mysticalforum

hallo

inspiriert vome andere thread hani denkt, chönntme doch mal eine übers tanze eröffne!

wie tanzed ihr?
wora denked ihr bem tanze?
(wie) tanzed ihr eu in trance?
wozue tanzed ihr am liebste?
wo tanze ihr am liebschte?
benötiged oder benützeder droge zum tanze?
geniered ihr eu bem tanze?

wie lang tanzed ihr?
erbringed ihr bem tanze körperlichi höchschtleistige? vo wo nähmed ihr d'energie dezue?

wie fühled ihr eu denah?
findeder de muskelkater nacher geil?

usw......

Ich tanz mal so, mal so....
Hauptsach immer as Bier ide Hand. Süsch gaht das nid!

chunt immer uf mini lune drufa.
mini gedanke si meischtensfrei oder öberloh se de phatasie vor musik.
bi mir chömet automatisch bilder, u gfühl bem shake abhänig vor musig. zb bi geile basslines hani mängisch voll d hormonschüüb
u das au alles ohni droge aber verzichte ned emmer druf.
muskelkater hani eigentlich nie au weni 7h dure tanz oder so.

bsunders druf igah möchtich jetz grad uf de punkt "wie tanz ich mich in trance anere goa - ohni droge".

aso wenn dmusig absolut unagfochte oberapokalyptischgeil isch, dann passierts eifach so und ich chan mich nöd wehre.

meistens isch dmusig aber nöd oberapokalyptisch, sondern eifach geil (was au sehr guet isch). und wenns nöd grad absolute volltrottelfullon oder verblödigsproggi isch, dann mach ich das e soo:

(miini bei beweged sich zum beat und min oberkörper zu de melodie und de grüüsch.)

ich gang uf de dancefloor

ich konzentrier mich uf de repetitivi rythmus vo de musig und mach min grundstampf bzw. grundhüpf: z.b links rechts - links rechts usw. dezwüsche immer liecht abfedere und das ganze so schön lockerflockig zu miinere grundbewegig mache. de goa hat ja ide regel en grundlegenste rythmuss, sozäge de grundgroove; de isch ja uuhuerre simpel. halt ebe so.... nää nä - nä nää nä- nää nä - nä nää nä..... uf de konzentrier ich mich.

und scho bini i sonere art meditativem zuestand... immer nää nä - nä nää nä- nää nä - nä nää nä. je nachdem summich no dezue und dvibration vo miinere stimm beruhigt mich und bringtmi no meh in meditation - so ähnlich wie sschnurrle vonere chatz.

dann, wenn dmusig guet isch, chunnt dann mal e melodie oder es chömed grüüsch. beruhigt und in grundtrance vo mim grundhüpf (was igendwie vorrussetzig isch für laangs, würkli geils tanze) verarbeit ich dänn die melodie oder grüsch mit mim oberkörper. wenni das mitem grundhüpf richtig gmacht hän und dmusig guet isch, fangts da scho a, obergeilstens zwerde. jedes grüüsch und jede ton bechunnt siini eigeni bewegig.

ergeilt vo dere ganze sach steigered sich das dann immer wiiter. baldmal chömmed so viel grüsch und tön, dass mer nümm jedem einzelne chan e eigeni bewegig gäh. es sei denn mer isch guet in form, das bini, und dann entstaht es mega chraftvolls umegefuchtel, wo uhuerre abgaht. wenni jedoch nöd mag (well s'chraftvolle umegefuchtel bruucht uhuerre energie), dann mach ich obe eifach nur no schön chreisendi repetitivi bewegige (z.b. so als würi d'luft streichle) und dezue de grundhüpf.

so chönntich das öpe beschriibe.... es gid natürli verschiedeni beschriibige... wie würded ihrs beschriibe?

oh... ha das eigentlich grad under min erschte post welle.... egal...

ps.: während ich das mache, denke in erster linie a nüt anders, sondern nur ad musig.... und rede mit anderne tuen i dann au grad nöd...

je nach droge.....oder alkohol

tanz isch s LÄBENSELEXIER!

