Psycho Tunes (Outdoor)

[Electro Static]

Merci Steve&Crew

Für di geil Party,Location,food dä ober Hammer
(Roter Curry) lecker....lecker.
Ja Sound System sooo e Sach für sich.
Soundmässig ok.
Gah jetz zu Bett und next week Party Marthalen.......



[/b]

[dalamascus]

ja schlüss mich dem ah...

hans schön gfunde... und dLocation isch de hammer gsie...
schaad das soo chalt gsie isch und dHeizig im Zelt usgfalle isch...

abr miir hend euses fescht gha... Electrostatic isch voll abgange und het dBoxe so richtig knatere lah... die letschte 2 lieder vom GOE sind au anderxcht geil gsie kennt die öper..?

[buenas]

Sehr schöni Location und de Sound isch au ganz easy gsi.

Vor allem das mer uf de wiise chli wiiter obe Pilzli gfunde het isch ganz lässig gsi

[dalamascus]

was fünigi hesch dene gfunde..??

will han au gfunde und zwar gad wemer dete dur das toor uf dweid gloffe isch es bizeli de hang druf uf de rechte siit hets es paar gha..

abr hans stah lah für die next party...

[Tamjee]

danke veeel mol för die schöön party!
esch en sehr wunderbari location gsi, traumhaft. d lüüt send all easy gsi und de sound hetmer au guet gfalle (vorallem am morge )

hoffe er mached weder emol party
gruess
beni

*edit: chamer echt öperd sege wie de dj nachem om gnom ufgleit het heisst? merci

[Jonas]

riiiiiiiiiha geniali party wunderschööne platz u wunderbare sound yeeeea gnos *g* party party ds dj set vom gnos im aaschluss an live act natüterli au schlichtweg umwerfend und zum saufen aaregend sege nume: you make me wanna drink more! riiiha

natüterli sind au die angere dj's tip top gsi extrem gfalle hetmer de sound recht am aafang vor party so richti düüüüstere pröggi? bööö het emel sowas gha *g* eine und eini hei ufgleit gha schlichtweg killer.

denne de renato mit ööhm kei ahnig wie dise heisst tschuuuldigung hei au absolute killersound bracht

selte son tolls lineup ghört

grüessli
ds fuseli

[psygnosis/mindsurfer]

*edit: chamer echt öperd sege wie de dj nachem om gnom ufgleit het heisst? merci

hoi ja das wär ich gsi (psygnosis)... also ha zerscht 1stund live gmacht und denn no chli ufgleid... mier heds also meeega spass gmacht. sind uh liebi lüüt ume gsi. eifach super vibes!

@jonas... hihi. make me wanna drink more... ha aber wirkli durscht gha.. zum glück hed mer de d fabi bi dem stuck grad es bierli bracht.

möcht mi a dere stell au nomal bedanke fürs booking. mier heds also scho lang nüm so spass gmacht.. d location isch eifach traumhaft gsi. und alles toll organisiert. mit de kälti isch es au no gange... dank dene viele glüehwii und "erdbeeri-tee-schnaps" also besser gseid eher schnaps mit tee. hends wirkli guet gmeint mit de mischige. HEHE.

vo de djs/livesets her bini au voll z friede. geili sach gsi. hed irgendwie alles chli gha. de liveact vom goe hed mer au guet gfalle. sehr suuber gmacht alles. schön dass de tsyer au no cho isch... das isch en schöne usklang gsi!

jo denn freu ich mich doch sicher uf psychotunes VII.

liebe gruess

psygnosis

[Waldfrieden]

ja, au mier heds super guet gfalle.. hammer location und natürlich hufe bekannti gsicher.


esch wie mer sech das vom steven gwöhnt esch top organisiert gsi... härzliche dank!

und de wo met em renato ufgelid hed esch de steven gse, er esch de organisator gse

die ander am afang esch d maus gsi...

[buenas]

was fünigi hesch dene gfunde..??

Paar wenigi SKKK und en Baby Amanita Muscaria

[Psymush]

Danke a alli die nette Rückmäldige, freut mich das es euch Spass gmacht het. Isch für mich au e super Party gsi, cooli Lüüt und geile Sound.

Wet a dere Stell no einisch allne Helfer für ihre Super Isatz Danke. Merci vilmol. Het wieder alles wie am Schnürli Klappet.

Au allne Dj's und Live-Acts Danke fürs Sounde isch echt Spitze gsi.

Werde nächscht Johr sicher wieder öpis chlises uf bei Stelle, denn mit somene Team machts echt Spass organisiere.

Freue mich scho uf die nächscht Psycho Tunes.

Danke a alli und bis zum nächschte Mol

Gruess
Steven

[Psymush]

Ah ja für alli wo no es paar Pics vo de Party gseh wend gönd mol uf Dideldum.ch det findeter es paar schöni Idrück...

[Tamjee]

sehr schöni fötteli, do chuntmer grad weder is schwermä vo dem schöne panorama

[petit.papillon]

sehr schöni fötteli, do chuntmer grad weder is schwermä vo dem schöne panorama

merci

[dalamascus]

uh schööni fötelii... danke für de blackflash...

[aradis]

traumhaft xii