sodeli, ändlich hani nach fasch erä wuchä wider chlei bodä unger minä füäss,
s zäut isch wider suber u trochä, d chleider si gwäschä u scho fasch verrumt u s gschirr ou...
numä der rucksack steit no chlei im gang umä, wiä wenn er vilech doch no einisch wett verreisä das johr
dä böim u dä bluämä hani o scho wider chlei zyt chönnä widmä
u mi wuschu wo doheim so super zu auem glueägt het, aues gossä u gmacht het, dass i überhoupt vo mittwuch bis mändig ids graubündä ha chönnä verduftä, ohni mer sorgä z machä,
dä hani ou scho ganz fescht u viu chönnä drückä derfür
u jetz hani gloub doch o no mou öppis wöuä zu däm ganzä sägä:
wär mi kennt, weiss dass i so grossä sachä skeptisch gägänüber stoh, nid wiu i nid gloubä, dass es chönnt funktionierä,
nei viu meh, wiu s rächt heiku isch der spirit vo so öppisem z wahrä wenn mes uf "teufel-komm-rauss" wott ufblosä
um so meh zieh ni der huät vorem disjährigä summer never ends festival, däm sirä organisation, sinä häufer aber ou au dä bsuächer
dir heit nech nach em letschtä mou aber so öppis vo is züg gleit, weni ehrlich bi hätt nech das nach letscht johr nid zuätrout!
euä schritt nach fürä isch beachtenswärt, dir heits nid eifaach ebä numä ufblosä (nach däm hets mer ebä letscht johr chlei fescht gschmöckt)
sondern dir heit ä rächtä schritt nach fürä gmacht u gloubeni d verantwortig womä bi sorä sach hett wohrgno
i loh jetz au diä detail us, diä si scho rächt guät aui erwähnt
u wünschä nech vo härzä, dass der innerhaub vor org dä gsund asatz chöit bewahrä, pflegä u nährä
mi hets persöhnlich fasch umghouä, am sundig nomi so viu härzigi u glücklichi gsichtli z gseh zfridä u mittenang gniässä
i säuber ha entgägä minä befürchtigä ä ganz ruhigä momänt i au denä mönschä fasch sächs tag chönnä gniässä
u jetz no öppis ganz persöhnlichs: Rusty, bisch das würklich du gsi? bisch du dir im klaarä, meinä has jo schüsch scho u burzelschnuff gfungä uf däm bärg
aber wo du z letscht no Jean Michel Jarre ufgleit hesch... zersch hani jo gmeint, s wär numä wider einä vo denä coveretä...
aber woni du gmerkt ha dass nid, do hets dä aut löli vouänds furtputzt, s hett mi fasch verblosä vor fröid...
u wägä dir hani du müssä/chönnä hüülä vor freud wiä nä schlosshung...
*sentimentalädotschsoeinä*
dankä gäu
*verwuscheltaugenzwinkernochmal*
dankä chrigi, i ha u fröid gha ab dir, z gseh dass es der guät geit... merci dir u dinä kumpels äs isch ganz es schöns bsüächli u nä wärtvouä momänt gsi bi euch obä
u o dankä Simäli, dass dä so lang mit mer dürägha hesch *oberaffäsoufrächgrins* het gfägt mit dir!
u weni nid am Rafi sis set vor luter wunderschön tanzä ir sunnä verpasst hätt (aber wägä däm leggi mer jetz glich nid no ä uhr zuchä) de wärs nahezuä ä ganz ä perfektä momänt gsi, das chlei längä weekend im ouguscht 2009.
thanks
für ne goaparty 
marrsch lingegen naja.. 
und fau konnte schön 
