15.3.08 Waldhüpf-Party in Turbenthal

[spaceangel]

ok,gebe au mis wort no dezue möcht mich bi der stephan ond bim ganze team bedanke,die party esch hammer gsi,nome de sound het mer zom teil nöd so passt(aber das esch halt gschmack sach)wörd ämel weder cho wen der eini möche

danke nomol vör das schöne wocheänd,bes gli

lg

[Amanita]

Hans au schön gfunde, super Platz, mega schönä Wald, schöns Deko, z Ässä, z Trinkä, Sound, Füür.. isch alles do gsi.
Liebi Lüt, Wind, Rägä (und Schutz devo) und au Sunnäschii hend alles no iidrücklicher gmacht.
D Dorfjugend han i ganz luschtig gfundä.. .
Merci no für's gratis Bier (chunnt au eher sälte vor, dass eim Organisatorä s Trinkä fascht norühred) und natürlich fürs mega feinä Brot und d Lieder (au wenn's teilwiis fascht chli härt isch gsii).
Merci, isch ... gsii..

S Einzig wo mi chli gstört het, sind die Flugzüg gsii, chönd er die bitte für's nöchstä Mol abgstellä..

[Fallen Angel 2]

Nachdem ich zwar scho en Biitrag verfasst han, wo alles seit, woni umbedingt ha welle säge.
Schriibi jetzt mal no en report so im stil voneme report - erinnerige wo villicht in es paar jahr wieder ufegholt werde chönd.

