guet und überall ii,aber nocher gaats ab wie veruckt
han amigs s Gfühl ich seg znacht um einiges aktiver als dur de tag....

[MinniM]

Mir geht es auch so Horor mäsig, das ich nicht mehr einschlafen kann,
Dachte zuerst es lige daran, das ich nicht mehr Kiffe,
Doch merkte ich nach einer weile, es ist etwas anderes???
früher konnte ich es gut, ohne ein Joint, ich träumte dann auch schöne sachen.
Jetzt sind die Träume nur noch wires zeug, wo ich selber nicht mehr draus komme.
Fragte mich auch schon. Träumen wir nur in der Nacht?
oder sind wir im unbewussten immer mit dem Träumen verbunden.
@ Jürg: ist eine Gute jdee, vor dem einschlafen, den Tag noch einmal innerlich zu durchgehen.
Ich habe das früher auch schon gemacht, ist mir ganz vergessen gegangen.

Liebe Grüsse an alle
MinniM

[wuchenendbefürworter]

Ich träume oft vo Sache woni eigentli Phobie han: Schlange, Spinne, Höchi, grossi Menschemasse... S geile findi, dassi ide Träum so öppis wie Angscht irgendwie gar nöd richtig wahrnimme. Han au scho ganz düschteri Sache träumt, z Bsp. vomne Satanischteritual, Lüüt woni känne mit sonere Art schwarzer Mönchschutte inere Chile am rückwärts bete. Was i jedem zweite Traum vorchunnt isch en Berg, obwohl oder au grad will ich siit chli uf Höhenangscht han. Finde Träum öppis sehr interessants und mängisch tröimi fasch lieber, als dassi wach bin.

Weiss öpper e chli Bscheid über luzidi Träum? Evtl. Technike? Gfahre, so vo wege sich driisteigere, Realitätsverluscht, usw? Hät öpper scho mal detig gha? Würd das gern e chli besser beherrsche, chami scho jetzt a fascht jede Traum erinnere, möcht si aber no chli besser chönne stüre und bewusst erlebe.

[satropa]

Ich has Gfühl, bi mir sind die Symtom uf körperlicher Ebeni eher somatisch, ich glaub nid, dass ich würklich am versticke wär oder grad nächschtens es Herzchriäsi hätti, au wenn ich mir das ame ireede *gg* süscht würd jo au ablenke nix nütze, denn würd ich ersticke oder süscht sterbe, egal wie fescht ich abzlenke versuäche.

[halucinognom]

Mini Tröim si meischdens, wenimi de cha dra erinnere (was ir Letschti immer der Fau isch), wirri Sache, sehr vil zämehangslos usw. und meischdens mitem düre Tag Erläbte zämeverstrickt...und denn chunt de äbä no wirrs Züx derzue, wo überhoupt nid is Bild passt...finges aber eigendlech no witzig, wenimi de aubes am Morgä ufem Wäg zum arbeden dür irgendwelchi Gedanke plötzlech dra erinnere wasi tröimt ha...
uf jedä Fall meischdens es 'Wirrwar' vo Erläbtem und süsch irre Gedanke usem Unterbewusstsin oder so...

[Elias]

Träume sind wirklich eine sehr spannende Sache.
Ich hatte auch schon Träume die man als Alptraum bezeichnen könnte.
Seltsam ist bei mir, dass mich solche Träume eigentlich nie
„schocken“ ich kann mich jedenfalls nicht daran erinnern
dass ich je Schweißgebadet aufgewacht bin.
Ich fühle mich in Träumen frei und unzerstörbar,
auf einer Bühne als Zuschauer von Millionen Symbolen,
die irgendwie mit meiner Gedankenwelt verknüpft sind.
Und irgendwie habe ich das Gefühl,
dass Träumen in einer Bewusstseinsebene stattfindet,
die nichts mit Raum/Zeit zu tun hat,
und man deshalb im Traum auch nichts zu verlieren hat.
Vielleicht hat Träumen, mit dem "Leben nach dem Tod" viel gemeinsam.
Wenn man dann aber erwacht und wieder in Raum/Zeit ist, „gefangen“ im Körper,
und sich an den (Alp)Traum erinnert, so ist es schwierig einzuschätzen,
ob man nun wirklich Angst vor dem Traum selbst hat (die Erinnerung daran),
oder ob es nicht das Ego ist, das die Symbolik des Traumes nach seiner Logik beurteilt.
Und die Logik des Egos macht immer Angst den sie stellt einem als klein und schwach dar.
Ich habe als Kind oft geträumt das ich falle,
und ich habe gewusst wenn ich falle,
dann erwache ich, deshalb empfand ich das fallen, erlösend.
Die Interessantesten Träume hatte ich in Indien,
oder aber ich konnte mich dort besser an die Träume Erinnern,
einige hab ich dort aufgeschrieben:

