28.07.07 - Hypnotica 2

[Capablanca]

@Drachenherz
vielleicht klappt es in 3 Wochen in Sattelegg ...

see ya

[aradis]

vielleicht bist du ja besser im suchen als ich drachi

(schleichspam)

[Drachenherz]

Ja... Sattelegg...

Irgendwie schlägt mein Drachenherz dafür...

Vielleicht auf Sonntag Morgen? Einen wunderbaren Morgen in vertrauten Gefilden verbringen?

*smile*

(bin eben 7 lange Jahre in Einsiedeln ins Internat... *smile* 7 Jahre "Catholic Marines" *gg*)

Wer weiss... Ich lerne so gerne "neue" (altbekannte?) Seelen kennen... *bigsmile*

Love + Light
Drachi

[Louitchy]

Aaalso i chan würkli nume positivs verzelle! Scho lang nüm sone perfekti wunderschöni eifach nume erlösendi Party erläbt. Woni die Location gseh han hets mi fascht überspuelet vor Freud, so schön i de Natur usse, so vill Platz, Wiese, Chüe, frischi Luft, Wind, Räge, Sunne, Vollmond, nume Näbel heti no schön gfunde am Morge, aber alles chan mer halt au nöd ha
Der Wind der Wind, das himmlische Kind... ja so isch er mir würkli vorcho, als ob er mini Seel is ganze Tal verstreut, so schön, so frei, wienes Blatt wo umenand gwirblet wird
D Deko hani au mega schön gfunde i de Nacht, vor allem die verzierte Pyramide. D Ballön, aso i hans na witzig gfunde, vor allem woni denn usegfunde han dass die wiise Pünktli i de Wiese oberhalb Ballön gsi sind.

D Musig, wooooohooooo, han scho laaang nüm so vill tanzet!! Wunderschön gsi! .. A dere Stell gad no e Frog, chan mir echt öpper säge wer so um di 6i am Morge, villicht chli spöter, ufgleit het? Isch ja voll verspillt gsi

Irgendwenn wos wieder hell gsi isch het mi doch mol öpper bim tanze plötzli voll algacht und mi norgmacht... (weiss au nüm wer das gsi isch, hanen nöd kennt) ja guet, d Musig het mer do scho gad chli es seltsams Gfühl ge und das isch denn halt au z gse gsi das Gfühl Aber isch witzig gsi, het mi voll vergrölet! A dere Stell au no es Dankeschön a die Person, i so Moment wird eim mengmol plötzlich über eim selber öppis klar womer vorher gar nöd gmerkt het

D Lüüt sind sowieso alli genial gsi, han alli mega gern gha und paar liebi neui Gsichter kenne glernt..
S "am 2 bim Chai" hani aber leider vollständig vergesse, het kei Ziit me ge. Villicht schaffis jo am Summers End no Aber es paar hani ja au so no troffe

Mitem Shuttle hani zum Glück kei Problem gha. Wo mir das Gedränge gseh hend hend mir üs sofort beschlosse z laufe, isch sowieso vill gmüetlicher. Sind inere Stund öppe dobe gsi! Aso die wo 2 Stund am Bahnhof gwartet hend... laufe isch doch sowieso vill spezieller, eifach fürs nöchste mol. Und mer het sogar scho warm wenn mer dobe isch

Alles in allem e absolut perfekti Party gsi, het mer durch und durch gfalle und uuu guet tue, han endli wieder sonen richtige Seelefriede i mir. So chlini Panne wie de Sound i de Nacht mol sind denn vollkomme egal, s goht ja trotzdem wiiter und sich ufrege macht das Ganze nume schlimmer. Klar isches schad, aber s isch ja wieder guet cho

*knuddel* an alli, isch schön gsi mit eu! Hoffe uf e Hypnotica III
Lg vom Tröpfli

[Tinnitus]

salüüü mitenand

han die party de hammer gfunde... in sache shuttle-bus... i han glücklicherwiis bi de poscht parkiert (leere Parkplatz) bin uufwärts gloffe und en abe-fahredne shuttle het eus gseit, er laht bim ufefahre no kli platz... und tatsächlich: bim ufefahre het sie aghalte und eus na chöne mitneh! DANKE VILL MAL!!

denn en churze ischueb ame negative punkt: im bus drin hets ernschthaft lüüt kha, wo agfange hend mesk frässe... und ja, findi nit so en tolli idee...

