mysticalforum

Danke viel mal a alli organisatore,dass ihr die ganzi wuche schnee
gschufflet händ
I glaub dä Ufwand hät sich glohnt
Isch mega schön gsi ä Hammer Location zmitzt im verschneite Land
Hätt sich glohnt dä wiiti wäg usäm Thurgau a die Party.....
Hmm seinzige wo mir nid so bässlät hät isch dä Sound gsi,
vo mir us hetts na chli me chöne,schübelä (aber jedem das seine)
Has trozdem mega friedlich gha,isch mega chillig gsi a däm warme füür,
wo die ganzi chalti Nacht für üs brännt hät und üs gwärmt hät
Schön hanis a gfundä,das mega gmüätlichi Lüütlis gha hät,

Bis gli mal wieder im tüüüffä tüüüfffääää Schnee

Grüäässli und namal äs merci

hallo ihr liebe!

merci merci merci... d party isch eifach de hammer und wunderschön gsi!

scho womer usem shuttle-auto gstige sind, häts mi schier hine use grüert... en prächtige sternehimmel.. türm vo schnee.. bestäubti tanne.. das alles hät wie imene märliland uusgseh.. scho det hämmer di erschte coole lüüt trofffe, wo eusi begeisterig teilt händ, und so hät mer ufem wäg zur party immer wider es "hey nei, sooo geil!", "das isch ja zum hüüle schön!" oder es "juhuuuu, ich freu mi ja soooo!" ghört..

dänn dur de gspacti tunnel... und dänn bini zersch mal sprachlos gsi..
...
...
eifach wunderschön, wie ihr das plätzli gstaltet händ.. wänd us schnee.. fänschterli mit cherzli drin.. gmüetlichi sitznischene.. und es wärmends füür, wo alli zämebracht hät.
d mänsche sind so offe gsi, wienichs meega sälte a parties erläbe... usnahmslos all sind fridlich und miteme offene gsicht ums füür gsässe oder händ uf de tanzflächi ihri freud versprüet... es isch e wahri augeweid gsi, eu allne zuezluege.

musikalisch... wowowow... crazy goblin isch mini neuschti entdeckig...ändlich widermal en musiker wo liideschaft und gfühl uusdruckt... ich bin amel schier verreckt... gottseidank isches ab und zue zu stromusfäll cho, ich glaub susch hetti mi uufglöst... und wer weiss, ob mini atom zu mir zrugggfunde hettet, oder sich nöd eifach mit dem fantastische sternehimmel über eus verbunde hettet?
au susch vo de musig her... dunkel und meistens psychedelisch und geil...und danke am psythai für das schöne set am morge und di geile tänzli hinderem dj-pult... da isch d sunne gad zweifach uufgange..

nachdem d party gändet hät, hämmer eus entschide zum nächste ort z laufe... öppe zwei stund simmer dur de schnee und e bezauberndi landschaft gwanderet.. und am namitag völlig erschöpft aber glücklich is bett gheit.

danke a alli, wo die wunderschön party ermöglicht händ.
merci a diejenige, wo tagelang schnee gschippet händ...
merci für alli offene herze und für die ville lächelnde gsichter.
die party wird mer no lang in erinnerig bliibe.

liebi für eu all
andrea

Gits PartyPics??

esch en hammer party gsii
danke vellmol dass i han dörfe cho musig mache
ond au danke vör die riise müe wo wo ier euch gmacht hend vör die hammer geill location
esch meega schön gsii!!!

Danke viiilmol de Organisatore für de ganzi Ufwand für die wunderschön Party!

I han die Party so chönne gnüüsse. Eifach nur traumhaft gsi
Die Schneemure womer ned dröber gseht, de klari Sternehemmel und all die schneebedeckte Tanne.

Esch för mech en Party gsi wo no sehr lang werd in Erennerig blibe


Gruess Beni

ja sehr sehr geil ischs gsi

de platz isch de oberhammer gsi. ha wohl no nie a somne spezielle platz e party erlebt. rundum die über 2 meter höche schneewänd. sisch wie en iispalast gsi vo enre andere welt. es isch mer teilwiis huerre krass igfahre, a dem ort zsii

dlüüt händ au gstumme. alles friedlichi lüüt. es isch würkli mega familliär gsi, vor allem ums füür. und da das ganze so chli gsi isch, ischmer igendwie immer zäme gsi. es isch au teils mega abgange und all händ mega mitenand tanzt. das gfühl wo so ufcho isch, isch huerre geil gsi und ich ha das scho mega lang nümm erlebt. es isch es richtigs mitenand tanze gsi.. .jede schritt hat det müsse sii, wo er gsi isch und es so gsi, als würemer gmeinsam es neus wese bilde, wo sich bewegt... und mir sind deinzelteili gsi.

dmusig hatmer immer guet gfalle. nöd ei einzigsmal bini vo ihre glangwiilt gsi oder shät mi agschisse... und das chunnt be mir eigentlich nie vor.

crazy goblin hat mer guet gfalle... dunkli mystischi musig, wo doch no rueh din hät.

