Bestechung-----Korruption = Easy Life?

Hier kannst Du allg. Fragen stellen.
Benutzeravatar
@fire
Platin Member
Platin Member
Beiträge: 344
Registriert: Mi 18. Mai 2005, 09:14
Wohnort: Atizapan de Zaragoza

Bestechung-----Korruption = Easy Life?

Beitrag von @fire »

Hoi zaeme,

wie ja die allermeisten Leute wissen, wohne ich seit einiger Zeit in Mexico. Nun kam eine neue Studie heraus, ueber die Korruption in diesem Land, welche anscheinend hoeher liegt als in jedem anderen Land. Hierzu bitte lest den folgenden Link.

http://www.spiegel.de/wirtschaft/0,1518,548003,00.html

Frage lautet, wie wuerdet ihr euch entscheiden, Bestechen, damit das Leben gut laeuft und alles was man will auch wirklich "funktioniert", oder vehement sich dagegen wehren, aber damit rechnen, dass man stark unter Druck geraet und mit anderen "Sanktionen" von Seiten der Polizei rechnen muss?

Eure Meinung gefragt.

Dom
blaues hufeisen
Platin Member
Platin Member
Beiträge: 314
Registriert: So 25. Nov 2007, 20:22

Re: Bestechung-----Korruption = Easy Life?

Beitrag von blaues hufeisen »

tja dom, die sache ist ganz simpel.

entweder du spielst das spiel oder du wirst früher oder später off the game sein.

also, pass dich an, schmiere die polizei sowie die die geschmiert werden wollen, werde deren freund und du wirst reich und

glücklich - im system.

vorallem, wenn du einestages familie haben willst und du keine angst vor entführungen haben willst.

weisch was i meine?

um den saubermann zu spielen, biste im falschen land. zieh's der ine.

herzliche grüsse aus dem heidiland,

quinze incher.
Benutzeravatar
ilenja
Platin Member
Platin Member
Beiträge: 255
Registriert: Do 7. Jun 2007, 05:26
Wohnort: lucerna

Re: Bestechung-----Korruption = Easy Life?

Beitrag von ilenja »

dom ech denke das ganze esch sehr verstrickt wemer nöd selber i dene umständ müend lebe ...
Tanzen ist Ausdruck der Lebensfreude
Fossegrim
Beiträge: 31
Registriert: Sa 29. Dez 2007, 14:44
Wohnort: im fluss...

Re: Bestechung-----Korruption = Easy Life?

Beitrag von Fossegrim »

unter anderem us dem grund isch mer die gegend nid so sympatisch. will gar nid so unmöglichi entscheidige müesse träffe öbi jetz da wett mitspiele oder nid. d wält isch zum glück aber sunscht no gnueg groos und hett anderi schöni plätzli :-)
Fallen Angel 2

Re: Bestechung-----Korruption = Easy Life?

Beitrag von Fallen Angel 2 »

ilenja hat geschrieben:dom ech denke das ganze esch sehr verstrickt wemer nöd selber i dene umständ müend lebe ...
na er läbt ja det, drum ja sini frag (oder?)
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Re: Bestechung-----Korruption = Easy Life?

Beitrag von Melliandra »

Fossegrim hat geschrieben:unter anderem us dem grund isch mer die gegend nid so sympatisch. will gar nid so unmöglichi entscheidige müesse träffe öbi jetz da wett mitspiele oder nid. d wält isch zum glück aber sunscht no gnueg groos und hett anderi schöni plätzli :-)
Wär schön, wenn das alli Mänsch uf de Wält chönted säge. Vorallem die wo i de Slums vo Mexico ufwachset. :-#
*poink*
Fossegrim
Beiträge: 31
Registriert: Sa 29. Dez 2007, 14:44
Wohnort: im fluss...

Re: Bestechung-----Korruption = Easy Life?