dobe acho (ca. 22:00) hemmer denn euses zält ufgstellt und eus igrichtet. d'nacht isch musikalisch nit so uf minere wällelängi gsi... bin immer kli umegloffe, han deko agluegt etc. bi mir isch party ersch richtig loos gange, wo d'sunne ufgange isch, wos agfange het hell werde... Wow, die landschaft! phenomenal (usser de rauchturm). musikalisch de hammer... han leider ersch am mittag s'line-up s'erscht mal gse, drum chani nit zu einzelne acts was säge, eifach vom morge am 7ni bis am 2 am namittag hammmmmmööör-sound!!!

bin umeghüpft und han tanzt, bis mis jäggli völlig durchschwitzt gsi isch... puh... dem säg i training

s'träffe am 2 bim chai hani vooooll verpasst... han am viertel vor 3 uf d'uhr gluegt und eifach denkt: ooooops... schad, wär gern debi gsi und het paar lüüt känneglernt... aber schusch gern en 2. versuech binere andere party...

d'lüüt sind grössteteils nit die lüüt gsi, wo ich mir erhofft han. nüt gege clubber, überhaupt nit, aber i gsee halt lieber gnöömli und zwergli

zum abfall muessi sege, schad, es het vill chübel umekha, sind aber nit sehr oft benutzt worde. i bin barfuess gsi und han doch kli müesse ufpasse, dass i nieneds inestoh... schad.

toi-toi-alag super gwählt, vo überall ersichtlich.

i sueche s'line-up grundsätzlich a de bar, drum ischs mr au ersch am mittag ufgfalle vor de bühne.

soundalag isch für mini ohre völlig i. O. gsi, au d'luutstärchi het passt. han aber au scho bessers khört.

alles in allem es grosses lob ad leuts vo room31 und ad hälfer, sowie d'sanis und de bsuecher. d'stimmig isch super gsi, s'wätter het gstumme, location himmlisch, sound guet. DANKE!!!


wär cool, wenns no paar pics meh wür geh...

greetz
ZN

[Flying_Fish]

Wollte mich auch noch bei den Room 31 ern bedanken, war ein geiles fest und gut organisiert. Shuttleproblem war das einzige manko, aber man kann nie alles zu 100% perfekt machen...

sound fand ich grösstenteils auch sehr geil und am 2 beim Chai war auch ganz nett..

Greez

[biberfreund]

Viele Dank für die viele Feedbacks! En Detaillierte Report vo mir und andere Organisatore wird folge, sobald mer die letschte Ziggistummel und alles andere uf em Platz ufgläse händ. Wer us dr Region esch söll sich mal s Oltner Tagblatt vo geschter (Mäntig, 30. Juli) aluege. Het en sehr positive, ganzi Siite usfüllende Bricht drinn. Wird en au no iscanne, sobald i derzue chom!

[müstik]

Viele Dank für die viele Feedbacks! En Detaillierte Report vo mir und andere Organisatore wird folge, sobald mer die letschte Ziggistummel und alles andere uf em Platz ufgläse händ. Wer us dr Region esch söll sich mal s Oltner Tagblatt vo geschter (Mäntig, 30. Juli) aluege. Het en sehr positive, ganzi Siite usfüllende Bricht drinn. Wird en au no iscanne, sobald i derzue chom!

hier die berichte!

http://www.smd.ch/cgi-bin/cqcgi_703_5/@ ... 0727998213

http://www.smd.ch/cgi-bin/cqcgi_703_5/@ ... 0731009640

[Saphira]

Der fliegende Hirsch *g*

Hmm isch chli schad, dass überhaupt no müesse Zigistummle etc. ufgläse wärde. Ds Abfallsystem isch jedefauch sehr guet gsi (nume das wäg de Trennig vo Pet und übrigem Abfall hetme ir Nacht eifach so schlächt chönne läse.) Aber was wottme mache he.. s wird immer Söilis gä a settige Aläss.