de chico wo nacher glaubs ufgleit hät, hatme au guet gfalle. voll wahnsinnigi musig, absolut völlig überegheit. en perfekte usdruck für de entarteti, entfernti teil vo eusre ziit... für de absoluti wahnsinn wo teilwiis herrscht... dafür, wie dmensche teilwiis uhuerre chrank sind und eifach völlig gströörti und perversi sache mached.. und vor allem usdruck für die digitalisierte welt fern vo jeglicher natur und gsundheit. es hat mi volll verschuubet und isch huerre abgange. ich bi mega is studiere cho während dem set und am schluss hani als fazit vo minre studiersession eifach nur no "scheisse" chönne säge. i dem moment isch eifach scheisse gsi.... was aber guet so gsi isch.

dann vibracoustic hat so geil wiitergmacht. ich bi no wiiter i mim fazit , also de scheisse, am hänge gsi und das isch recht abgange. dann irgendwann isch es uuuhuerre andersch geils lied cho, mit tön, wie ich sie no nie ghört han. das hat mi razeputz wieder us de scheisse usegholt und vo det a bini wieder wie greinigt gsi in mir. de einti ton isch so gsi wie en riise wassertropfe wo is wassergheit... ihr händs uf jede fall andersch druf... eues set isch regelrecht e digitali attacke gsi und hat mich völlig verzwirbelt und teils wegblase. ich has teils echt nümm gseh so krass ischs gsi.

det isch für mich de musikalischi höhepunkt gsi und dparty isch wie in 2. teil übergange fü mich. drum bini dann au weg vol dancefloor mal chli go hocke und laufe.

dann de tsunamix hatmer au guet gfalle. ich ha mini freud chönne uslebe und geil eis im züüg ume hüpfe.

de psythai hatmer dann au guet gfalle zum abschluss... geile siech!! extrem gueti vibes gönd vo dir us... dmusig hatme au zuegseit und isch en guete usklang gsi für die party

und mit de wanderig am schluss isch das eifach wiedermal es abokalyptisch geils wucheend gsi

danke viel mal für die party und dass ihr so viel schnee gschufflet und eus es erlebnis a somne wunderschöne und abgspacte ort ermöglicht händ.

danke

gruess oli

wow...

echt genial gsi. scho lang nöm so vell schnee gseh uf eim fleck, muess en rechti leischtig gsi si
de platz frei zschufel, grosses dankeschön ad organisation, schön das er die location gwählt hend

s wätter esch au super gsi perfekte sternehemmel ond wemmer bim usgan links im wägli entlang ufe gloffe esch hed mer en geniali ussecht gha!

d lüüt send au all super guet droffe gsi, wie scho gseit worde esch ond de sound hed au mer dorchgehend passt!

i freu mi scho uf d fotis

hoi zäme
erschtens mol dange vielmol für das positivi echo uf mis set! . voll geil!!
zweitens , merci peach und dia ganz crew wo so ä geili party ermöäglicht hät!!!!
und dritens, hei chico cooli nacht gsi!! ! (im warschte sinn des wortes!!!)
greets jp

hed ergend öpper föteli gmacht ???

Gibe au nochli verspötet mini Iidröck ab:

Womer mitem Bus vo Einsedle rechtig Oberiberg gfahre sind, hetti nie denkt dases sooo vell Schnee chönnt ha. Ben nach de Shuttle-Fahrt aber de Überrascht worde! Berge us Schnee, en geniale Sternehemmel, und au de Platz selber isch super-schön gsi. Chum semmer dete gsi het au de Crazy Goblin scho afo sounde, isch genial gsi. De Sound hetmer allgemein emmer sehr guet passt, aber s füür esch ebe au schöön gmüetlech gsi D Reihefolg vode Acts weisi nömme so gnau, aber de Psythai am morge esch au super gsi. Alles in allem en grossartigi Party, merci vell mol ad Organisation fürs Schneeschufle, Materialschleppe undundund...

Crazy Goblin / T.P.S hat geschrieben:hed ergend öpper föteli gmacht ???

I hans emele es paar mol gseh Blitze, irgendöpper het glaubs scho es paar Fotis gmacht.

Crazy Goblin / T.P.S hat geschrieben:hed ergend öpper föteli gmacht ???

han alli föteler für d NARNIA buecht i dere nacht

sorry

petit.papillon hat geschrieben:

Crazy Goblin / T.P.S hat geschrieben:hed ergend öpper föteli gmacht ???

han alli föteler für d NARNIA buecht i dere nacht

sorry

the poWer of dideldum & seltsam

Hallo mitenand
merci vill mal für die nettä feedbacks hät us au mega spass gmacht...wäg de föteli ja ich han es paari gmacht wer lust hät die überzcho sölmer ufs mail schribe vo dem woni dinfos usegschickt han........ also wünsche allne en gueti ziit und villicht bis zum nächste mal............j-e-r-o-n-i-m-ooooooooooooooo

isch echt hammer gsi
danke allne wo trotzt de chelti de weg gfunde hend
hoffe doch schwer de tsunamix macht neggts johr dsnow expirience 2
also mini schufelhilf hetsch definitiv wida

aber he dföteli chöntsch aso langsam schoma uf din pc tue im summer bruchi de au kei winterstimmig me

schöne tag na allne