Beitrag von Fossegrim »

Melliandra hat geschrieben:
Fossegrim hat geschrieben:unter anderem us dem grund isch mer die gegend nid so sympatisch. will gar nid so unmöglichi entscheidige müesse träffe öbi jetz da wett mitspiele oder nid. d wält isch zum glück aber sunscht no gnueg groos und hett anderi schöni plätzli :-)
Wär schön, wenn das alli Mänsch uf de Wält chönted säge. Vorallem die wo i de Slums vo Mexico ufwachset. :-#
Bizeli *lol* orry. :-&
dr dom hett nach eusere meinig gfroggt und ich han mini derzue abgeeh. kenne ihn zwar nid, aber i glaub dr dom isch au nid in de slums vo mexico ufgwachse :-k

die globale probleem wo du do dri bringsch sind es anders thema findi...
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Re: Bestechung-----Korruption = Easy Life?

Beitrag von Melliandra »

jo oke, stimmt er hed gfraged was MIER mache würdet. Exgüse. :oops:

Trozdem glaube, hed er nid uf dAntwort use welle, dass er eifacht sell furt zie. Sonder
glaub doch meh, wie und was mier würdet mache, wemer wänd dete bliebe. ABER EGAL.

Dini Antwort isch mer nur gad biz "eifacht" ine cho. Halt eifacht en Möglichkeit wo nur
gwüsse Lüüd uf dere Wält (2% oder so??!!) händ.

Mini Meinig. Als Schwiezer- Bürgerin wo no a Grächdikeit glaub, würdi säge, NEI degäge hebe.
Aber nüechtern betrached würdi am Huufise rächt gäh.
*poink*
blaues hufeisen
Platin Member
Platin Member
Beiträge: 314
Registriert: So 25. Nov 2007, 20:22

Re: Bestechung-----Korruption = Easy Life?

Beitrag von blaues hufeisen »

gäll meliandra. stimmt scho. hani hüt au dänkt aber im umgekehrte sinn. ich fühl mi do nämlich scho wie im goldige schloss. MIER sind inere Industrie-Nation. Es isch üsi gsellschaft wo de "arme" Völker vorschribt, was sie produziere sölid ond wieviel MIER defür zahlid. isch scho pervers. früecher, isches mier gar ned so ufgfalle. aber in tat und wahrheit sind MIER die, wo meined, mier müessed de takt ageh.

d'korruption isch wieder eso en gier. sie voht a bi de politiker ond hört uuf bim arme mänsch im slum.


bekämpfe, lohnt es sich im fall vom dom, ned. är söll churzfrischtig handle ond langfrischtig dänke.

bin mal in Mexico City, irgendwo.... usem huus use glaufe, de hoger ufe - immer wiiter bis ich en mega ussicht uf d'city gha han. dert hani gmerkt, dass ich dööödel !!!!! mis rauchzüügs daheime vergässe han. ond bin wieder retour.
dahei acho, hed mini chica fascht id hose gmacht gha. sie hed gmeint, ich sig verschosse worde (bin au es paar stund underwäx gsi ond es isch scho lang nacht xi). dert, woni umeglaufe bin, isch äbe ned so easy peasy wie i de CH. jedefalls, hani mis züügs gno, mini Trance Nation 5 CD ipackt, und nochere wuche odr so, am ändi vo de strooss, bim grosse Baum, mis feine züügs go räuchle. mine chiefer isch stei hert worde ond de sound hed gfäged wie scho lang nümme. han glaubs eifach mal glück gha dert. eifach grad so en story vo vori. :lol:
take your dress, burn it and come to me. let me be your skin, feel your dream come true, inside you
Fallen Angel 2

Re: Bestechung-----Korruption = Easy Life?

