mysticalforum

I weiss nid ob di Frag scho mau gsteut isch wordä:)
Mi nimmt glich wunger, heit dir spezieui GOAKleider wo dir numä a Partys alegät odr loufät dir geng so umä! Odr het dir gar keni GOAkleider?

Bi mir ischäs ungfähr so.. a ,mini ersti Goaparty bini no mit Jeans u Top ganä. Gli druf hani mir ä Rock kouft u vor ca 2 Mönät ä Jackä. U di Jackä hani jtz geng anä (da si eifach abartig isch;) ) u wenni nid muäss ga büglä ( da i Kleider vorschriftä ha) hani eigntläch geng Jeans u äs Wickujupe drüber.

Also so streng trenne zwüsched sogenannte "Goachleider" und anderne Chleider tue i nöd, tue mi au nöd extra verchleide zum ane Goa zgah

Han halt scho bevor ich a Goas gange bin gern äs bitz Hippiechleider agha. Sit ich halt a Goas gha sind mir die Chleider no meh über dä Wäg glofe und han dementsprechend au meh so Chleider kauft, drum hani jetzt scho äs paar Jäggli mit Gnömlikaputze u.s.w. Muess aber säge, dass mir die Jäggli chli verleidet sind, a dä Goas häts ja fängs jedä a. S`einzige was so würkli praktisch immer zu mim Partyoutfit ghört isch en Rock, han unglaublich gern Röck a zum tanze, das git mir äs Gfühl vu Freiheit.
I letschter Zit hani eher unhippiehafti Chleider kauft, halt so Sache wo mir süscht no gfalled und mim Style entspreched.

Was mir scho immer nöd gfalle hät a mir sind verissni, verhängti und ungepflegti Schlodderklamotte. Au so behängt wie en Christbaum bin i nie gsi. Ich han au einigi Chleider gnäht oder umgänderet und so min eigne Style kreirt.

Über das Thema isch glaubs au scho diskutiert worde. Und det händ sich immer die Antihippiechleiderlüt über Glögglis u.s.w. beschwert und umgekehrt, verstah ich ehrlichgseit nöd so

Söll doch jedä sich so alegä wies ihm passt. Isch doch nöd so wichtig.

Sowieso s`beschtä find ich, wänn a Partys all Lüt chli verschidä agleit sind, vu Jeans über Hippierock zum Metalstyle, chacun a son gout.

Also Chef-Wouf.
So wie Du Dich nennsch, bisch Du natürli en Mah.
En richtig starke Mah, en Wolf halt.
Gross, mit Bart und Mähne, so Rocker-Typ.
Ich denke, das Du mit Röck und Jupe wetsch umelaufe, hanged nöd unbedingt nume mit de Goa-Szene zäme, oder ?

Also mir gfallet verchleidige schono. Die wo jung und hübsch sind söled sich doch au e biz farbig usebutze, so dass sottig wie ich (älter und mit Bierrantze) nöd so uffalled.

cheers

nach lust und laune- aber i ha keni mega farbige sache und röck und so... i legge ame es röckli über d'hose a oder so- aber das geit nid so ganz under goachleider... chame sowieso nid eso säge- es git ja au ke australierklieder... ) ha übrigens au es genial strickjäggli *lach* i liebe das teil...
aber nume für a partys? naja... macht nid so ganz sinn... de isches für mi nume es müesse derzueghöre, sogenannti mitläufer... i go emu fast immer mit jeans ad partys- es muess mer ja wohl si... aber mängisch chunnts mer scho so vor als sigs e wettbewerb: wer ist heute am farbigsten angezogen? i weiss, i bi e bösi...

peace, meli

Goakleider ???, hab mich eigentlich an den sog. Dresscode noch nie gehalten hauptsache bequem (glaub auch nich das mir dieser hippiestyle gut steht

versteh die Diskussion net!!! Wir reden über Goa-Parties!!!! Da is ALLES erlaubt!!!!!!!!So ist der Grundgedanke der Philosophie die da dahintersteckt**
Freilich gibts Elfenkinder, Gnome, und Koboldis!!! Und wennst genau schaust: voilA.---DIE SIND <<ECHT>> nach der Party gehn sie wieder in den Elfenwald und freun sich auf die nächste Outdoor.(Darum sind die Partypeople dort viel bunter! als in Clubs ; )))
Ehrlich. Die laufen immer so rum!!!! Authentisch*** Ja, das is das Wort*** Alles andre ist Commerz, und der soll keinen Rahmen becho***
Believe in you, trust in love, live YOUR life ***(its a gift from universe)

zauberhäxli, i stimme der zue mitem rock!! da fühlsch di würkli freier und luftiger..vorallems wenns echli winded und sech de fiini stoff vom rock ad bei schmiegt, das liebi!!! dezue findi gsehts au schön us, aso i meine weni anderne fraue zueluege bem tanze und sie hend ne länge rock a schwingts eso schööön ume...

u verchleide am wuchenänd tueni mi secher ned. klar chas de ame chli usgflippter sii aber eso dasi mi no wohl fühle, ned so wie en clown (git secher lüt wo sech so wohl fühle )

ha halt (leider) sehr velli chleider wo ergendwie löcher händ, natürli ned absichtlich, die "entwicklet" sech de halt langsam..und mi störts öberhaupt ned! u zum glück chani so verlöcheret und verhunzet go schaffe wieni möcht, sogar mitem rock und de chef seit nüt...esch velecht ned sehr praktisch aber es gaht ja emmer ergendwie

wasi no amüsant finde, dblick vode lüüt uf de strass weni "normal" umelaufe... die händ de sälber ame es lächle im gsicht, hihi und komischerwiis erfreut mi das dä au grad nomol

also ich meinti es söll doch jede a partys go wie er/sie will bzw. wie er/sie sich wohl fühlt!
klar chomi nid mit schale ond krawatte ane party, aber wenns öperem so am wohlschte esch; wieso ned!
i dere szene wo mier eus beweged (läbed) stoht toleranz immer rächt wit im fordergrond; oder nid?
also meint ich ane Outdoor-Party sölled sich alli lüüt so alegge wie si sich wohl fühled!
ond wenns denn söttig hed wo mönd en dommi schnorre ha denn sölleds doch! jedem das seine!

schloss endlich gangi ane Party wägem sound ond ned weli de lüüt uf klamotte well gaffe!