wora denked ihr bem tanze? echli a alles womer grad dure chopf schüüst
(wie) tanzed ihr eu in trance? wenni mol es ziitli am shake ben denn chunt das plötzli dasmer eifach abschaltet und sich der körper selbstständig zur musig bewegt
wo tanze ihr am liebschte? im wald wenn d sunne ufgoht
benötiged oder benützeder droge zum tanze? jo kiffe halt, aber suscht eigentli nüt
geniered ihr eu bem tanze? nö
wie lang tanzed ihr? kei ahnig das in stunde oder so zäge, emo die meist ziit weni anere party bin
erbringed ihr bem tanze körperlichi höchschtleistige? vo wo nähmed ihr d'energie dezue? weni amigs chli kabutt bin und mer öper zuelachet, oder weni es schöns gspröch chan füere ben nacher eigentli emmer chli fiter
wie fühled ihr eu denah? so nachme party-wucheend fühlimi meistens recht guet so mentig und zistig, und nacher freui mi scho weder ufs wucheend
findeder de muskelkater nacher geil? han zum glück no nie eine gha

I probiere a gar nüt z dänke bim tanze u übergibe mi körper voll und ganz ar musig u dr geist lani is universum la abflüge

bim tanze luegi zerscht immer dasi gnue platz han drum gangi au lieber a wald partys chli aber fiin¨!ich luege gern dlüüt ah wo shaked während i am shake bin weis au ned werum ned willi mi unsicher fühl oder denke das i mi ja chönnt peindlich bewege!ehner im gägeteil meishctens chunnt eifacht es hammer gfühl ue willi sörig mömed gern mit anderne teile drum würi mängisch am liebshcte all umarme^^ droge nimmi eigentlich käni meh bi am afang woni a partys bin immer psoffe gsie weis au ned gnau werum aber jetzt schiissts mi rächt ah weni betrunke bin wills denn für mi eifachd nümm schtimmt !!nüechtern-schöni momänt sind für mich immer na die wertvollschte wos gid uf dem planet!!
mängisch dänki aber au das mer mini gross liebi hald immerno fehlt wo so moment mit mir und ich mit ihre cha teile!denn tanzi praktisch nümme gross ume wills mi denn hald innerlich chi ascheisst aber ich luege au eifachd mal gern zue!und das machi i sörtige momänt halt lieber und dnn fanged au die grosse gedanke a bi mir aber vo denne wetti nüt da is internet schriibe rede lieber mit lüüt denn über die wenn überhaupt!

suscht tanzi gern chi wiiter weg vonnere party irgendwo im wald, frög mi eigentich au wiso aber e antwort uf das hani na nie gfunde machs halt eifachd gern!!

wie tanzed ihr?
mies. hehe.. - hab ich noch gar nicht so genau beobachtet, manchmal so zwei drei schritte nach links dann nach rechts währenddessen mit den ärmen und händen bewegungen machen, die dazu passen - oder auch nicht wer weiss, sieht vielleicht geil aus, vielleicht voll bescheuert, aber es macht einfach spass!?
wenn ich grad nen anfall habe, dann wirble ich mit den händen herum und fühle mich dann wie so ein feuertänzer, nur halt ohne feuer und vermutlich auch nicht mal 0.00000000001% so anmutig - aber so hin und wieder tut das echt gut. hehe..

wora denked ihr bem tanze?
1, 2, 3, 4, hüpf, 1, 2, 3, 4 schwup
hihi, nein quatsch!!
manchmal an die einzelnen töne, wie sie so zusammen passen, wie schön die stimmung ist, so was halt.. und noch ungefähr 454676518911779 andere sachen - oder auch: gar nichts.