Beitrag von Fallen Angel 2 »

es gitt villicht zwei pünkt zu dem thema, de eint: ob mer selber wür korrupt werde, wämmer ineme slum ufwachst oder mal cha bull werde ineme land, wo mer eh nöd vill geld hät. ich glaub DIE frag chömmer als schwiizer würkli nöd beantworte, nöd mal so sehr will mer nöd ehrlich wäred, sondern eher will mer eifach das eifach nöd känned. ide schwiiz läbend (also wänn ich da bull wär) würd ich säge nei - und das isch au ehrlich. aber wänni en mexikaner wär...? da luutet d'antwort schlichtwegs: kei ahnig.

was die ander frag agaht und uf das hät de Dom glaub usewelle: würd mer anderi schmiire, wämmer dadurch sis läbe massiv vereifache oder zumindescht nöd massiv verkompliziere möcht. und da isch es glaub ziemlich klar, dass es zwar kei korruption gäbt, wänn niemert wür mitmache, nur isch das i dem sinn so chli so wie mit allem. als usländer chammer das villicht ganz eifach als e art zuesätzlichi stüür gseh. und doch...

es isch würkli e tricky frag: het nie öpper de mafia schutzgeld zahlt, hett nie öpper en andere bechlaut, het nie öpper öpperem geld geh, zum öppis defür zbecho, natürlich wär dänn einiges besser uf dere welt. nur was willsch als einzelne, wenn dini family bedroht wird, oder dis läbe, oder nur scho din ufenthaltsbewilligung...

ich gseh das mal so: einersiits gits das absolut "gueti" und das verbütet eim natürlich korruption (etc) z'understütze - anderersiits gitts das absolut "bösi" das isch wämmer selber anderi bedroht (stadt züri isch zum biispiel zum absolut böse mutiert, siehe rote fabrik), und irgedwie isch beides ineme ewige kampf zunenand. was de einzelni also chan mache: er chan zu sich selber stah, und sich deretweg entscheide, dass es ufgaht für ihn.

das wiederum chan eim natürlich als egoismus usgleit werde. doch da trifft wiederum zue was d'melliandra scho gseit hät: wänn nöd sälber ide situation bisch, wie willsch es dänn beurteile? sicher, es gitt so was wie moral, und mer chan die au einigermasse definiere. und doch isch s'läbe nöd immer schwarz-wiis, nöd immer es ja oder nei, sondern mängmal halt au es fuck nomal dänn halt.

tönt jetzt wieder chli postapokalyptisch und irgdwie au feig. aber z.b. wämmer das absolut bösi wo sich ide stadt züri breit gmacht hät, wött bekämpfe, so kämpft mer under umständ sis läbe lang. dahingehend isch es halt dänn doch mängmal de besser, oder de ufrichtigeri oder ganz eifach de weg wo eim bliibt: wegzieh.

oder mer scheisst uf moral und de ganz kram und seit sich, dass d'welt eh scho ziemlich verlore isch, und es würkli NÖD drufachunt, will naja, hm... tönt au doof. aber mer zahlt halt dänn. mer hät vermuetlich scho für dümmers züg geld usgeh, als für s'überlebe..

echt schwierig die frag. ufenart sympathisier ich mit dene lüt wo würkli säged, mir doch schnurz was du mit mir machsch, ich mach da nöd mit. aber ufenart: wänn alli immer zu märtyrer werded, so verlürt d'mänschheit au vill. all die gedanke wo die hexe wos verbrännt händ, oder die jude wos vergast händ, will disi gfunde händ, hey nei ich flüchte nöd, die sind jetzt nüme da.

es isch, wie öpper mal gseit hät: e gratwanderig - zwüsche moral und gsundem mänscheverstand. zwüschem richtige und äm läbe. solang mer nöd selber so "bös" wird, und selber afangt häxe verbränne und lüüt bedrohe, isch das immer no guet gnueg. und es gitt villicht au anderi möglichkeite, s'gueti z'understütze, als gäge windmühle azränne...

naja irgedwie widersprich ich mit dem biitrag es paar biiträg vo mir vo de letzte ziit und irgedwie... isch das gar nöd so schlecht. mer chan nöd immer guet und ufrichtig sii, mängmal, da muesmer sich halt eifach de düstere siite vo de existenz uussetze, demits wiiter gaht. aber niemals sött mer selber so werde, niemals selber afange s'falsche und schlächte anderne ufzwinge. das isch für mich die wahri moral. nöd wämmer versuecht en heilige z'sii - sondern wämmer versuecht kein tüfel z'werde.

