mysticalforum

Han bis jezt no nix gse über die party und han denkt das munnmer doch mol erwäne!

Zerschemol es riiise dankeschön a alli lüt wos organisiert hend, a d'dj und an alli lüt wo cho sind!
Isch eifach widermol e superschöni party gsi! hettis mer ned schönner könne vorstelle!
Mit de itrittsbendel, oder klüpperli. gratis zaubertrank im ganze wald kerzli.
ganz viel füür, riisigi wunderschöni bäum. und eifach supper leuts!

glob en bessere start is neue johr könnti mer ned vorstelle!

DANKE! hoffenlich bis negschtes jahr.
falls no öppert s paar fotis het wer das au mega schön.

peace and love mit de erdmännli

Au eus häts super gfalle....merci vielmals für de tolli start is neue jahr.....
liebi grüess

WoW

Es isch es wunderbars Fäscht gsi, danke a all Hälfer, Gäscht, es grosses danke schön an Förschter und a de zauberhafte Platz!!

Ich hoff eu hets Konzept mit sowenig Elektronischemliecht wie möglich gfalle und iher hend eu chöne am Zaubertrank stärke obwohl er chli verspätig gha het.

E sonne sphärischi Stimmig hani scho lang nüm erläbt! Hät öper e paar Fottos gmacht vom Hügel us? Hans probiert aber nid so richtig ane becho.. da es so viel Näbel gha het

en leibe gruess und wünsch allne en guet start is neue Jahr!!

isch de hammer gsie so e silvester z feiern merci a org

Huhu

Ja äs isch wunderschön gsi!!! Wi scho vor 5 oder 6 jahr mal, ke ahnig obs die glich org. gsi isch, aber dä platz isch eifach zu edel^^ Danke all däne super peoples und allne wos möglech gmacht hei!!!

I ha i mirä geischtigä umnachtig mini Tatanka Thermosfläsche (woni ersch grad kauft ha) la ligä evtl hettsä ja öpper gfunde? würdmi uf jedefall freue se zrügz'bercho und falls nid, hett sicher öpper fröid dran...

Bis zum nächste mal - würdmi uf jedefall sehr freue!

äs schöns neus Jahr allne! Peacli