[Titali]

hey@all

so, schreibe jetzt auch ein report... bin gelandet, obwohl ich noch gerne auf dieser wunderschÖÖÖnen wiese stehen würde mit euch allen zusammen!

es war ein sehr sehr wundervolle, fröhliche und spezielle party... ich habe soviele liebende & lachende menschen getroffen, vorallem hier aus dem forum! ich habe es einfach wunderschÖÖÖn empfunden, dass wir so offen und herzlich zueinander waren... das meinte ich letztes mal damit, dass ich wirklich zauberhafte menschen dank diesem forum und swisspsy kennengelernt habe. thanks for it

ich traff sogar eine thai-gruppe...yuuuhuuu, hatte echt freude mit denen zu plaudern und passte voll zu unserem thai-bucket-special-drink...uhahaha, musste ja bremsen damit, sonst wär ich irgendwo in nem graben verendet! die people an der bar waren auch voll nett und kooperativ...

zum sound, ehm, es musste für mich tag werden, in der nacht war für mich der sound nebensache, war am quatschen & wandern... freute mich dann, als es endlich hell wurde und in der 2. hälfte vom set vom müstik & jackomo kam ich dann endlich in tanzstimmung bis mich dann jemand ganz besonderes total verzaubert hatte und mich in eine andere welt entführte:

MIDIMAL (you know what i mean & feel)

das wetter war auch perfekt... die wolken waren einfach genial und der wind dazu, es passte einfach

uff miguz, ich habe immer wieder gehört, dass du da bist, but WHERE??? irgendwie will da jemand, dass wir uns einfach nicht über den weglaufen... hope next time somewhere!

uhahaha smiler colin i saw your ass *schocked* hehe, bin leider bi dim set nüme derbi gsi, aber ha es pic gseh mal die etwas andere show *lol*

thaaaanks to rOOm 31 für die tolle und unvergessliche party - it was just hypnotic!!!

and don't forget:

the spirit is stilll wake...maybe in a diffrent way, but he is in everybody from us and it's that, what we do with it...let it out

LoVe LoVe LoVe
TiTaLi***

[biberfreund]

Kleiner Vorgeschmack auch von mir. Hab leider nicht viel mehr Fotos gemacht, aber schon einige von anderen Fotografen zugeschickt bekommen. Die folgen auch bald

[ilenja]

sodeli .. jetze chumi au endlich mal dezue was zur party feeling z`schriebe..

die party esch mit sovell liebi,geduld und zueversicht ufbaut worde .. das mer grad weh macht wenn gwössi party lütlis eifach nome immer was z`reklamiere haend .. was mi am meiste gstört hed esch die ewige disskusione a de kasse vowaege priis z`tür und so.wer mer e chli mitbechund was mer alles för e sone grossi party muen organisiere .. geschweige scho monate vorher plane wörd ech meine sind die 40fräänkli nix!Das ganze Konzept esch monate vorher scho bis zum chliinschte detail plant worde .. room31 hed wörkli alles gaeh die party bsuecher zfriedezstelle...es god nöd allei ums finanzielle wo mer do set a luege .. sondern de respekt vor so organisatore zha .. wo wörkli mit sovell liebi de hinder xi sind ..das ganze team esch eifach super.. eis zaemespiel und respekt dem andere .. und was ech am meiste schätze a de room31..esch das sie respekt de natur gegenüber bringe .. haend wörkli sehr för de abfall glueged .. leider haend das nöd all partygääscht wahr gno.es esch e wundervolli part xi mit extrem schöne vibes wo ech selte anere party i dem styl erlebt han .. vell liebi seelene xeh und gspürt .. sound maessig hani nöd alles mitbecho da ech die halb nacht andersch wo verbrocht han.. usserdem chamers eh nie perfelkt mache@partygääscht zfriedestelle vom musikgschmack .. jede hed e chli en anderi vorstellig vo good feeling .. anyway.. hauptsach meh verlührt die guet lune nöd ..
es esch e mega super schöni party xi .. ech danke dene lüt wo ech han dörfe a dere party treffe und mini zyt mitneh verbringe ..
ech danke room31 för alles.. meh hani do nöd saege ..

s`einzige wo mi e chli gstresst hed esch das ech de smartech und dancingdevil nöd miterlebt han .. aber för mech esch am mittag mal füürobe xi.. mini chraft hed sech nöme chönne uflade .. aber wiemer so schön seid .. meh sell go wenns am schönschte esch ..

ROOM31 RUUULEZ!!

[ilenja]

aha .. ech vermisse no mini passoa flääsche .. haha .. hoffentlich hed wer freud dranne gha !

[Silversurfer604]

@ilenja

Lies na einisch alli Bricht dure. chume nöd ganz druus wie du uf reklamiere chunsch? Alli Bricht da inne sind ja so was vo positiv. Hani scho sälte gläse zunere Party.

Grüessli

[ilenja]

ech ha es paar stunde e ade kasse gschaffed .. darum chum ech uf das .. han das eifach mal welle gseid ha wells einigi vo eus wo a de kasse gschaffed haend scho schockiert gha hed .. gell reti and chandrani hey easy ..