Mein Traum, die Nacht. 29.11.2006
Ich kam von Indien, nach hause in die Schweiz.
Dort arbeitete ich als Lehrling bei meinem Lehrmeister,
bei dem ich auch im realen Leben gelehrt hatte.
Auch der Ort stimmte überein.
Im Traum aber, war alles verbaut eine einzige Riesen Baustelle!
Ich war also guter Laune von Indien zurückgekommen
und traf all die Menschen beim arbeiten an.
Im Traum war es Sonntag!
Ich fragte mich was los sei, weil alle arbeiteten.
Es wurde mir erklärt das es nun Obligatorisch sei das man immer Arbeiten müsse.
Ein Neues Gesetz.
Ich sah viele Gesichter im Traum (ehemalige Arbeit´s und Schul Kollegen)
die ich kannte.
Und sie waren alle sehr frustriert und traurig.
Ich war im Traum noch in der Lehre.
Ich wartete am Sonntagmorgen bzw. in der Nacht,
da es in meinem Traum ja immer Nacht war, auf meinen Lehrmeister.
Und als ich am warten war, redete ich mit einem Arbeiter dort
(ein ehemaliger Schulkollege). Ich sagte dass ich gerade in Indien war,
und das ich sicher nicht am Sonntag arbeite Gesetz hin oder her!
Er antwortete aber nur traurig,
und sagte alle müssen das, es ist Gesetz!
Ich dachte mir im Traum, das ich in diesem falle meine Lehre abbrechen,
und etwas gegen dieses Gesetz unternehme müsse.
Ich fühlte mich elend im Traum.
Der Ort wo ich im Traum auf meinen Lehrmeister wartete
war meine Lehrwerkstatt, wo ich auch in Wirklichkeit gelehrt habe.
Nur war rund herum eine Riesen Baustelle, überall Kräne...
Und alle wirkten deprimiert und auch ich wurde das.
Kein wunder wenn es plötzlich ein Gesetz gibt,
das besagt dass man nur noch arbeiten muss!
Und es immer Nacht ist.

Etwas verwirrt bin ich aus diesem Traum erwacht,
und hatte den Drang, ihn aufzuschreiben.
Ich war erleichtert dass ich noch einige Monate Indienferien vor mir hatte,
und meine Lehre, Gott sei Dank auch bestanden und hinter mich gebracht hatte.

[Saphira]

(De Konsum vo diverse Substanze würkt sich natürli enorm ufs Schlafverhaute us. Hie en Upper, da e Downer zum uschille – de Körper verlehrt eso nur, sich säuber wider ufe- und abezfahre. Und au Tröim wärde intensiver, luizider, wie ou immer, es geit haut öppis ab im Oberstübli.

Wott das niemerem vorwärfe, aber oftmaus isch haut würkli de ungsung Läbestil uf gwüssi Schlafproblem druf zrügzfüehre.)

Momentan hani z gfüeu, dass wenni nid möglichst viu schlafe, dassi nid richtig funktioniere düre Tag. Aso acht Stung bruchi scho, dassi mi würkli richtig fit füehle.

U wie lang heit dir im Schnitt zum ischlafe? I beniide Lüt, wo eifach is Bett chöi lige, Ouge zue u i 10 Min. im Land vo de Tröim si. Auso 40 Minute geits äuä im Schnitt, we nid no lenger. Sport mache am Abe isch ou nid grad förderlich, sowie Nikotin…

[juerg]

Sport mache am Abe isch ou nid grad förderlich, sowie Nikotin…

Schunnt ganz druff a was für sport....

d körperlich betätigung im bett mit ere gmeinsame zigi aschlüssend..
hätt mir meistens zume göttliche schlaf verhulfe

[firetiger]

schoen locker blibe da hed glaub oepis met de sterne ond planete (mars ?) z tue.sehr spezielle konstelation.vollmond a wienachte chont au no derzu.i ha scho als chend, huere mueh gha zom i peene, mini muetter esch ameigs fascht verzwifflet. en zwoesche zit, schaff is so noch einere bes zwoi stond ui ond das met de wirre tröim,i ha mi mol be öperem entscholdiget, vör öpis wo e mim traum vorcho esch.i ha aecht noeme gwoesst, ob i da träumt han oder was esch en strupi zit gsi (keine drogen geschichte) wo i min kolleg de weder mol gseh han,haemers dröber gha träume ond so. de han i em da natürlich verzählt, zom glöck heds mer min kolleg ned übel gno.mer hend eus de raecht vergroehlet.aber er hed zerscht huere komisch glueget