hey ja Metal isch - au - geil.
gitt no villes was geil isch. und ich glaub d'lüüt veränderet sich selber au immer wieder mal. so gseh isches doch schön, gits für die einte das eine was i dem moment das wahre isch, was villicht nöd immer das wahre blibt, will mer neui sichtwisene bechunt, neui erkenntnis gwünnt, und so villicht au mal dänkt, mer hägi mal früehner sache dänkt, wo so nöd sind, will jetzt weiss mer ja wies isch, aber ja, isch doch geil, gits die selbsterkenntnis, und wiiterentwicklig, wär ja au chli starr wämmer immer nur öppis als einzigi wahrheit zuelaht.
auso Gsichtli ich finde das schön, häsch Du Din wäg derart erwiiteret, dass du "i dene lüüt wo du früecher als graui tube bezeichnet häsch" jetzt es Om gsehsch ohni dass es es Om uf dem sim rucksack brucht, zums gseh.
und es isch - mal ganz allgemein gseit - doch au schön, häsch du die goa ziite so erläbt, wie du sie gläbt häsch dazumal, wo du das für wahr befunde häsch, wora du damals glaubt häsch. will de weg bisch gange, und wärsch en nöd gange, wärsch halt en andere wäg gange. din wäg isches gsi - so oder so.
und s'schöne isch ja, dass jede sin eigene weg gah dörf. ob jetzt mit shanti oder vaterunser, mit tanze oder gartezwerge, irgedwie cha jede öppis us dem läbe zieh. i denke mal (ohni das würkli z'wüsse, känn eu ja nöd alli) i dem forum häts es paar lüüt, wo ähnlichi interesse händ, wo ähnlichi sache wichtig findet, das isch sone art "wir-gfühl", was au durchus logisch isch, ähnlich tickendi lüüt mit dene chunt mer halt eher in kontakt. bin halt eifach nöd so oft a hiphoppartys oder eigetlich nie, so gseh chani die lüüt vo det halt schlichtwegs nöd känelerne, usser natürli ineme andere umfäld als am wuchenänd, und so vill offeheit hani zumindescht scho erlangt, dasi dänn nöd säge "iik du losisch kei goa mit dir redi nöd" - was ja au chli beknackt wär. hehe...
das isch nöd besser, eifach andersch, wie bi anderne. oh ja, ich weiss, mer söll jede mensch glich behandle, und i jedem steckt e seel und guets bis an bach abe, nur böh, die einte interessiered mich halt meh als die andere. mängmal da gitses au dass ich mich für öpper interessiere wo sich nöd die bohne für mich interessiert oder au umgekehrt, und da frag ich mich dänn, oder de, ob mer no richtig tickt. das sind so die moment, wo mer villicht vergisst, dass mer scho richtig tickt, nur halt nöd mit jedem uf de gliche wälle längi isch.
ob jetzt e goaparty oder imne forum, oder es metalkonzert, oder was au immer, im vordergrund staht für mich de ustusch mit anderne. womit nöd zwingend nur gspröch gmeint sind. mit de einte chli meh, mit de nächschte chli weniger. mentalitäte chömed au no is spiel, vorliebe, prägige, müedigkeit. böh, isch doch wurscht. es gitt halt eifach kein richtige oder falsche weg, jedefalls chammer das nöd für anderi säge. mir häts öppis bracht; find ich. und solangs ich so gsehne, isch das min wäg, ohni richtig oder falsch. anderi gsehnd das andersch, oder ähnlich und das isch ihres gueti rächt.
ehrlichkeit, schein, und sein - vorgeh, maske, echtheit. ach das isch alles sooo komplex... irgedwie chammer als mänsch glaub nöd vill meh mache, als es probiere. irren ist menschlich. es isch eifach so, dass mer das nöd a anderne sött afange mässe. ich chan vo mir sälber scho nöd immer klar säge, wänn ich jetzt echt und wänn ich nur vorgeh bin, wie söll ich das dänn bi anderne chöne? jede hät halt so sini luune, isch mal zfride mit sich und de welt und dänn wieder nöd... e ghörigi portion verständnis isch mines erachtens hilfrich für de zwüschemänschlichi kontakt zunenand. halt mal es füfi grad stah lah.
