mysticalforum

es wird winter , was mer au ohni schnee märkt...
rucksack mit klamotte und decke voll,
au wämer wükli früe ad party gat, isches doch scho dunkel,
de chai schmöckt eifach besser als im summer,
s füür wird en träffpunkt, zum sich wärme,
kuschle wird nomal schöner...

schöni party isches xi! und jedes zweite tuech mit pilzli . d überraschig, wo nur halb e überraschig xi isch, hät mi (fasch?) am meischte gfroit... aber au mini bündner-crew azträffe isch top xi *habeuchlieb*
de sound isch abgange , aber richtig
d location - perfekt. d hütte mitem cheminee isch (für de winter) eifach spitze und bi tagesliecht xet d umgäbig rächt magisch us... v. a., wo am morge d sunne cho isch, aber noni zu ois abegschune hät...
nögschtmal nimi chärzli mit

....eifach numme nu schööööö u perfekt gsii =) dankä, de geburii bliibt mr fürimmer im herzlii =) =) =) =)

wunderschön gsi...s hüttäli isch super gsi, s bärgbächli het früschs quellwasser gschprudlet, d wanderer hend churz üsi spärliche bewegige nachegmacht (am mittag ), en gueti stimmig, gnueg holz fürs fürli, de chai isch wunderbar verfänchusömlet gsi ( ) und musikalisch isch s ganze pallet vorhande gsi - vom evergreen bis chli darkig aghucht. de jack het mi vor mitternacht churz i jenschti morgepsy-erinnerige beamt, de shock, es heig ke rum isch nur vo churzer duur gsi (viele dank@spänderinne und spänder )...und de hets no e frau dit gha...mit rosarote short-söckli...beid eifach hammer

ich liebe so partys...

viele dank! (a wer au immer )

isch würklich a supper schöni herbst party gsii.. und den no so direkt vor der huustüra... ^^ der gelfling het sogar no mis lieblingslied gspillt... xD

Nu all die blööda Schierser Gööf sinmer uf da Keks ganga... wo nu ina cho sind us wunder und blööd umagmotzt hend... aber das problem hetma glaubs fascht überall, nu hetsmi es bitz persöhnlicher troffa, willma mit dena no zemma ufgwachsa isch und ma jeda einzelni kennt... der einzigsti störfaktor

ABER SUS: Schöni Party, recht guata sound, fridlichs volk, het alles ziemlich guat passt... xD

Kompliment..!

MFG