(wie) tanzed ihr eu in trance?
mit whippen - hüftgelenk hoch und runter bewegen im takt (so hoff ich zumindest) zur musik... und irgendwann zieht es mich dann einfach rein in die klänge und es wirbelt und stampft mit mir durch.

wozue tanzed ihr am liebste?
Morge-Psy. wänn jedes töönlii eifach so sin platz hätt und alles klingt und doingt und dinggt und schwuppt! ich habs gern, wenn der sound abwechslungsreich ist, eine berg und talfahrt der klänge eine art geschichte, eine reise...

wo tanzed ihr am liebschte?
im prinzip im wald, wobei es je nach wurzelvielfältigkeit schwierig ist dort nichts kaputt zu machen. heja in einer waldlichtung natürlich und auf einer wiese - und vor allem direkt vor den boxen, das ist echt abgefahren, wie dann der sound noch viel direkter in die muskulatur übergeht, so eine art klang-trip, es ist geradezu majestätisch vor den boxen... lustigerweise habe ich nie trinitus und höre eher zu gut als zu schlecht. könnte natürlich auch einfach an der qualität der meisten boxen an partys liegen, und auch natürlich weil es outdoor ist und sich die klänge da nicht potenzieren indem sie von wänden abprallen.

benötiged oder benützeder droge zum tanze?
was ich gern habe ist ein bier am morgen wenn die sonne aufgegangen ist. eine kombination von wasser, red bull und bier hat mir schon so manchen sonntag ausgereicht. die einzige tanzdroge für mich war lsd. joints überhaupt nicht, da werde ich so beduselt, dass ich überhaupt nichts mehr hinbekomme. benötigen tue ich jedenfalls keine, und seit ich lange zeit an goas bin, tanze ich auch zu anderem sound ungefähr so wie an goapartys. da es anderen sound aber meist nur in clubs gibt, und die meist überfüllt sind, und ich ein biesschen platz ganz gern habe, weil ich es immer so ein bisschen peinlich finde, wenn ich jemandem einen kinnhaken verpasse, ist das auch nicht mehr so mein ding, zu was anderem zu tanzen als zu goa...

geniered ihr eu bem tanze?
och ja, wenn ich diese armkreisungsbewegungen (siehe oben) mache bin ich schon manchmal etwas geniert - aber das geht vorbei, und ich tanz dann auch wieder etwas "besser". ich genier mich höchstens wenn andere einfach abartig geil, rhythmisch im takt und speziell tanzen und ich daneben meine etwas kurligen bewegungen vielleicht nicht ganz passend sind. meistens verzieh ich mich dann hinter die nächste box und mach dort weiter, hihi

wie lang tanzed ihr? erbringed ihr bem tanze körperlichi höchschtleistige?
manchmal kommen gewisse stellen in gewissen stücken die einfach so intensiv sind, dass ich alles gebe was irgendwie in mir drin ist. bei solchen gelegenheiten ist der energiebedarf höher als der energiegewinn durch den sound, drum muss ich dann eine pause einlegen, doch wenn das energiegewinn sound zur körperlichen leistung ungefähr gleich hoch ist kann ich solange tanzen bis ich durst bekomme. dann ein schluck chai, red bull, bier oder wasser und weiter gehts...

vo wo nähmed ihr d'energie dezue?
wir haben viel mehr energie als wir so meinen, ich glaube ich zapfe stille reserven an, die irgendwie immer da sind, aber nur zum vorschein kommen wenn ich sie abrufen WILL und wenn die einmal aktiviert sind, lassen sie sich auch nicht wieder so schnell abstellen.

wie fühled ihr eu denah?
ganz unterschiedlich - auf alle fälle bewege ich mich nach dem tanzen irgendwie geschmeidiger, "sportlicher" und bin auch relaxter.

findeder de muskelkater nacher geil?
naja, eigentlich nicht so - aber meist bin ich dann soo müde, dass man das gar nicht mehr so merke...

geile thread..

wie tanzed ihr?
am liebste exzessiv und wild und flüssend und mit herz und seel, wänns klappt... und susch eifach iisi vor mich hiigwagglend.

wora denked ihr bem tanze?
ich laan d gedanke eifach flüüsse... meistens spillt sich vill ab i mim chopf und i mim herz, aber uf sehr flüüssendi, agnähmi art, ächli wie bim sex.. es isch irgendwie so, als würi alli gfühl betanze und ständig i öppis neus verwandle: angscht wird zu wuet wird zu truur wird zu verständnis wird zu freud wird zu liebi...

