ihr känned sicher all s klassische biispiil vom ekel-schudder-früür-gfühl: mit de fingernägel d wandtafle abechratze, demits so richtig grusig-schön quiitscht unds eim am ganze körper früürt...*schüttel*
ich han bi mir gmerkt, dass es no ganz vill anderi uuslöser für das gfühl git, zum teil sinds sache, wo anderi lüüt nöd mal wahrnehmed (was au immer wider grund isch, mich uuszlache und mich mitem entsprächende grüüsch z verfolge... aber de beträffendi wird früener oder spöter zur rächeschaft zoge werde *grumml* ) z.b.:
- e holzchelle miteme nasse schwamm reinige *iiiiiiiik*
- filze! (also, ich red da nöd vo drogeerfahrige, sondern vom absolut grässliche vorgang, wämmer mit de finger über nassi, soifigi filzwulle fahrt *oberschüttel*
- mit de zunge die holzstängeli abschläcke, wos eim bi de einte ständ am bahnhof als löffeli in kafi tüend *brrrrr*
- mitem abgschläckte finger ziitig umblättere *bää!!!!*
- nöd ganz duredämpfte lauch oder zucchetti ässe, wo dänn di ganz ziit uf de zää quiitscht *schudderspuck*... eifach nur horror...
und dänn giz no s absolute ober-ekel-gfühl... ich hans chum schriibe, wills so horrormässig gruusig isch... das isch nämli..
- mit de zää en nasse wullehändsche uuszieh, so dass d wulle so unglaublich eklig über d zäh quiiitscht *schreiend devo ränn*
phuuu... jetzt muesi mi zersch mal go erhole...
mis ziil isch, mich jetzt vo dene ekel-gfühl z therapiere... und zwar mit ganz vill biispiil vo eu... bitte hertet mich ab!
