WO muss ich Steuern zahlen?

[Melliandra]

Also ich han jetzt mega googled aber nüd schlaus gfunde. Viellichts hetzt
ja en Rächtsverdreier da im Forum, oder öber wo besser google chan als ich. =o)

Wo ist rächtlich fescht gleid, i welem Kanton dass ich Stüüre zahle muess?
Ja ich weiss dete womer wohnt. Was isch aber wenn mer vo 4 Wuche
im Monet, 3 Wuche im Ussland isch (montage) und die 1 Wuche im Monet
imene VW Büssli wohnt? =o)

Isch es da vorgschriebe, wo mer sich muess a gmäldet ha und Stüüre zahle?

Meci fürd Hilf!

[604freund/Psykas]

eieiei... die cheibe stüüre! esch en komplizierte fall, ich chann mal e gueti
kollegin frööge, die helft mer emmer weni e frog han! vellecht meldet sech
jo vorher öpper do ine, aber i kläres mal ab!

[Mirowsky]

soviel ich weiss musst du da steuern zahlen wo deine papiere deponiert sind bzw.du angemeldet bist.aber wenn du steuern sparen willst melde dich in einem kanton/gemeinde an ,wo die steuern niedrig sind und geh dann von da aus als wochen aufenthalter arbeiten.du bist einfach verpflichtet dich regelmässig an deinem wohnort aufzuhalten zb. am wochenende .wenn du keine eigene wohnung mieten willst/hast reicht auch der wohnsitz deiner eltern.in etwa so geht das aber ich denke da bekommst du auf jeder einwohnerkontrolle auskunft.

[Fallen Angel 2]

Du musst dort Steuern zahlen wo Du Dich in dem jeweiligen Jahr angemeldet hast. Ich bin letztes Jahr nach von einem Kanton in einen anderen gezügelt und musste das Einkommen des Jahrs 2006 im 2006 in dem Kanton zahlen, in den ich im 2006 hineingezügelt bin. Auf der Basis vom 2005

wenn du aber innerhalb des Kantons zügelst, zahlst Du in der Gemeinde, von der Du weg gezügelt bist.

[Titali]

hoi Melliandra

du zahlsch dört stüüre, wo dini papiere hesch, also dr heimatschin!!! chunt immer uf dini situation am 31.12.200* drufa, also ändi jahr!!!

chasch ja grad wucheändufenthalter mache, het mega vieli stüürvorteile aber lüt doch dire gmeind oder stadt a...

vorschrifte hets i däm sinn nid, aber du muesch agmäldet sie, schüsch nimmt dich z.b. ou kei krankekasse meh ir schwyz, würd also scho luege, dass du nid illegal ufenthaltisch! uheee, will ou en van, wär mängisch so viel eifacher es mobils huus zha

schöne tag
titali***

[Melliandra]

hoi Melliandra

du zahlsch dört stüüre, wo dini papiere hesch, also dr heimatschin!!! chunt immer uf dini situation am 31.12.200* drufa, also ändi jahr!!!

chasch ja grad wucheändufenthalter mache, het mega vieli stüürvorteile aber lüt doch dire gmeind oder stadt a...

vorschrifte hets i däm sinn nid, aber du muesch agmäldet sie, schüsch nimmt dich z.b. ou kei krankekasse meh ir schwyz, würd also scho luege, dass du nid illegal ufenthaltisch! uheee, will ou en van, wär mängisch so viel eifacher es mobils huus zha

schöne tag
titali***

Hehe ja dar wär wiklich kuul. =o)

Also es gad da nur indiräkt um mich, will ich die bin wo im Kanton Zug wohnt
und de Kolleg jetzt ebe bi mier wet "i zie". =o) Also halt ebe nur ufem Papier.
Mit Wohnadrässi und alles drum und drah. "Läbe" und schaffe duet er aber
nid bi mier. (andere Kanton)

Drum, ich glaub das isch denn au kei Wucheufenthalter, da er ja immer bi
mier gmäldet isch (niened anderscht auno) =o)

Ja s'Gröschde ding wird sie, miem Vermieter die Gschicht z'erkläre,
will ich han en chlini 2 Zimmer wohnig und no öber meh det inne wo nid
de Fründ isch, das wär gad chli krass. Da er ja aber eh nie bi mier isch.

