was mach ich in 10, 15 jahr?

[isis mondkind]

nämt mich mal wunder was ihr 10, 15 jahr möchted mache? was sind eui träum und ziel im läbe?

aso in 15 jahr bin ich 40gi aber ich han da scho zimlich gnaui vorstellige:

2 oder 3 chind
mis schätzeli a minere siite
es hüsli im grüene
en grooose garte
hund, chatz, schöfli und es eseli
möcht mich sälbständig mache (astrologie und bachblüten)

so däs wäred mini rosa wölkli, wie staats mit eu? träume isch immer erlaubt.

es grüsst isis, des mondes kind

[electropunk]

ich han au träum:

keini chind (ha jetzt 3)
wieder ledig werde (ich chönt se uf e mond schiesse)
e wohnig i der stadt (han es hus im grüene)
kei garte me (viel z grosse garte; puh die arbeit)
keini hustier (git en rise mischthufe)
selbstständig werde (bi jetzt denn endgültig bankrott)

us em traum isch en albtraum gworde und alles real

[Zauberhäxli]

Ja Tröim sind öpis wunderschöns, sie chönd sich aber au wider verändere, so hanis bi mir amel festgstellt. Was ich genau i 10 oder 15 Jahr will mache, weiss i ehrlich gseit gar nöd. Dänn Welt isch im Wandel und ich au.

Zur Zit muess i im bruefliche Bereich mini Ziel nöi go sueche. Ich han eigentlich mal äs feschts Ziel gah, aber dänn han i müesse feststellä, dass mä mich erschtens dra hinderet das Ziel zerreiche und zweitens bin ich mir gar nüme sicher, öb ich das Ziel wo ich mir mal gsetzt han no erreiche will. Also gahn ich jetzt dänn zur Berufsberatig zum luege was für Möglichkeite no git für mich. Ich han mir scho einigi Vorstellige gmacht, mal luege was i will mache und wohi min Weg no gaht.

Unbedingt erlebe will ich mal ä längeri Reis zum Bispiel uf Thailand, Indie oder so. En grosser Traum vu mir woni unbedingt verwürliche will!

Dänn will ich scho lang mal äs Fantasy-Buech schribe. En Teil vu däm Buech isch bereits i mim Kopf. Aber so öpis dänn würkli umzsetze brucht vil Zit und Durchhaltevermöge.

Mis Ziel isch eifach immer witerzcho i mim Läbe. Min eigne Weg zfinde au wenn er no so verschlunge und voller Hindernis isch. Mich selber vu Jahr zu Jahr besser känne und liebe zlerne und das id Welt usezstrahle

[Käpten Hirni]

ich han au träum:

keini chind (ha jetzt 3)
wieder ledig werde (ich chönt se uf e mond schiesse)
e wohnig i der stadt (han es hus im grüene)
kei garte me (viel z grosse garte; puh die arbeit)
keini hustier (git en rise mischthufe)
selbstständig werde (bi jetzt denn endgültig bankrott)

us em traum isch en albtraum gworde und alles real


*laaaaaaaaaaaaaaaaaaaachhhhhhhhhhhhhhhhhhhhhhhhhhhhhhhhh*...

sorry electro das isch de lacher vom tag gsii:-) nid bös gmeint


na ja wenni i 15 jahr no lebe den wirdi das mache woni jetzt scho sit jahre mach...reise, party und bier trinke:-)

na ja ha den sicher es huus i mexico , guatemala u argentinie...so nebetbii...u wird sicher no dj werde u mal goa mit tango vermische...

chind?..ui mues scho gnueg allimäntä zahle uf dere welt..chchchc

[souris]

hmmmm........ eigentlich läbi mini Träum scho....
git sicher na es paar sächeli, wo schöön wäred, aber im grosse und ganze chames glaub ned schööner ha..
Huus im grüane,
grosse garte (mit jede menge komischer gewächse)
2 Mietzes
selbstständig bini a meh oder weniger...
ach was will mann mehr... : )

@Kind des Mondes, ich beschäftige mich a sehr mit Bachblüate und finds e geniali sach.. wür mi interessiere ob scho intensiv demit schaffisch?? Häsch Kürs oder so gmacht??? und welli benutzisch??

[isis mondkind]

@souris:

han no kei kurs oder so gmacht, han aber scho paar büecher gläse und verschideni metode usprobiert.
bin scho as chind demit im berüehrig cho und han mir denn vor es paar jahr mis erste komplette bachb. set zuegleit.
sid denn hani für family, kollege und natürlich für mich scho paar tröpfli gmischt.
han s au scho bi mine pflanze usprobiert zb bi dene wo grad irgend en wachstumskriise ect duremached... hend sich alli wieder erholt.
bi tier sötts ja au funktioniere!

und denn du? chönntisch die heilende blüemli ja sälber apflanze i dim wundergärtli. würi äbe au mal gärn probiere!

