mysticalforum

sit ich serschtmal goa ghört han hani uf die party gwartet

wundervoll gsi

es grosses dankeschön voller liebi und... glückseeligkeit

die party war super klasse gsie chume weder mal

Was mich aber chlie gstört het isch das de shuttel am 2 nüme gfahre isch das isch ne so zehni gsie.
ich ha au na schad gfunde das es vip loge ge het isch ne jede mensch glich

aber die feine burger u pomfrits sie mega lecker sie
u die finnekertze hei au eifach passt u super stimmig


lg jinn

Mööörsi de Sound hani Hammer gfunde, het es paar so Momänt gä.

Dankeschööön no für de Burger No.1, de isch perfekt gsi - find i immer guet wenn mer was aständigs chan anner Party ässe... hend ihr supper gmacht.

ja, supergeili party gsi eigentlich! De Sound isch vo Afang bis Schluss suuper gsi, ganz andersch als suscht!

Leider isch d'Froid echli devo trüebt worde das einigne Lüüt d'Rucksäck usgruumt worde sind, mir au, hät Sennheise Chopfhörer drin gha und en mp3 Player,
die händ also gueti Büüti gmacht. Natürlich chame jetz säge, dasme sowas nöd eifach im Rucksack umelige lat, aber ich bin scho a sehr villne parties gsi und bisher isch das no nie nötig gsi. isch eifach nöd zum glaube, was für asoziali arschlöcher dases git wo a
sonere party ufd idee chömed anderi go bechlaue, echt bedenklich..

Falls irgendöper öpis über die Lüüt oder s'Diebesguet weiss, wäri sehr dankbar über es paar Infos. D'Lüüt wos gchlaut hend chönds mer au gern vebii bringe, sie müend mit kei negative konsequenze rechne.. hehe ( )

aber ebe party an sich isch de hammer gsi ! mehr davon bitte

jinn hat geschrieben: ich ha au na schad gfunde das es vip loge ge het

Wäg dr v.i.p. lounge im hüsli...
es isch nume dr eint tisch für d hälfer und orgs und djs reserviert gsi
am andere tisch hätte sich alli chönne ufheize

aber i persönlich muess jetzt ehrlich säge,dass temperature nid so frostig gsi si , wini mir das vorgstellt ha.

Oberhammer luxus isch natürlich s WC gsi s schönste WC woni je inere Waldhütte gseh ha

zur party.....

isch hammer gsi...
durchs Band dürre.
Merci de Organisatore und a alli wo a das schöne festli bigstüüret hei




@ thotem wäg dine sache... das passiert normalerwies a kenere andere goaparty, usser es het settig lüt ume wo s erst mol amene settige event si und nid wüsse dass sich das nid ghört.
das isch mir eigentlich schnäu mou ufgfalle,dasses es paar mitläufer ume gha het.....
gloube nid dass die lüt do inne agmäldet si und di text läse.... leider.

oh nei, so sache sind amel eifach schaad. mir isch zum glück nüt wegcho.

HERZLICHS DANKE SCHÖN a ali Helfer, Orgs, DJs und a alli wo so schön gstämpelet händ. E super party gsi wo definitiv wird in Erinnerig bliebe!

Ich hans vo A-Z s'zehni gfunde! Good vibrations!

auch von uns... herzliches dankeschön an alli
toller sound durchs band.
coole location
tolle deko und schöne neue bilder die ihr währenddessen gemacht habt
lecker chai
liebe leute (ausser dem der drinnen viel vor dem feuer war, solch undankbare menschen wie dich treffe ich selten an)

lieb von dir roger uns vor den shuttlefahrten mitgenommen zu haben

und ja die burger vom stephan haben lecker ausgesehen, hoffe die gibt's nächstes mal auch vegetarisch, damit wir auch in den genuss kommen könnten.

am morgen wollten wir rel. früh gehn weil wir schon müde beine hatten. irgendwie kam aber das shuttle nicht, was uns aber einen schöne wanderung ermöglichte.

wau, es hett unglaublich freud gmacht mit euch allne umezstämpfle zu dere super musig.. isch würklich vo afang bis schluss (nomol en höhepunkt..) de oberhammer gsi!

Infrastruktur isch super usprägt gsi, han zwar nüt gässe, die börger vom kolleg hend aber mjam mjam usgseh

han au numme positivi erinnerige an d partybsuecher.. wenns au 2-3 spezialiste drunter gha hett ( )

das mit de usgruumte rucksäck isch eifach total drnäbe! hoffe me verwütscht mol eine uf frischer tat, denn chamenen an baum fessle

und apropos foteli: wo gits die z bestuune?


Liebe gruess lorenz

War eine sehr coole party, mit durch und durch geilem sound
Mir hat ausserdem die deco sehr gut gefallen. drinnen. wie auch draussen.
Eine wirklich gelungene Party

e u huerre geili sach isches gsi. han scho lang nümm sone geili party erlebt.

und dmusig isch durchwegs hammer gsi.

gern wieder.

danke vielmal

het grockt! wunderbar organisiert, geniale platz, luschtigi zitgnosse.

thanks@psycharox!

und was wär d wält ohni s unagnähme: ha mini first flight cd verhüeneret. die het en spezielle wärt, da sie es gschänk gsi isch. git also en meh als agmässne finderlohn, falls die öper sötti freiwillig oder unfreiwillig ufgläse ha

bis irgendwenn...irgendwo...irgendwarum...

au ich cha nume in höchschte töön vo dere party brichte, i has eifach super gfunde
D Dekoration, wo live vor mine auge entstande isch isch mega geil gsi Au die 3 ritene sind mol was anders gsi , dr sound richtig triibend vor allem am 2.00 ^^ aber au wo s hell worde isch und me sich mol het chöne a luege bim shake . Het spass gmacht sich mol wieder mit em eint oder andere z unterhalte.
Vom esse hani gar nüt mitbecho-.. ha aber au nid sone rieesige hunger gha, dr chai het mer eigentlich glengt
Dr VIP berreich isch mer scho ganz am afang ufgfalle, bi aber nie ihne gange weli eigentlich immer warm gha ha vm shake.
So geg die 12i am Mittag hani mi den langsam chöne vom dancefloor und de shakende lüüt trenne und bi dem a gnehm mit em shuttle zum bahnhof niederbipp logiert worde..

Vo A-Z eifach nur geil gsi..
me seht sich
peace

Hey isch voll geil gsi!
Bin scho lang nüm anere Party mit so gueter stimmig und geilem sound gsi
danke

jupii super party gsiih, sehr fein kuuhli sehr nätti loschtigi lüütlis, kuhli omgäbig ( spielplatz juuhu )
schööni finnecherze, gueti verpflegig.
am morge leider chli progi aber s het vo de lüüt här so guet passt das mi das ned gstört het
super erennerig!

... FANTASTICO!!!