mysticalforum

ihr liebe!

hät öpper vo eu erfahrige gmacht mit de massage-fachschuel züri (http://www.massage-fachschule.ch)?? wür mich gern für kürs amälde, aber da die natürli zimli tüür sind, hetti gern chli referänze.

merci und tschüüüüssss

Hoi Shmahu

aso ich chan der nur vo minere schuel chli verzelle won ich gmacht han

ich han dusbildig i de massein schule für gesundheitsvörderung in altstette gmacht, und mues säge ich bin sehr zfriede mit de ganze usbildig, dä schuelphylosophie, lehrer und vorallem natürlich mit em stoff wos der glernt händ. ich schaffe jetz scho es rächts wiili uf mim bruef med. masseure FA/physiotherapeut und han derfahrig gmacht, dass viel vo anderne schuele nie so es fundierts und tüüfs wüsse händ mit übercho, wie ich und mini ehemalige mitschüeler.....ich muess halt säge die schuel zaltstätte isch saumässig sträng!! du muesch aso scho grausam ad säck wännd wetsch drinne bliibe, aaaaber es lohnt sich uf jedefall! das isch halt au en punkt wo die schuel sehr sympatisch macht, du häsch zwar viel prüefige die ganzi ziit und viel stoff wo is hirni mues, aber sie selektionieret au dementschprächend sehr konkret us was ich sehr wichtig find, si lönd naher nur lüüt ufd mänsche loos wo au würklich fähig und kualifiziert sind...naja ich chönnt der na meh verzelle aber am beschte stellsch mer konkreti frage wennd willsch natürlich zu themene
aso sus wännd ziit häsch das weekend macht die schuel en infoverastaltig wills züglet händ ich schick der gern sus diiladig damit weisch wos isch per mail, ich säwird au dert si morn sicher am sunntig nid da mis mami geburri hätt

ja dänn libi grüess sera dancingdevil

der Krieg der Schulen.

Dönt nid schlächt was du da gschriebe hesch Sun tha Devil.

Mini Kollegin hed sich für med. Massörin a de davoser Schuel entschiede und hed de
Septämer erfolgriech abgschlosse.

Han jetzt da nüd welle schriebe, will ich glaube für dich Shmahu isch es kei Alternative
uf Davos ufe zgah?

Isch ja au dFrag öb du en ganz Schuel willsch mache oder nume Kürs? dSchuel in Luzärn,
resp. in Ämmebrug seig glaub au nid schlächt.

Aber ebe das sind Gschmäker verschiede. Mini Kollegin hed jetzt zB nid so viel ghalte vo
de Schuel in Züri... weiss nid öb sie die in Altstette gmeint hed... Aber sie hed ja dSchuel
ebe au nid dete gmacht, sonder isch sie nume go a luege.

Aber ich glaube für en Kurs z'mache, spiellts nid so en Rolle wo, solang nid ine Migros-Kurs
gasch.

merci für eui antworte!
ich han ganz konkret nach dere schuel gfröged, will mer sich det chan einzelni kürs zämeschniidere (klassischi massage, fuessreflexzone, ayurveda...usw).
d massein schuel büütet ja eifach en lehrgang aa als med. masseurin. da ich aber scho einzelni kürs gmacht han, möcht ich jetzt lieber individuell das afüege, was mich interessiert...
es schiint da niemer erfahrig zha mit dere schuel... hmm, villicht gani eifach mal s risiko ii...

Shmahu hat geschrieben: es schiint da niemer erfahrig zha mit dere schuel... hmm, villicht gani eifach mal s risiko ii...

hoi shmahu, yes probiers doch eifacht mau
ich mache zgliche, ich wirde next year au e spirituelle schuel afo, aber ha kei ahnig, obs mir wird passe... ich wirde zerst ei kurs mau besueche und den wird ich merke, ob ich mich wohl dört fühle und am richtige ort!
ich wirde au mit dr bezahlig mit ihne rede, wüe ich cha nid alles ufs mau zahle!!!

just try it, then you'll know if it's the right way!!!

*umarm*

Leider habe ich an der Massage Fachschule Zürich keine persönlichen Erfahrungen gemacht, jedoch wenn du nur einzelne Fachkurse besuchen möchtest, dann ist wohl die flexibelste Schule die Bodyfeet Schule in Rapperswil/Aarau/Thun (http://www.bodyfeet.ch).
Sie haben dort super eingerichtete Räume, ein super Skript und du kannst frei wählen, wann du ein Kurs besuchen möchtest!

Egal welche Schule du schlussendlich besuchen wirst, sie werden immer ihre vor-/nachteile haben.

Viel glück und viel spass beim massieren!

ha mi grad vomene med. masseur i.A. massiere lah,will de es prakti i eusem betrieb macht. ich mues säge, de hetts würkli voll im griff. ich wird ihn morn mal aafröge, was er genau füre schuel macht. wirde suscht per pm antwort übermittle;)