also für mich lauft die ganz frag uf "zahle" oder "wegzieh" use. de dom hät wenigstens d'möglichkeit für s'eint, oder für s'ander. naja es gitt no e dritti möglichkeit: da bliibe, aktiv korruption bekämpfe, versueche d'wält z'verändere... das isch aber in mexico vermuetlich es bizeli gföhrlicher, als z.b. in züri.
firetiger
Silver Member
Silver Member
Beiträge: 67
Registriert: Sa 14. Apr 2007, 18:55
Wohnort: erde

Re: Bestechung-----Korruption = Easy Life?

Beitrag von firetiger »

Solang du no chasch en spiegel luege werds jo wohl stemme vör dech oder was ?Esch zwar en Alte sproch O:) Ned böss gmeint
..Bem Bass esch es wie e de metzg, Echli meh esch au Guet...
Benutzeravatar
@fire
Platin Member
Platin Member
Beiträge: 344
Registriert: Mi 18. Mai 2005, 09:14
Wohnort: Atizapan de Zaragoza

Re: Bestechung-----Korruption = Easy Life?

Beitrag von @fire »

Noch interessant wie manche sich doch Gedanken machen, ueber das Verhalten in einer 3ten Welt. Sicherlich richtig, entweder man fuegt sich, oder man laessts bleiben, bekaempft es aktiv und lebt damit auch etwas gefaehrlicher, oder sucht ne andere Alternative, in diesem Falle wieder zurueckgehen, wo es einem "wohlergeht".
Dennoch, ich werde damit taeglich konfrontiert und sehe sicherlich, das "eine" wie auch das "andere".
Man sollte von vorneherein wissen, dass Polizeibeamte einen durchschnittlichen Monatsgehalt von ca. 400,-USD erhalten, bei einem Job, bei denen sie zwar eine Kugelsicherweste als Standard-Arbeitsuniform vom Staat oder Stadt bekommen, jedoch aber trotz allem, extrem gefaehrlich gegenueber stehen. Sicherlich muss man auch sagen, dass gerade aufgrund der zusaetzlichen "Nebeneinkuenfte", der Job eines Polizeibeamten, eigentlich einer Authoritaetsperson, sehr reizvoll ist.
Wie habe ich mich bisher verhalten. Nun sagen wir so, sind es kleinere Betraege, also sprich, Betraege fuer ein "Refresco", bin ich durchaus bereit, einen "Obulus" von ca. 20-50,-Pesos (2-5USD) zu berappen. Jedoch kommt es immer wieder vor, vorallem da du ja der reiche Auslaender fuer sie darstellst, das sie unverschaemt werden.

Moralisches Empfinden:

Sicherlich versteht man einige dinge, vorallem wenn man weiss, dass du mit dem zig-fachen im Monat nach Hause kehrst, jedoch kannst du sicherlich nichts dafuer, dass du eben in Gegenden leben MUSST, welche dir eine gewisse Sicherheit bieten, welche du nicht unbedingt fuer 4000,-Pesos MOnatsmiete erhaeltst. Verstehen die allerwenigsten. Ein einziges mal, hatte ich micht gewehrt, Korruption zu unterstuetzen und zu zahlen und bat hoeflichst, mir einen Strafzettel ueber die angeblich begangene Ordnungswidrigkeit auszustellen (in Mexico bekommt man einen 50% Rabatt auf den Strafzettel, wenn man ihn innerhalb von 30 Tagen begleicht,.....damit sollte eigentlich der Korruption entgegengewirkt werden). Anyhow, als dies dann zur Diskussion wurde, kam schnurrstracks Verstaerkung bei und ploetzlich war ich mit illegalem Drogenbesitz konfrontiert. Ueble Sache, wenn man bedenkt, dass selbst kleinste Mengen an Drogen derzeit zu einer mind. Haftstarfe von 10 Jahren fuehren kann. Tja,.....was machste da, ausser dir mal langsam auszumalen, dass dich wild gewordene andere Mithaeftlinge langsam aber gemaechlich an deinen Eiern zu schaffen machen? Also, zahlste und faengst mit Ihnen an zu verhandeln, da aber Verstaerkung hinzukam, kann sich der vorher geforderte Betrag schnell mal eben nach Anzahl der Beteiligten erhoehen.

