hippies? Infos. !!

[tanze bis es schneit]

Hey zäme.

Also churz zu mer was ich gern wett: i mache en arbet über d hippie Bewegig ide 60er Jahr und i weiss ja das, dass da ja es Goa forum isch aber wer weiss vielich wirdi fündig.


Ich sueche lüüt wo ide 60er jahr die Hippie bewegig meterläbt händ und au öpis chönd/wänd drüber verzelle.
öpert wo
natürli aktiv debi gsie isch oder immer na die läbesistellig läbt wer au de hammer..
aber i wet ja ned grad z vell verlange. oder s wer au super wenn ihr öpert kenned, wo drüber was wett verzell.
i mache schlussändlich es interview drüber aber s isch alles na in bearbeitig.
Mich würded natürliche au Bricht interessiere vo euch, vo eune eltere, verwande,
fründe, ganz egal ich lass euch freie lauf..! wänn ihr susch na en site kenned wo ich lüt chan afroge bini ume info au dankbar.

freu mi uf en nachricht vo eu, peace. coco

[Indigo]

glaubs da ide CH bisch es bitz am falsche ort für söttigi recherche, wil sich die damalige zyt i eusem land eher fade usdruckt het . gross abgange isch es hingege in Woodstock/USA, England, Holland und vieli anderi länder mehr. han grad geschter de film EASY RIDER von und mit em Peter Fonda im tv gseh = guete afangspunkt für hippy-stories. leider chame alli Jai's dezue nümme befroge wie J. Joplin, J. Hendrix oder J. Morrison.

aber: viellicht weiss ja en ältere nachbar vo dir mehr drüber? oder wiki, oder google?

hützutags git's kei richtigi hippies mehr. das sind eher flippies .

[Mirowsky]

ui indigo do bini aber gar ned dinnere meinig
klar cha mer "eusi " hippibewegig ned mit amerika,england,frankrich oder holland usw. vergliche,wie au,
mi händ scho viel e chlinneri iwohnerzahl als die andere.....

ich bi zwar erscht endi60er/afangs70er in kontakt cho mit dene userirdische aber es het sehr wohl
hippis gha..wenn ich do nur ad "riviera" denke oder ums s bellvue im allgemeine

at coco ich weiss ned vo wo du chunsch aber mi hend in zug am see es lokal wo s podium heisst oder au s chaos
wie de wotsch....de wirt oder wie au immer....er heisst marco kunz... er isch für mich so de urhippi vo zug und er lebt
zum teil no so wie zu dere zyt (idiologisch)...frag ihn mol,glaub er wär schono zha für so was......

und susch wieter sueche es git au i eusere s szene no alt hippis

viel glück mit dinnere arbet

[tanze bis es schneit]

danke Mirowsky, i wird sicher uf das zrug grife, wohne ned so wiet weg vo zug, s dönt ämal guet.
für mi isches hald e schwierig i cha nume durs internet und büecher und hald infos vo andere drüber schriebe. bi ned i dere ziit gebore wer zwar sicher na cool gsie. jo und wie du seisch i finde au dases sicher na es paar hippies gid i meine das isch mänschebewegend gsie die 60er jahr, danke danke für die infos.


Indigo ja die grosse idol die sind leider nümme unter eus, aber ich bi glich defo überzoge dasich öpert finde au da ide schwiiz. au wenn jetzt hald öper nimme die istellig läbt channer ja glich über sini dozumalige erfahrige verzelle. ich sicher für die person au na interesannt i alte gedanke ume z schweife.,. i bi optimistisch und sueche wieter..

grüessli, coco

[Mirowsky]

ja bitte...

fühl mich jo scho au als alt hippi aber ich find do gits freaks wo der besser chönnt uskunft geh..
wie scho gseit...mich hend halt meh droge und musig a gsproche als de rescht

also nomol viel glück bi dim projekt

[Philine]

Vell Erfolg bi dinere Arbet - hesch wie ich fende nöd grad es eifachs Thema uusgsuecht..

S'get soscht no de felm "last hippie standing"..esch halt eher öber d hippie-bewegig in indie us de 60er/70er johr..

much of light*