[Titali]

ehm, in 10 jahr wo ich mich gseh???

immer no ufem dancefloor jedes weekend am umegheie, ha keni zähn meh und mini haar sind grau worde mittlerwile

nei, sicher nid!!! kei ahnig, wo ich denn wirde sie... ha sovieli dröim und wünsch und ha scho es paar dervo verwürklecht! ich bin chli abergläubisch was das agot, meh sött nid zviel drüber rede, was meh alles wett mache, sonder meh machts eifacht!

aber sone villa uf ibiza wär scho geil

...sofern ibiza no nid untergange isch, wüe dr ganz süd-&norpol gschmulze isch...!

[spacerabbit]

in 10-15 Johr will ich:

en Familie ha
es Huus im Grüene näbem Wald und em Bach mit guetem, frischem Wasser
en grosse Chrüter-Garte (han eh ned viell z'tue am obig ond a de Wuchenänd)
es höchers Diplom
Friede

[wallaby]

Ha !

hürate mit Isis Mondkind
3 Chnöpf
Hüsli mit Garte (15-Zimmer-Villa mit 10 Quadrat-km Land drumume)
Huustier (no dog, more cats)
Huusmaa sie und feini gsundi Sache choche für s'Mondchind,
wänn Sie dänn am Abig erschöpft heichunt, mit em viele Geld wo Sie denn verdient, für mich und d'Chnöpf ! (Hoffentli verdient sie soviel, dass me es Chindermeitli und e Butzfrau cha ihstelle...)


Ahhh, träume isch doch au mal schön zwüschedure...


Es grüesst wallaby, des Mondes schwarzes Schaf

miauooo

[Ajanix]

Mini troim erfülled sich jede Tag ufs neue

[Dhanistha]

E Familie u es Huus im Grüene Wow do het me jo viel erreicht im Läbe. Wiso spielt dWisheit u zWachse ar Persönlichkeit weniger e Rolle aus finazielli Sicherheit e Familie und ganz wichtig es Huus im Grüene
i wär i 10 - 15 Johr lieber witer mit mir aus e Karriere mache oder bürgerlech zwärte. Finget wider chlei meh zu öich. zMaterielle was isch das scho... es vürrottet irgendeinisch aber du ziehsch witter.... Wie ou immer

[spacerabbit]

es gid lüüt wo emol froh wäred, ned im minus z'sii ond wägedem ständig vo Behörde gstresse z'wärde.

finanzielli sicherheit isch es bedürfniss, wo sich i de schwiz jede chan leischte. jede hed i dem land d'möglichkeit. das isch in anderne länder gar ned eso möglich. do chan sich die ganz wält vo de bünzli-schwiizter es stück vom gruyère abschniede.

[Dhanistha]

Jo finzaniell sicher z'si isch es starchs Bedürfnis vo üs. Aber do gits sicher vürschidini Stufene.

E arme Mönsch isch sicher glücklecher über-nes auts Brot aus mir Weschtleche. Was sou är mit hundert Liter Wasser am Tag, wenn är glert het mit 5 liter uszcho. Das isch e Aschauigssach.

I vürsueche auso schwär mini Bedürfnis zvürschiebe u mi meh ufs Wäsendle zkonsentriere. Mini Fründschafte zpflege. Gsund zblibe, a dere Konsumgsellschaft nid zvürblöde und so witter...

I möcht mou mit 80 chönne säge: "i ha zwar ir Gsellschaft nid viu erreicht, aber gläbt ha-ni u gaaaanz viu vo däm chönne mitnäh."
I möcht nid zGfühel ha, dass i nid gläbt ha...

[Saphira]

Ich bin wohl die einzige, die sich selbst noch gar nicht vorstellen will in 15 Jahren.

Ich will nur eines: Glücklich sein. Wie ich Glück in 15 Jahren definiere, kann ich heute noch nicht sagen. Bedürfnisse ändern sich.

Ich kann mir noch so viele Ziele stecken, noch so viele Pläne schmieden... das Schicksal geht doch seinen eigenen Weg und das Leben ist immer wieder für Überraschungen gut.

Aber Träume sind immer gut. Träume sind das, was uns am Leben erhält.

[souris]

@Dhanistha:
Wenn ma immer nur demit beschäftigt isch, em geld nazrenne, well meh susch ned weiss, wia ma alles zahle söll, wia ma de chind esse bsorgt etc..... oder wenn ma im job gmobt wörd, oder wenn ma inere wohnig ine sitzt und ma sich igengt und unwohl fühlt, ich glaube den isch de kopf ziemli volle mit andere sache....
hingege wend eifach e bodeständigs umfeld dir gschaffe häsch... und alles lauft den isch es doch viel eifacher sich mit em bewusstsii usenander zsetzte....
und für mich treit das scho en grosse teil zu minere zfriedeheit bi...
Irgendwia macht di das au freier, also das isch mini empfindig....
ich find es goht au ned drum was me scho alles erreicht hät und das zwerte.
Und Weissheit und das Wachsen der Persönlichkeit, das denki chunt mit lebenserfahrig sprich mit em alter..... Dra schaffe muan meh immer das isch scho klar...