(wie) tanzed ihr eu in trance?
meistens merki sofort, wäni uf de dancefloor stahn, ob hüt de trance-tanz-tag isch... es hangt vo de musig ab, aber au vo de stimmig ufem dancefloor. wäni sich mini ärm wie vo elei afanged bewege, ohni vill müeh, dänn gaaz nüme lang und ich chum de verschleieret blick über und fühl mi, als würi tanzt werde vo de musig.

wozue tanzed ihr am liebste?
zu richtig psychedelischem sound, so ine-suugi psy, wo mer sich fasch nüme chan entzieh... oder zu erdigem, ehrlichem, trancemässigem progi.

wo tanze ihr am liebschte?
im wald, ufere wise, ufeme hügel, bi wind und sunne...oder im summer underem warme rägeguss.

benötiged oder benützeder droge zum tanze?
sehr sälte was bewusstsiierwiiternds... das chan so usecho, dass es mi entweder in kosmos katapultiert oder dänn gaz gar nüme mit tanze, willi dänn nüme chan über langwiiligi oder unächti musig hinweglose ... drum konsumieri meistens nur hahnewasser.

geniered ihr eu bem tanze?
mängisch scho, mängisch nöd... ich versuech immer eso ztanze, als wäri elei und niemer wür zueluege. klappt leider nöd immer, vor allem am tag. aber wäni mal i de trance ine bin, isch mer eh alles scheissegal.

wie lang tanzed ihr?
wänni id trance inechum mehreri stund...dänn chas vorcho, dasi nüme chan uufhöre, obwohl min körper nüme mag und ich am abig sogar im bett no mit de füess im takt wippe und innerlich tanze.. isch s letschte mal a de letschtjährige kokopelli vorcho, sit det leider nüm, aber das ischs geilschte..

erbringed ihr bem tanze körperlichi höchschtleistige? vo wo nähmed ihr d'energie dezue?
oh ja... ich nimm d energie dur de tanz sälber und d energie woni verbunde bin... und dur de ablick vo all de schöne mänsche um mich ume, de uussicht, em himmel, de erde, de bäum...

wie fühled ihr eu denah?
befreit, glücklich, körperlich erschöpft (uf geili art) und geistig und emotional gstärcht.

findeder de muskelkater nacher geil?
han meistens nöd wüki muskelkater, weiss au nöd gnau wieso... liit sicher nöd dra, dasi extrem fit bin, wohl eher da dra, dass tanze so öppis flüüssends isch.

ich luege gern dlüüt ah wo shaked während i am shake bin weis au ned werum ned willi mi unsicher fühl oder denke das i mi ja chönnt peindlich bewege!ehner im gägeteil meishctens chunnt eifacht es hammer gfühl ue willi sörig mömed gern mit anderne teile drum würi mängisch am liebshcte all umarme^^

das findi en wichtige punkt.
aso wenn ich nöd grad voll am durrespace bin, dann fühl ich au e so. sozäge aktiv gmeinsam tanze isch huerre schön, luege was die anderne so mached, ihne id auge luege, lache und blick ustusche.....

wenni voll am durespace bin, dann bini meh für mich ellei, also ich lueg dann nöd gross anderi aa und bin au überhaupt nöd gesprächig, nur immer wieder zwüschedine. aber dennoch tanzich dann ämmel, me chönnt säge, passiv mit de andere, well ihri ahweseheit und s'bemerke vo dem was i de luft liit schuubed huerre schön.

wie tanzed ihr?
mies. hehe.. - hab ich noch gar nicht so genau beobachtet, manchmal so zwei drei schritte nach links dann nach rechts währenddessen mit den ärmen und händen bewegungen machen, die dazu passen - oder auch nicht wer weiss, sieht vielleicht geil aus, vielleicht voll bescheuert, aber es macht einfach spass!?
wenn ich grad nen anfall habe, dann wirble ich mit den händen herum und fühle mich dann wie so ein feuertänzer, nur halt ohne feuer und vermutlich auch nicht mal 0.00000000001% so anmutig - aber so hin und wieder tut das echt gut. hehe..

