So. Ich han zerscht alli Biiträg gläse und wonis nötig gfunde han miin Sänf dezue geh.
Was ich zur Party säge wett: Ich danke mal zerscht suuuper fett em Oli, wo Frücht verteilt het und so miini Fründin doch no zu öppis und de no gsundem Ässe cho isch und au ich ha devo gnosse. Danke!
Es fetts danke säg ich au em Sascha, de Acidfloor wider a dere Party dörfe z'mache, ja da läb ich i dere Ziit immer echli besser und meh als schuscht, wenn ich so en Acidfloor plane, verwürkliche und mache chan. Und wenn's denn au no Lüüt drunter hed wo's gfallt und die denn das au no uusdrücke chönnd, jan denn lohnt sich's dopplet und drüüfach! Also Danke!
Es fetts danke zerscht a'd Iguanaloco Crew wo die suuuuuperduuuuper und belüchteti Deko au dasmal im Acidfloor gratis in Fronarbeit gmacht hed. Supercoool, de Oberhammer, Danke euch. Danke!
Au es fetts Danke allne DJ's und au Live Act's vom Acidfloor, wo alli gratis gspillt hend. Sälbscht de Live Act us Düütschland Nürnberg isch gratis cho und de Fabian het wider mald'Mässlatte mit siim acid Live-Act chli höcher gleit. Danke.
Und denn natürlich danke em suuper Publikum, wo das au no schätzt.
So.
s'Positive hani zerscht gseit.
Schad hani gfunde, das mich, eus und letschtlich euch euse uursprünglich Sound und Liechtlieferant im Stich gla het. De Acidfloor het schuscht echli anderscht uusgseeh und es bessers und anders Sound- und Visualsyschtem und -konzept gha.
Und au schad hani gfunde, das mich, eus und euch letschtlich 3 DJ's und 1 Live Act sitze glah hend, drü us Bequemlichkeit und eine us me Notfall. Ja ime Notfall chamer nüüt mache, die andere sind halt chli Trööötene, gäll! Und das mit de Bequemlichkeit: Mer mues ja ned cho go spille, aber wemmer ja gseit het, sött mer scho erschiine oder sich schuscht mindeschtens abmälde, find ich, schuscht isch chli schwachhalb. @ThommyNicolaMax, aber d'Wält isch halt noni perfekt, mues mer no chli dra schaffe, und's Mami wo alles für eim macht, de herti Verluscht, mues mer halt als Bueb und möchtegern Maa im Läbe scho no überwinmde, s'gilt also au für die inneri Wält, gäll! sic! Mami ade macht em Büebli weeh.
Ja und au da wett ich no es fetts danke doch no iiiischtreue, nämlich das de Meier gliich no gsecklet isch und de Acidfloor doch no möglich gmacht het, und au, dass d'Visuals doch au no gmacht worde sind. Danke vill mal. Und für das, das mier erscht am 8i zaabig aagfange hend uufstelle und de Acidfloor freestyle voll oldschool goamässig usem Hosesack zauberet hend, isch glaub ned schlächt gsi. Und au das mer guet ca. 2 1/2 Stund ohni Turntables gsi sind und das hend chönne überbrücke isch au cool gsi, find ich.
Uf jedefall hend alli Beteiligte sicher s'Beschte drus gmacht.
Also allne Beteiligte es fetts danke, Danke!
Und de Rescht, ich glaub da muess mer ned vill dezue säge, isch eifach super gsi, und nomal es fetts Danke a alli andere Beteiligte (und em Eric Bohland danke für's Füüüre)
Aciiiiiiiiieeeeeeed will never die!
Super party gsi
Danke Sacha für's Organisiere.
PS: Ach was Mittelmässigkeit des Sounds, (also gut, auf dem Mainfloor hats einfach nie richtig getzwitscheret weil der Sascha und ich nichts richtig Sääägezaaahniges produziert haben), aber sonst war der Sound, jedenfalls das, was ich gehört habe, einfach nur voll porno.