Anyhow..man hat, wie es im Spiegel-Bericht erwaehnt wurde, durchaus die Moeglichkeit, einen Korruptionsfall zu melden, allerdings, sollte man sich wirklich darueber im klaren sein, dass man dadurch durchaus seine eigene Sicherheit und die in deiner naechsten Umgebung aufs Spiel setzt. Liest sich zwar alles jetzt bisschen uebertrieben an, aber es entspricht so.

Ich kann auch durchaus behaupten, dass es den meisten hier lebenden, vorallem den Mexikanern ziemlich aufn Geist geht, dass das System so "arbeitet", aber die wenigsten werden sich hueten etwas dagegen zu tun,....zu hoch die Angst, vor den Machtspielen dieser sog. Authoritaetspersonen.

Anyhow, man muss damit leben, wenn man eben in solchen 3-Weltlaendern mit gravierenden Gesellschaftlichen Unterschieden und deren daraus resultierenden Konflikten leben und arbeiten moechte, ein ungutes Gefuehl bleibt aber dennoch immer bestehen.

Danke und Gruss,
Dom
Mirowsky

Re: Bestechung-----Korruption = Easy Life?

Beitrag von Mirowsky »

ich denke bestechungen (gefälligkeiten),korruption usw. ,dem begegnen wir doch jeden tag selber
und je höher die kriminelle ernegie ist um so höher auch die korruption...und in einer stadt wie mexico
gelten sicher andere gesetzte als bei uns....... so würde ich mich sehr warscheinlich dem system anpassen
(ist warscheinlich einfacher als gegen den strom fahren oder wie auch immer) und/oder wenn ich es mit
meinem gewissen nicht ausmachen kann ,meinen koffer packen und ne andere bleibe suchen.
The Dude

Re: Bestechung-----Korruption = Easy Life?

Beitrag von The Dude »

han etz dä thread nur grob überfloge, aber kän andere zum thema korruption gfunde.. sött aso passe da... well korruption hät ja no vill grösseri usmass als nur bullerei... dasch bi eus idä schwiiz eh relativ harmlos..

s'problem in europa isch korruption vodä füehrixebene sowohl in wirtschaft als au politik.
Korruption vernichtet hunderte Milliarden Euro

Die deutsche Wirtschaft brummt, und mit der Wirtschaft brummt die Korruption: 250 Milliarden Euro Schaden soll durch Vorteilsnahme in diesem Jahr entstehen. Forscher legen nahe, dass daran auch eine Verlotterung der Sitten schuld ist.
http://www.fr-online.de/wirtschaft/stud ... 10906.html

ps. in mexiko bini nonie xi ;)
The Dude

Re: Bestechung-----Korruption = Easy Life?

Beitrag von The Dude »

Wegen Lobby-Organisation: EU ermittelt gegen EZB-Chef
Die Organisation «Corporate Europe Observatory», die sich der Korruptionsbekämpfung verschrieben hat, hatte Draghi im Juni einen Interessenskonflikt vorgeworfen. Durch die G30-Mitgliedschaft fehle dem EZB-Präsidenten die Unabhängigkeit, argumentierte die Gruppe. Sie sei nicht vereinbar mit den ethischen Regeln der Zentralbank.

Die G30 weise alle Charakteristika einer Lobbyorganisation für Grossbanken auf und der EZB-Präsident sollte kein Mitglied sein. Der Gruppe gehören unter anderem auch der frühere Fed-Chef Paul Volcker, der Gouverneur der kanadischen Notenbank, Mark Carney und Bank-of-England-Chef Mervyn King an.
http://www.tagesschau.sf.tv/Nachrichten ... ang=ts_na3
Antworten