Ha nonie so es schöns Fäscht däffe oganisiere und so uf d Untertützig vom ganze Team chöne zelle wie am Balztanz!!
Mier händ das supper gmeischteret und dä zämmehalt i eusere Truppe, isch usschlaggebend gsi, dass es so schön worde isch!!!
Mier pöperlet jetzt nos Härz wenn i zurg dänk, a das wünderschöne Fäscht.
DANKÄ
Liebi Gäscht, ier sind au supper gsi, glücklich, ökologisch!!, suber und unnermüedlich...
S einzig was mich chli gstört het sind die viele öffentliche "Wöschpullver Schnüffler.." (danke Döme für dä Usdruck) oder vilicht sind mier die au nur so is Aug gstoche, will alli andere sich dra ghalte hend.. hoff sisch zweite
Aber ebbe, s positive het alles überdekt und das sind nid nur die wenige Ziggistummel gsi, wo am Sunntig morge am 6i uf em Dancefloor umegläge sind.
Au Abfall häts fascht kei umeligge gha und bi dä Trännstatione isch au „s'meischte“
im richtige Sack entsorgt worde.Au es Lob a eu!!
Fazit:
Solibeitrag fürs Solar-Projekt:
Mier chönd dank eure zahlriche Solibiträg ca. 1'500 - 2'000 Franke is Projekt investiere!
Recycling:
Mier händ us allne Apfalseck (ca. 35), 5 110liter Apfalsäck chöne mache, dä rescht hämmer recycled.
Vögelkonzert am Morge:
Ich ha gfunde das es guet a cho isch und au alli die Pause akzeptiert hend, was sind eui Idrück vo dä Pause und chönder eu so öpis wiedermal vorstelle?
Strom für s Fäscht:
Dä Strom fürs ganzi Fäscht isch, dank dem Supper Wätter, alles vo dä Solaralag vom Huus näbed dra cho!
Liebi Grües Zlab
PS: Bi gspannt uf euri Feedbacks, Erfahrige, Idrück und Föteli/Film vom Balztanz 2011!