Peace Manu

dfrog isch aber glaub meh ob iar au so go schaffa gönd.......
also mich wür das scho interessiere...........
i gebe mair meh mühe wenn i an partys gon zum mich alegga.............röck, farbig, schmuck...........i liebes aifach....
bim schaffa leggi mi nit so extrem a, aber glich immer en touch *goastyle*
han zum glück kai kleidigsvorschrifte...............

zum thema: ; )) der ursprung liegt bei den flowerpower hippies,..und die waren lovepeacebunt, mit indieschtouch(GOA). Farbe bringt ein Lächeln auf die Lippen ( bei einem selbst, und bei andren)

Graue Mäuseleins sind auch oft am Strahlen )Im Gesicht!!

Wenn man sich gern bunt fühlt,...dann solls auch nach aussen.

auso eg legg mi nümm im "goastyle" aa, will mir das nümm so gfallt. aber grundsätzlich söll jede sich so alegge wie er will.

eg finde au nid das me unter der woche muss gliich agleit sii wie am wuchenend. es mach doch spass sich für e party chli usezputze. schliesslech isch en party au eppis speziells und denn ghört halt je nach demm au en spezielli garderobe dezue. wiso sött das unauthentisch sii?

mit de clubs isch das au sone sach, je nach demm welle club es esch, muss me sech halt style. aber das esch jo au guet so, schliesslech isch i de clubs d mode scho fascht en teil vo der dekoration. und eg mit minere vorliebi (scho fascht fetisch ) für schöni chleider gseeh das no gern.

eg denke nid das es es muss isch sich z style. aber es esch en schöne bonus. es esch halt schöner wenn d lüüt sich halt useputzed und ihri chleider em aalass aapassed. das get es schöners gsamtbild.

a goas leit me sech halt farbig aa wills zu de atmosphäre und der musik und vorallem der deko passt. und i de clubs wo die ganzi sach chli meh sexuell/glamourös atoucht isch sind halt edli lederjacke, ketteli und wachs i de hoor aagsei. und be de froue miniröck und stilettos (eg liebe miniröck).

es macht spass sech es bitz wiit z verchleide und körperkult isch an sich au eppis guets, wenn nid alles uf das reduziert wird und me die lüüt fertigmacht wo dem nid so folge. eg meine es foht jo scho bim duusche und fingernägel schniide aa, en gwüsse grad a gepflegtheit findi sött me sine mitmönsche scho gönne (usser me het a dem tag grad ke bock druf).

Sunsista hat geschrieben:versteh die Diskussion net!!! Wir reden über Goa-Parties!!!! Da is ALLES erlaubt!!!!!!!!So ist der Grundgedanke der Philosophie die da dahintersteckt**

er sagt ja nicht dass was nicht erlaubt sei und es beschwert sich ja niemand. finde die frage eigentlich ganz interessant

wieso rede eigentlech es paar vo verchleide?? wenn der ines feins restaurant gönd ond öppis schöns alegge nenn ich das emu au ned verschleide .. för me tuet mer sech verchleide zom öpper anders darstelle (also dass mer ned erkennt werd!) alles andere nenn ich omzieh oder alegge ..

Ja, Edoardo da häsch scho rächt.
Ich mein eigentli beides, nämli richtig Verchleide mit Maske und Stelze und Perügge etc, aber au schön ahlegge.

Finde scho dasme für en bsundere Ahlass öpis Bsunders därf ahlege.
Das bringt scho biz gueti Stimmig.

Ich glaub äs paar da inne händ mi chli falsch verstande wäg em verchleide. Han dämit meh gmeint, dass ich mich nöd extra zum däzuepasse oder so hippiemässig aleg und dämit nüme mich sälber bin. Bi mir chunnts immer uf d`Lune drufa was i grad aleg. Bi natürlich wänn i ane Goa gah scho eher bunter und freakiger agleit, isch aber au nöd immer so, bin au scho mit breite Hose und im Skaterstyle ane Goa.

Übrigens find i so äs Vorbereitigsritual für ä Goa no öpis lässigs zum sich istimme. Gah dänn go dusche, mich go icreme, pflege, Sache paratmache fürd Party (z.B. Rucksack packe ja nüt vergässe ), dänn choch ich öpis feins wo mir Energie git für Party, leg mi a, style mi villicht ä chli und los chli Goa däzue. Bi so äme Ritual stiegt bi mir Vorfreud is unermessliche.

Aber so mal e Goa wo all sölled nach eme Motto verchleide si, stell ich mir no luschtig vor. Sich so öpis uszdenke isch doch en kreative Prozess, nur müends dänn wenigschtens die meischte au mache!!

uiiii Zähneputzen nicht vergessen!!! Wot ja nöd das süscht all flüchtet vor mir