COLDPLAY @ stade de suisse bern, 2. september 2009
hey donat, du schribsch zwar, mer söli da kommendi konzert empfehle, wil aber no niemer was gschribe hät, möchti jez glich zume vergangne konzert was schribe.
geschter am spötere namitag es tel übercho, ob i spontan seg. hüt (aso geschter) abig coldplay@stade de suisse bern? händ dänn nach me rächte zitli im stau en parkplatz gfunde (i ha grad gfunde, das bild mit de autos uf de wise und vilne lüt wo es rächts stückli wäg z fuess bis zum stadion zruggleged, chunt mer doch igendwie bekannt vor, wo er seit: wie e goa
) und sind zum stadion spaziert.
mi sind beid scho sit ewigkeite nüm amne konzert xi (speziell, dass du die diskussion ersch vor me zitli eröffnet häsch, au wänn min bitrag chli näbem thema verbi gat)... ungwohnt, aber eigetli super, hät spass gmacht. lässigi musig, sympathischi musiker, originelli ideeä (aber nöd zuuu vil show), es stadion volle lüt, überrissni priise (defür am schluss e cd als abschiedsgschänk für jedä/jedi). s hät dä es lied agfange, woni gfunde ha, dass chönt jez durchus anre goa laufe, wo de r. genau das seit
härzig isches xi, wo si, wos dä s erscht mal hät afa rägne, i'm singing in the rain gspilt händ. und au "we went to switzerland to play in the rain" isch nöd bös überecho
. schön isch au de gedänk-song an michael jackson xi (und die tusige vo
moderne füürzüg natelliechtli)... und dass de sänger/gitarrischt/pianischt dänn geg ändi, wos es richtigs gwitter gä hät, fasch nüm hät chöne singe, wiler so hät müesse schmunzle, isch so schön mänschlich xi. ha gfunde, dases für die vile lüt leider oft chli wenig abgange isch ("that was the most silent..." aber natürli nöd nur, mängisch isches ei hammer stimmig xi)...
nachem konzi simmer use und döt häts vo de postfinance es chillout-zält gha. nöd schlächt gstuuned hämmer, wo döt minimal gloffe isch
e spontanaktion, wo sich glohnt hät! thx!
viva la vida!
http://www.youtube.com/watch?v=dvgZkm1xWPE
njoy
the hardest part...
http://www.youtube.com/watch?v=6Dod1zQu ... re=related
für en ganz spezielle mänsch. schön, dasses genau de 2. septämber xi isch...