ich finde, wenn öper tanzt und er freud dra hät, dann gsehts nie nöd anmutig oder gar mies uus - au dann, wenn er völlig nöd im rythmus isch.
eine wo ich ämmel a de party gsehn, de tanzt würkli überhaupt nöd im takt. und nöd nur denäbed, sondern völlig unrythmisch, mal schnell mal langsam, völlig ohni zämehang.... aber er hät e schiisfreud und es freut mich jedesmal, wenn ich ihn gseh tanze....
finde es gaht voll nöd drum, es guets bild abzgäh, sondern viel meh, sich eifach gah zlah und freud zha....
oder me chönnt säge: wennmer freud hät bem tanze, dann gid mer eh scho es guets bild ab, egal wie mer dann tanzt...

tanze isch IMMMER guet und NIE schlecht.

Kollegoli hat geschrieben:

ich finde, wenn öper tanzt und er freud dra hät, dann gsehts nie nöd anmutig oder gar mies uus - au dann, wenn er völlig nöd im rythmus isch.
eine wo ich ämmel a de party gsehn, de tanzt würkli überhaupt nöd im takt. und nöd nur denäbed, sondern völlig unrythmisch, mal schnell mal langsam, völlig ohni zämehang.... aber er hät e schiisfreud und es freut mich jedesmal, wenn ich ihn gseh tanze....
finde es gaht voll nöd drum, es guets bild abzgäh, sondern viel meh, sich eifach gah zlah und freud zha....
oder me chönnt säge: wennmer freud hät bem tanze, dann gid mer eh scho es guets bild ab, egal wie mer dann tanzt...

tanze isch IMMMER guet und NIE schlecht.

hihi, das findi guet dass du das so gsehsch, mis rhythmusgfühl isch au nöd immer so de wahn - guet villich bini jetzt au chli ungerecht mir gegeüber, gseh mi ja nid - nur naja, anderi sind da scho einiges beiidruckender. und ja aso d'freud die macht scho vill us, muss nöd mal imene extatische tanz sii, gitt au lüt wo rächt wenig bewegige mached und so chli lächled und mer merkt ne eifach aa, wie sie de sound gniessed die sind au e inspiration für mich, obwohl ich scho ehner i die kategorie Zappler (engl.: raver, hehe) gheye...

Und doch isch es halt scho unglaublich schön, wie mängs lüüt sich beweged wo das rhythmusgfühl händ, so fliessend so eis mitem sound, das isch eifach schööön!

Ja s’lache und lächle vode lüüt das git so vill energie so vill chraft und sone verbundeheit mit lüt wo nie zuvor häsch gseh, oder scho es paar mal a partys, das isch scho ganz speziell bide goas, wo suscht ehner selte findsch… villich no bi heavy metal partys – ämel wänn dur die ganze haar no gsichter gsehsch *grins* – Das macht für mich 90% vo de party us!

Uf de erscht blick schiint jede für sich z’tanze, sehr individuell – glichziitig isch es ebe doch es gemeinsams tanze es feeling wo sich dur alli tänzer durezieht, wo au so vill freud uslöst und erschafft.

ja voll @fallen angel

würkli geil gseit

vor allem das:

Uf de erscht blick schiint jede für sich z’tanze, sehr individuell – glichziitig isch es ebe doch es gemeinsams tanze es feeling wo sich dur alli tänzer durezieht, wo au so vill freud uslöst und erschafft.

tanze isch doch eifach was vom geilschte und orgasmischste!!!!

wenn eifach so richtig geili musig lauft, s'eim tüüf berührt und eifach so richtig s'innerste vom mensch as liecht bringt.... wenns so chribbeled und "gänsehuut" gid....wenn so tüüfe friede herrscht.... und wennmer das mit andere mensche teile chan... boaaahh.... be dem gedanke triibts mer grad träne id auge....



das (die) gfühl händ mich uuuuhuerre prägt und mis läbe eifach tuusig mal geiler gmacht..... scho krass dasses das gid.....