eure Haustiere

[Lila]

he isch mer etz gad so igfalle..sone thread hemer glaub noni gha..

verzelled doch mal was ehr so für huustier hend..

aso ich ha keis..hed mängisch gern en hund oder en chatz..aber das heisst au verantwortig und solangi ned sicher bin die chöne züberneh hani lieber keis hustier ..

aber gid secher vil da inne wo eis oder mehreri tierli hend oder..

die wo en hund hend verzelled doch au gad was für eine..

freu mi uf euri antworte..

[Titali]

hehe lila, geils thema

mir geits ähnlech wie dir! ich würd soooo gärn en hund ha, aber ich wott ihm dass ihre stadtwohnig nid adue...ha när überleit es elters indoor-büsi im tierheim go hole, aber has jetzt glich lohsie...ha es anders büsi gfunde *smile&schnuur*

ich liebe tier, bin mit hund, 3 katze, 4 zwärghase, hamster und vögel ufwachse und vermiesse scho... vorallem min hund, wo ich in goa ha müesse lohsie vor 2 jahr, isch nid eifacht en beachdog mit i schwyz znäh, has vorallem nid gmacht, wüe är nur glidet hät, wenn är dr strand hät müese verloh!

aber do ich immer no nid sässhaft bin, wärs nur egoistisch es tierli zuchezdue... finde eh, dass vieli lüt ihri tier sehr schlächt haltet und äbe us purem egoismus es tier ine wohnig sperret!!! wott zyt ha und vorallem mues es tier usechöne i natur...

liebe grüessli
titali***

[Cosinus]

es war einmal ein lieber hund.........halb riesenschnautzer halb rotweiler......megasnüff........miss him

[biberfreund]

Bis vor kurzen war ich von Hunden (2 Border-Collies & 1 Dobermann-Mischling), 2 Katzen (immer unterwegs) und 3 Pferden umgeben. Bin nun jedoch von zu Hause ausgezogen und hab kein Bedürfnis mehr für irgend ein Haustier. =)

[Zauberhäxli]

Ich han äs süesses, chlises aber fetts Zwärghämsterli

Zwar hani kä chlises Käfig und tues au öbe neu irichte damits immer spannend blibt. Doch irgendwie tuet mer das Viechli glich leid, es macht ihm nöd Fröid igsperrt zsi. Ich chas aber au nöd immer i dä Wohnig umänand laufe lah. Es isch nur bedingt handzahm, es chunt zu mir id nächi, schnuppered a dä Händ (bisst nöd), chunnt go Fuetter vu dä Hand hole, aber es wird nöd gern ghebed, darum mach ichs au nöd.

Ich finds eifach nur schnüsig das Tierli zbeobachte, wies Fuetter holt und versteckt, wies Gäng grabt, wies sis Hüsli uspolsteret und im Hamschterrad seklet! Aber wänn das Tierli stirbt, wird i keis meh wellä ha, es tuet mer eifach zfescht weh äs Tierli izsperre.

[Saphira]

Mir hei 2 Chatze, wo öppe vor 3 Mönet Jungi becho hei. Devo hei mer drü bhaute. Iz sisi grad imene "schwirige" Auter, wosi überau ufegumpe, ir Wohnig aues umrenne wo nid niet- u nagufescht isch etc. Aber i ha sehr fröid ane

Womer di beide grössere Chatze hei wöue ga la sterilisiere isch uscho, dass di einti scho wider tragend isch. Tja iz gits haut de ändi August nomau Jungi *g* Aber när isch fertig. Bhaute düemer se aber nid, nur bis si nümme uf d Muetter agwise si. Es git eifach nüt härzigers aus jungi Büsi

[Shmahu]

woni no ide wg gwohnt ha, hani mit mim kater und ere chatzedame zämegwohnt... woni id stadt zoge bin, hani zersch was für min kater und mich gsuecht... isch hoffnigslos gsi. ich hanen schweren herzens ide wg gla, wo er liebevoll umsorgt wird und vill uuslauf hät. und bsueche chani ihn au... aber truurig bini trotzdem amel, dass en nüme so vill um mich ume han. früner isch er fascht jede abig zu mir is bett cho, isch under d decki gschlüpft, hät sich a mich anekuschlet und isch so ipennt. soo herzig... hmm....