Nachdem ich ufgrund vo konstantem Schlafmangel gar kei Luscht meh gha han ufe Party, simmer dänn doch uf eimal in Winterthur glandet, und womer dänn schomal in Winti gsi sind, hämmer dänkt, luäge mer doch mal wo de Zug fahrt, und womer dänn so vor dem Zug gstande sind, hämmer dänkt, mir cheu ja au eifach mal iistige, und so simmer dänn uf eimal in Thurbenthal glandet. Es hät JENES Lüüt i dem Zug gha, also simmer uf eimal ganz villi gsi, wo durs Dorf gwanderet, falsch abboge, uf de Berg ufegkraxlet sind. Dankem Füür bide Kasse hämers dänn gschafft. Chum det acho, hämmer es Füür entdeckt und üs erscht mal aneghängt, isch es traumhafts Plätzli gsi, grad so überem Füür und doch Zmitzt im Wald... Det hämmer dänn au die Dorfjugend gseh, vo dere scho es paar mal d'red gsi isch. Bin nach wie vor nöd sicher, ob die das ernscht gmeint händ, dass sie d'Dorfjugend sind, oder doch des öfteren a Goas gönd. Es hät ihne uf all Fäll gfalle, sind zimmli lang blibe (oder wieder cho, who knows). Dänn häts chli afange tröpfle (rägne *g*) und da hani erkännt, dass ich die eint wo det hockt ja känn, und so simmer dänn dank ihre und ihrem Begleiter i de Gnuss vonere Blache cho, händs Füür no chli agfüüret (... ), Met teilt und uf eimal isch die ganzi Müedigkeit eifach wäg gsi. Outdoorpartys händ eifach e heilsami Würkig uf mich. Met au. Und gueti Gsellschaft sowieso. Nachdem mir dänn mal so langsam chli acho sind, simmer mal zum floor tschumplet, ha leider kei ahnig wer da ufgleit hät, aber s'hät mer gfalle. Det grad wieder einigi Mänsche wiederemol troffe, hät mich sehr gfreut, sind ihr det gsi.
Wo mir bide Blache gsi sind, hani irgend sonen störende Ast mal irgedwo anegschmisse, und chli druf abe, hani völlig un-nett de eint gfragt, ob er zum Zelt ghöri, was mir so im nachhinein enorm peinlich isch, drum schriib ichs au i de Report, s'gueti isch gsi, dass er die Devil Sticks gsuecht hät, wo ich zuvor füren Ast ghalte und is Gebüsch gworfe han. so gseh hät sogar die peinlichi Frag minersiits sin Sinn gha, so hani ihm die chöne wieder geh. ha ihn am nächschte Tag mal gseh, wie er mit de Sticks zum Sound tanzt hät, und bin eifach echt begeistert gsi, sini Wort händ sich bewahrheitet...
ide Nacht simmer mal einisch de Berg ufegwanderet, uf dere Strass wo ständig Autos verbii gfahre sind. Aso vor allem eis Auto, hätmi chli verwirrt... nachdem mir das dänn mal gschafft händ, isches doch chli chalt und so wiit weg gsi und mir sind wieder abe... ah und det hämmer dänn no de zweit floor gseh, wo so dur de wald duregschimmeret hät. Es isch e Tankstell gsi, und es paar Hüser, aber i de Nacht hät das irgedwie andersch usgseh *smile*. De Baumstapel det bim zweite Floor isch fascht es bizeli gfürchig gsi... So es bizeli to much Stephen King... naja schnell wieder zrugg zur Party und zum Füür - wo zwüschedure mal chli krass brännt hät. Zum relaxe sehr agnehm. Und hey, danke vill mal für das Wasser, das isch unedlich lieb gsi.
Wo s'Liecht uf eimal druf hiidütet hät, dass es demnächscht Tag wird, simmer no einisch diä extremely steil Strass derufgwanderet, mit de Idee, Sunneliecht z'sueche - händ dänn uf halbem wäg halt gmacht und det häts en Platz gha, mit so Baumstämm und isch irgedwie so es gfühl vo English gsi det obe. Mir sind dänn mal chli in Wald, und es bizeli erschütteret gsi, wie STEIL dass es det so de Hang derab gange isch. Det häts dänn au so richtig chräftig afange winde, also ehner stürme, ufenart hät üs das beiidruckt, und so simmer wieder abe zu de Party, vertrauti Mänsche und so, das zieht ein magisch aa.
Womer wieder dune gsi sind, händ grad Rasael und Herve ufgleit und also was da uf de Tanzflächli abgange isch, so vill Energiegladeni Lüüt wo voll abgange sind, also Hut ab und Tanzbei id Luft, das isch no stampfe, wirble und hüpfe gsi. Hät aso gflasht das z'beobachte und au mitzmache. Wieder eine gseh, und ihm d'Hand geh zur Begrüessig, woruf de so: "chalt" wasi erscht falsch interpretiert han, bevor ich ihn dänn doch no umarmt han.
Ach ja und De Wind! Eifach unglaublich mächtig - wo d'Sunne dänn de Partyplatz erreicht hät, und de Wind so heftigscht de Hang deruf blase hät, es hät ein fascht mitgrisse, das isch es erläbnis gsi. Ha det glaub (lala) chli Theater gspillt, ähm naja, show must go on? lala
S'Deko hät mich schier umghaue - uf eimal hani das i sinere ganze Pracht wahrgno, wies det so ade Wand und überem Floor hängt, und es hät eifach magisch, feehaft usgseh. Wer au immer das det montiert hät: Danke! Du/ihr händ häsch üs en schöne Moment gschänkt.
D'lüüt sind durs Band dure eifach super gsi. So viel liebevolli, witzelndi, urkomischi Sache wo so gseit und gläbt worde sind, Mänsche wo DA gsi sind, unbeschriiblich. Guet. Bös hihi. Eifach da. Thanks, knuddel und love @ all of you.
D'Sunne hämmer dänn au no chli gnosse, und da wieder en peinliche Spruch vo mir, de eint chunt so: "störi" und ich antworte ihm "das musch du selber entscheide" was natürlich im nachhinein mich innerlich ufstöhne laht, naja guet, ufenart entscheidet das au jede selber - aber äh: häsch aso nöd gstört.
wo dänn de rege no einisch churz cho isch, hämmer üs no einisch under de blache verchroche, und sehr interessanti gspröch (oder so öppis ähnlichs) gha. A dere Stell mal en bsundere Dank a mini Begleiterin: Für dini Aweseheit - es hät mir uu guet tah, bisch Du da gsi und häsch mir id Auge gluägt.
Während mir so det gsi sind, sind jenes Lüüt verbii gloffe, hät es paar witzigi Situatione geh, das mit de Auge und das mit de Baumstämm und "Morgää" hach ja, wär am liebschte wieder det *smile*
So gäg de Mittag isch de Sound dänn mal abgstellt worde. Was dezue gführt hät, dass e Gitarre uspackt worde isch und es sich es Grüppli zämegfunde und Lieder gsunge hät. Die Lieder händ so guet tah, händ mitgrisse, händ bewegt - merci für all das.
Wo mir dänn au mal zu dem Grüppli gstosse sind, isch wie scho erwähnt worde isch, s'Bier in Ströme naagrüehrt worde, das isch ächt mal öppis speziells gsi. Und dänn no das FEINE Brot, mer chas nöd oft gnueg schriibe - das Brot isch ächt fein gsi. Eifach mega fein. Danke!!
Und nach einiger Ziit sind uf eimal alli zäme ufbroche und wiederum isch e riisigi Gruppe vo Lüüt gemeinsam zum Bahnhof gloffe. So gemeinschaftlich, fründschaftlich...
De Abschied vonenand isch dank dem Zugfahrplan (mir händ e stund lang uf de nächscht gwartet) zum Glück no chli usezögeret worde, und doch häts dänn einisch gheisse sich es letzts mal für das weekend umarme und heigah. Und eis no: es erfüllt mich mit dankbarkeit, was ich det ha dörfe erläbe, gseh und gspüre. Danke das ihr alli det gsi sind.