Lol ich hät denn en Mitbewohner wo nie deHaime isch, will er ja im Büssli wohnt. =o)

Jaja..... merci fürd Hilf, mier luget jetzt mal.

[Titali]

yes the life mobile wär hure gäbig für mich, nid immer das hure zügle *bäääh* just in a van und alles geng derbi

also, wenn das so isch, das isch doch voll easy! är mäldet sich i dire stadt a und leitet post zu dir um... that's all!!! so het är sini papier ir schwyz und e adrässe, dass isch zwichtigste, was när geit, interessiert niemermeh... är muess nur chli ufpasse, wenn är schwarz arbeitet und irgendwie null ikomme hät, also keni lohnuswise für stüürerklärig, denn chönte sie chli stutzig wärde!!!

kontrolliere wird öich eh niemer, stürverwaltig het kei zyt für das und die sind eh, ehm, nid die schläuste dört!!!

wenn dim vermieter wahrheit seisch, dass wird är scho verstoh... dir wohnte denn ja nid zdritte dört inne...hehe hure gelage!!!

the life in a box *haha*
schöne nami
titali***

[Melliandra]

Ja sDing isch e chli, er hed ja en Job. Nur ischer vo dem Job us 3 Wuche im Monet im Usland
und 1 Wuche ischer da i de Schwiez.

Drum ischer überhaupt uf dIdee cho dWohnig ufzgäh, will so viel Mieti
zahle für das, dass er viellicht 2-3 Täg im Monet i dere Wohnig isch, isch
wirklich blöd.

Jetzt, wie ja alli wüsset sind im Kanton Zug dStüüre am billigschte und
so hed er sich dänkt werum nid nume 3/4 Monetslöhn zahle statt 2 oder
sogar 2 1/2.

Also ich dänke de Punkt isch, dass mer eigendlich dete Stüüre set zahle
womer Schaffed, Läbt und sini Familie und Fründe hed. Es wär eigendlich
naheligend, dass er bi de Fründin würd i zie (macht er ja eigendlich au)
Aber so müesst er ja glich die höche Stüüre vo dem Kanton zahle. =o)

Ich han das aber niened gfunde, rächdlich beleid, ich weiss nur dass du
dete muesch Stüüre zahle wo du wohnsch, aber was heisst wohne? =o)
Dete wo du dini Papier hesch oder wo du Tag und Nacht verbringsch. hehe

Jo er müesst halt wirklich so due wie wenn er wirklich würd zügle, dH
alli Papier wächle Autonummere wächsle, Chrankekasse (isch ja au vo
Kanton zu Kanton verschiede) Poscht usw.

Hm... ich meine suscht chöntsch du Titali dich ja au bi mier a mälde und eifacht in Biel wohne und schaffe. =o)
Also so legal wär das ganze scho nid.

[Titali]

Jo er müesst halt wirklich so due wie wenn er wirklich würd zügle, dH
alli Papier wächle Autonummere wächsle, Chrankekasse (isch ja au vo
Kanton zu Kanton verschiede) Poscht usw.

Hm... ich meine suscht chöntsch du Titali dich ja au bi mier a mälde und eifacht in Biel wohne und schaffe. =o)
Also so legal wär das ganze scho nid.

hehe, ich ha nie dervo gred, dasses legal isch *haha*

klar isch das im graue bereich, was ihr do weit mache... aber do är nid ir schwyz arbeitet isches scho chli was anders! was halt würklech nid geit, dass är papier i dini city nimmt, aber post no a die alti adrässe, das wär ächt e chli übertriebe uffällig!!! ja genau, ar krankekasse mues är när ou sin nöi wohnsitz mälde und dr räste ou... är mueses halt wüsse, ob är das uf sich wott näh.. am schluss isches klar eifacher, wenn är dört bliebt, wo är jetzt isch...

hui, isch immer so kompliziert das ganze... bäh!

haPPy weeeKeeend...titali***

[Melliandra]

Das stimmt, kompliziet isches UND er isch i de Schwiez a gstellt. =o)

Er hed eifacht so en Usedienscht-Montage Job. Isch en Schwizer Firma
wo uf de ganze Wält irgendwelchi Grät installiert, also ischer halt viel
underwägs. =o)

Aber ja, mit Vermieter luege, er muess sich überall um-mälde und denn
mal hoffe. =o)