[elfchen]

cools thema....

i han 3 achatschnecke...das sind so riisaschnecka us trpischi gebiet ......und 3 gartebänderschnecke.....
bin en grosse schneckefan.......

[hopschil]

ja cools thema

also ich ha än Chatz (3 Monat alt). und 2 Bartagame (das sind Reptiliä, fär di wasus nu niä kehrt hent)


und wenns gengi hengi nu meh tiäri.. aber leidär längt mär da di ziit nid

[Käpten Hirni]

oh der hammer..also ich habe ein paar millionen milben und ab und zu solche lästigen kleinen fliegen die mein verschimmeltes essen aus dem kehricht knabber...hmm..flöhe habe ich leider nicht mehr aber na ja wie ihr seht bin ich tierlieb und bei mir fühlen die sich wohl:-))

ui ja fast vergessen...kellerrasseln bewohnen mein getrautes heim auch noch:-)

[elfchen]

oh der hammer..also ich habe ein paar millionen milben und ab und zu solche lästigen kleinen fliegen die mein verschimmeltes essen aus dem kehricht knabber...hmm..flöhe habe ich leider nicht mehr aber na ja wie ihr seht bin ich tierlieb und bei mir fühlen die sich wohl:-))

ui ja fast vergessen...kellerrasseln bewohnen mein getrautes heim auch noch:-)

LLLooooooooLLLLLLLL

[gionaTI]

"il Folle" lives 10m from my house. He's my favourite Haustier - you can also bring him to parties - Eintritt allowed !!!

[Nicolas]

achatschnecke

Sind das diejenigen, die wie ein Trip einfahren, wenn man Sie ableckt? *Homerstimme* Sorry, Scherz am Rande...

Zurzeit habe ich leider kein Haustier, aus den selben Gründen wie Lila. Früher hatten wir immer Hunde und Katzen. Lieber keine Tiere, als diese unter unwürdigen Lebensbedingungen zu halten.

Ab und zu besuche ich meine Freundin im Stall und bestech ihren Wallach mit Obst. Die Hunde und Katzen auf der Strasse kennen mich irgendwie auch alle...

Später möchte ich wieder einen Welpen zum Familien-, Begleithund, ausbilden. Wufwuff!

[isis mondkind]

als chind hani au immer irgend es hustierli gha, zwei meersäuli und en hamster.

s intressantische und mir liebste tierli wo bi mir gwohnt hed, isch mini ratte de lestat (es wiibli) xii.
das isch so en süessi muus xii, die hed mega die tricks druff gha und so manchi chlini sache wo im zimmer umegläge sind (zb radiergummi) verschleppt und i iherem "gheime lager" irgendwo under mim bett versteckt.
sie isch mir mega as härz gwachse und han tusig kosenäme für sie gha.

mini damalig best fründin hed au en ratte gha zu dere ziit, und mir hend sie denn immer zäme glaa, sind ja kei einzelgänger wie zb hamsterlis.

leider isch sie nur ungfähr 3 jahr alt worde und schlussendlich wie fast jedi ratte amene tumor gstorbe...

isch jetzt scho laaaang här und vermisse sie immernochli.
aber zum glück chund sie mich ab und zue z nacht i mine träum cho bsueche...

[stampfi]

Hab zur Zeit:

- 3 ausgewachsene Katzen & 2 junge (suchen noch ein neues Zuhause)
- 7 Hasen
- 6 Hühner und 1 Gügel
- 2 Kamerunschafe

- auf Mitte September werden noch zwei Gänse dazustossen

Das wars auch schon.