D'Flugzüüg erwähni nöd, die sind doof. *g*

[Jael]

hej zäme
chan nume säge bin mega zfride mit dem was ihr all gleistet händ!
im endeffekt zellt das ihr us eure idee all mitgrisse händ um e tolli party zäme
zfiire- i mein sisch eu glunge:) i hans als e meist fridlichi party erlebt-hammer
(((alag)))&deko, luschtigi lüüt'-
merci 4alles!
cya sOon-lg selin
ps:daNke eLi dAs DU iMm3R 4.mi dA bisch& gsi bisch^^hug

[tImE ShIft]

ja salü mitenand, jetzt wo scho so viel lüüt da ine gschriebe hend mues i ja au fasch äs statement abgä.
I find d party isch voll glunge, dank all denä hälfer wo mer gha hend und natürlich dank a die hammer lüüt wo dä weg zu eus ind wald gfunde hend.
Fettä dank a drastico u ah al die helfer wo so churzfrischtig no igsprunge sind zum ah de bar helf etc.
Mir heds au riesig spass gmacht obwohl i nur am secklä gsie bi

bis bald im Wald

euere waldhüpf-crew

[glingeling]

hehe allli zeme.....

findi mega das eui allne so gfalle het, mir au ganz besonders es isch wieder mal e mega schöni farbigi paty gsi und het mega gfeggt,...

au sufdtelle hetmer mega spass gmacht

churz und bündig de hammer


killa killa killer

[shako]

http://www.myspace.com/shakoaudio
Hier noch ein paar weitere Fotos viel spass dabei

[he]

besser spät als nie...

ganz großes dankeschön an die orgs und auch ein ganz großes dankeschön an die biermänner

die party war einfach super...einige dinge die mich anfangs störten habe ich schon wieder ganz vergessen und erinner mich nur noch ans schweben im regen, im mondschein und der wunderbaren warmen sonne..sowie den gemütlichen abschluss nachdem der sound auf einmal aus war...

ich könnte grad soviel schreiben und weiß gar nicht wo ich anfangen soll..und irgendwie denke ich schreib ich lieber nicht viel sonst schwebe ich nur in viel zu guten erinnerrungen ...mn soll doch immer nach vorne schauen

auf jedenfall n ganz großes danke schön und es wäre schön bei eurem nächsten mal wieder dabei sein zu dürfen...

ach ja wir haben etliche pics und videos..da mein inet aber nicht funst wird es wohl ewig dauern bis die mal online sind...aber dem geburtstagskind könnt ich auch ne cd brennen...

mfg

--der beste start ins frühjahr--

[bestia_climae]

salü zäme

ich muen säge, die party isch eu würkli glunge! dstimmig isch umwerfend gsi, ha so viel freud gseh u empfunde. ha nur schad gfunde, dass gwüssi lüüt s zstand bracht hend, mir en dämpfer ide luune zverpasse... aber mit mine schätzlis und dem super sound isch mis gmüet ganz schnell wieder ide wulke gsi. respekt a diejenige, wo a dere party u deren organisation aktiv mitgwirkt hend - deko isch recht herzig gsi =).
schade nur, isch de place bizzeli eng gsi - ha gern freiluft bim tanze. aber egal, isch chli und intim und schön gsi
dbar isch mir übrigens sehr sympa gsi - danke für die nicht wie üblich überteuerten preise!

edit: Leider isch no rächt viel klaut worde...isch chli schaad!!

han ghofft, dass mer so öpis nüm erlebe muess, aber ja... git halt überall idiote. weiss nöd, aber irgendwenn hets ma chli randale ide garderobe ghe, natürli gnau zu dem ziitpunkt woni s erschte ma det ufs wc bin... ha gfunde, dummi usrüef à la "schimpfwort über schimpfwort" passed nöd ane party, gnausowenig wie schlägis... naja, drüber weg luege, ufkläre und musig gnüsse

gnüssed de tag, au wenn dsunne nöd schiint!

[David Fraka]

heeey

wow der wind war kräftig und es tat gut die naturgewalten zu spüren. danke vielmal für diese turbulente outdoor party, hihi

bin zwar erst am morgen aufgetaucht, hatte jedoch mega spass mit pinch ein versus dj set zu spielen (es ist erst das zweite mal für uns!!). für allfällige sound differenzen hier und da möcht ich mich entschuldigen lol

wow, schön alle freaks wieder mal zu treffen, ihr seit die wahren helden & spassmacher dieser party happy birthday auch dir stephan, vielen herzlichen dank für das spontan booking (mit support von garfield).

auf ein baldiges
frakagreetz
david