10.03.07 Psychedelischi Kläng im Winterwald

[strigor]

het mir gfalle, die nacht ä würkli schöni deko, einigi bekannti gsichter u dr liveact vom malix het mir sehr gfalle. ä ächte alleinunterhalter isch dä maa

am afang vor party isch mir dr sound chli zgängig u zdüdelig gsi, aber irgendwie ha ig das nach monate vo darkkonsum sogar no gäbig gfunde. wo dr sound nach em malix sogar chli dunkler isch worde, ha ig richtig freud a dere party übercho! vile dank für die gmüetlichi nacht

[biberfreund]

Fotos statt Worte...
http://www.dideldum.ch

Die Party hat auch Midimal gefallen..

[PsYch0m0n]

Isch würklech e schöni Party gsi! Einzige minuspunkt vo mire Site isch, dass der Sound nach sunneufgang geng no chli düster isch gsi...

[Waldfrieden]

also ech hans andersch geil gfonde....

bsonders esch mer die super stimmig inecho. miner meinig no han ech sälte en party erläbt wo alle so freidlich und guet glunt druf gsi send. hans au hammer gfonde das es am mettag ome no zemli vell lüt gha hed und emmer no en super stemmig gsi esch...

no en ganz en härzliche dank ad organisatore: esch wirklich traumhaft gsi, von a bis z...

[edoArdo]

also mer eschs eifach chli z'kalt gsi aber geili deko, cooli lüt und en geniali stemmig! de malix het wörkli andersch grockt, ganz geil!! thx thx

[*glühwurm*]

chan mich de biträg nur a schliese.
esch wörkli en super schöni party gsi!
und das schmale wägli met cherzeliecht, wo dr wald z'deruf gange isch hender dr füürstell... wow!
ben mech paar mal dert ue go vergnüege... mega schöns panorama öbere wald und party...

was mech vom dancefloor chli wäg glockt het send die velle lüt gsi...
aber wie gseit schüsch es super gsi!

witer so und MERCI.

[Toertsch]

En wonderbari Nacht ond en traumhafte Sonntig.. Merci ond es grosses Lob för die genial Party

Schad hets am Mittag ergendeinisch kei Chai me gha

[Alephdesign]

Isch en Feine Frühlings Anfang für mich gsii, merci für de Dunkli sound im Morgegraue, ihr händ i dem Moment genau min Geschmack troffe Mann merkt wie sich der Sound langsam ändert, das wird ein Super Sommer wenn das so weiter geht! Und die anwesenden Mitmenschen waren angenehme mit Begleiter auf der Reise, speziell jene Person die mich nach meinem Inhalt fragte, aber von der ich nie Ihren Ehrenwerter Name erfahren konnte Vileicht führt einem das Schicksal wieder mal zusammen. Welcome to Spring! Love&Light David

[strigor]

jep aleph...ich denke auch, dass die zeiten, an denenen unsere geliebten dunklen klänge an partys gesucht werden mussten, nun entgültig vorbei sind! wenn jetzt dark gespielt wird, bleiben die leute nicht mehr stehen, sondern tanzen mit und haben freude! so soll es sein! psychedelic power für alle

[tinu the PsySchlumpf]

Es riese Komplimänt a d'Nase vo de Organisatore ... für mi isch das bis jetz ganz klar die schönsti party vo däm jahr gsi!
Bi immer no ganz sprachlos... da gits nüt zum kritisiere, het eifach alles passt!

[Midimal]

Fotos statt Worte...
http://www.dideldum.ch

Die Party hat auch Midimal gefallen..

Nun ja...was soll ich in diesem Falle noch sagen... hehe....Danke für die super Party. Die friedlichen Menschen, die auch noch bis am Morgen getanzt haben...inkl den beiden hübschen Frauen...

[strigor]

hey tinu...heschs i dämfall doch de mol einisch no gschafft, dis füdi vom füür zum floor ufe zbewege?

[gnömli]

jaja dr tinu wo mi immer uslachet und seit i sig es weich ei, höcklet säuber schlotternd am füürli

blub blub herr burger king

[tinu the PsySchlumpf]

Auso hey momänt mau, I ha sicher nid gschlotteret. Es git mehreri Weicheier wo das chöi bezüge!

[greenhope]

ich han do öber gseh filmä im zauberwäldli und fänds mega cool... wenn mir öber das film matrial wür schickä oder villicht än link.... grüässli und guäti wuchä.... bis irgendwann im nirgendwo