shmau goes online...

[Shmahu]

juhuuu zäme

han ändli mis album fertig und e homepage gmacht, womer chli chan i mini musig ielose und d cd bstelle. isch zwar kei goa, aber da ine känned mi ja es paar, villicht intressierts eu trotzdem ..


http://www.shmau.ch


freu mi au über feedback.

liebe gruess,
shmahu shmau andrea und so

[Capablanca]

sehr schöne musik

obwohl ich nicht alles davon verstehe

[TheAngel1985]

Hey Shmahu... DE ABSOLUT HAMMER!!! muess dir glaub grad es Mail mache und e CD bstellä!! *smile*

Witer so...

[604freund/Psykas]

ächt schöni musig zum relaxe, und e schöni stimm häsch!
s'änglische lied gfallt mer bitz besser...!
kenne aber bes jetzt nur die 2 lieder womer chan abelade, werd
secher wenn sech s'januarloch endi monet weder füllt e cd
bstelle! wie esch das met zahle?
per rächnig? und... was choscht si denn?

witer so, und s'label schiint au na cool zsi...!
greetings
604fründ

[Meenakshi]

e spezielli, schöni stimm hesch, und
gueti texte!

vill erfolg!!

ps. dini stimm wür wunderbar inen psytrack passe... smile

[Lila]

yeee ändli weisi wie du singsch..hed mi scho lang wunder gnoh..

mus säge hesch en sehr fiini schöni stimm..

mer isch ufgfalle dass i beidne lieder en teil immer zimli liislig und chraftlos singsch..was au ned schlächt isch..

aber zwüschedure gisch amig meh gas..also wirsch lüüter und liideschaftlicher..das töönd denn hammer!

aber ebe isch en schöne usglich..und das dezue na gitarre spilsch..wow..respäkt!

wür mi freue wenn me mal na eis zwei liedli meh chönd lose..

[Kollegoli]

shmau loooooooooooooooooooooooooooooooooooooss

bstelled ihri cd! die isch eifach absolut oberschön, da chasch fascht nümm.... seeehr speziell.... gnadelos ehrlich... absolut gnadelos ehrlich.... da chasch di nümm degäge wehre.

[Cat]

*neugierig-g'sii*
*g'spannt-g'sii*
*Ohre g'spitzt*
*g'stuunet*
*lüüter-g'macht*
*namal-g'loset*
*ganz-luut-g'macht*
*Härzchlopfe-g'ha*
*Träne-abputzt*

Danke! Für die wunderschön Musig und die würkli berührende Wort...

[LittleMissGinger]

Shmahu hoi Du

Du singsch mir mitte is Herz und ab i d'Wolke ufe: Wunderbar, so fiin und schön. Tolli Stimm volle Gfüehl, super!

Vo mir us het'sch Flügel verdient ... .

Danke. Kiss ya Ginger.

[TheAngel1985]

*freu, freu, freu* ich krieg schon bald ne CD!!! *freu, gump, hüpf* *lach* ich schliess mich im Nachhinein na allem gseite a... dini Musik berührt... sehr sogar... freu mi scho uf alli andere Lieder woni jetzt dänn bald dörf lose... *freu*

[Shmahu]

wuaa, ich sitz da vorem comp und bin gad völlig überwältiged vor luuter freud... merci, merci villmal für die ville komplimänt! ihr sind riese schätz. es isch immer u schön, wänn mini musig verstande wird. danke!

[Father Oblivion]

wow... dini lieder haend mer gar im heisse thailand e wohlig chalts froeschtele ueber de rugge gjagt... als bekennende melancholiker gnau die nahrig wo mis herz und mini seel i hektische ziite bruechet... soo truurig und doch so schoen und weise.. danke

[müstik]

sali andrea, au ich schlüss mich dene gfühl a. send 2 sehr tüüfgründigi lieder. seinte tuet bsunder weh!

wo chamer dini cd bstelle ?

[Aylon]

top sound. du hast echt eine super stimme. da gibts nichts zu bemängeln

will unbedingt eine cd! wo kann man bestellen?

viele grüsse
aylon

[Shmahu]

juhuu!

ich freu mi natürli mega wänn ihr e cd wännd bstelle. ich wird no es online-formular iirichte, aber bisi das han, chönder mir eifach es mail schriibe uf talkto (at) shmau.ch (sorry die schriibwiis, aber ich han kei luscht uf spamattacke) und di gwünschti aazahl und eui adrässe hinderlaa. (oder ihr chönd mir au es pm schriibe natürli...)
d cd choschtet 20.- inkl porto

yee, ich freu mi scho zum päckli mache...