es isch kein mänsch zwunge sis läbe lang mit öpperem oder in einere szene z'verchere. es isch schön, wänn das funktioniert, segs inere fründschaft, bezihig, partybekanntschaft, es isch wundervoll mit unbekannte e nacht lang z'philosophiere und sich dänn nie meh z'gseh - loslah chöne, das isch da s'stichwort. es isch schön gits zwüschemänschliche kontakt, und es isch meistens au so, dass die einte wo de ander nöd so toll findt, vo diesem wiederum sehr toll gfunde werded, bis sieihm dänn uf de sack gaht, und er lieber mit diesere go znacht ässe gaht, bevor diesi deh wiederum känelernt was jenem nöd passt, wo dänn aber defür mit diesne wieder meh ziit verbringt.
isch doch menschlich. erlüchtet isch vo dene allne vermuetlich keine, wie auch ich nöd. erlüchtet sii wär vermuetlich au es bizeli astrengend. was au immer erlüchtet eigetlich heisst. ich bin jetzt halt en mensch wo mit schlägereie nüt cha afange. mines erachtens sind goapartys au eifach schlichtwegs de falschi ort für das. wär das brucht söll sich en ort sueche wo er das usläbe chan, es gäbt suscht au no d'möglichkeit in chrieg z'zieh, aber hey ja, anere goa eine schlah, das find ich nöd guet. und so gseh, us mim blickwinkel, wo zum glück min eigene isch, und ich de zum glück au dörf ha, de ghört mir ganz allei hehe, bruch ich so lüüt nöd i mim kollegechreis. das isch miner meinig na nöd elitär sondern konsequent, aber wänn öpper ander min blickwinkel was schlägertype agaht arrogant findt, darf er das ja arrogant finde. de dörf ja au sin blickwinkel ha, so wie ich mine han. mir sind ja - au anere goa - nöd zwunge mitenand z'verchere.
es wär sicher schön und erstrebenswert wenn mer jedem mensch mit de gliche hochachtig begägne chönt, aber ich weiss ja nöd wies eu gaht, aber ich cha das nöd bi jedem. und ich glaube, das z'lerne dürfti no es wiili bruche. wasi aber cha lerne, isch die lüüt sozsäge "stah zlah" und halt mir eifach kei wiiteri gedanke, scho gar kei negativi zu dene z'mache. nöd will "mer" das muss um en spirituelle goaner z'sii, sondern eifach will ich das will, will das sozsäge mis ziel im läbe isch. inwiefern ich das ziel erreicht han, oder wie wiit ich da scho bin, dass isch für mich wiit sii - wo aber ebe nur im bezug uf mich persönlich gilt, und nur vo mir persönlich überhaupt bewertet werde chan, will suscht weiss ja niemert was ich dänke, usser ich sägs, aber selbst dänn chas no falsch verstande werde.
nur ich chan mir selber in spiegel luäge und mir säge, ob ich mis ziel erreicht, verfehlt, mich agnöchered han oder grad z'fuul bin und lieber suscht was mache, als mich dem ziel z'widme. was au okay isch, will naja es isch okay was anderi mached, dadrüber z'urteile isch nöd mini ufgab. klar, ich machs trotzdem no vill z'oft, dänn wird wieder projeziert (scheiss kp in china! aber echt) oder vergliche ("ich würd aber"-sätz sind immer ganz toll) und mängmal sogar richtig aggro usgrüeft ("huäre dräckswirtschaftspolitik") und ey ja scho no blöd, bin ich no nöd am ziel.
lustig oder schön a dem ganze find ich eifach wie das feedback vom universe amel rächt schnäll chunt, so in form vo lüüt wo eim eifach mal knallhärt säged, was sie dänked, oder wämmer es buech lisst oder en film luägt wo irgede szene eim plötzli sone art verknüpfig erstelle laht und ich dänn dänk, oh shiiit das isch ja genau DAS. oder mängmal natürli au im guete, wän eim öpper seit mer säg doch en liebe, das tuet mängsmal au guet, so richtig guet, nöd so ego-streichel guet.
aber feedback bruchts, und ich finde das die feedbacks so im verlauf vo de letzte 13 mönät mir guet tah händ, oh mängsmal häts mi mal wieder so richtig duregschüttlet (huiii summers end festival eieiei) und säb häts brucht, irgedwie häts das brucht, zum mim persönliche ziel i dem läbe nöcher z'cho. nöd für goa und de spirit sondern für mich selber.
ganz schön ego hä? naja nobody is perfect
finds gedige, gits eu, gits "die", gits all das ...läbe halt. isch no cool.