Das Synthesizermuseum isch nid wie de link us Dütschland sondern ide Schwiiz, in Luterbach bi Solothurn Chani jedem Synth-Freak nur empfehle det mau go inezluege! Alli Synths chame spile und nach absprache chame au samples ufnäh!
Da no mini Lieblings Synth-Site. Det isch JEDE Synth druf, au Virtuelli, inkl. Links zu Manuals, Editore etc):
ja da hats anschiinend sogar no me synths als uf de sequencer siite...
übrigens geili CD @ supercell. s'erschte lied hat eus no stunde nachem lose gnadelos verfolgt, aso dmelodie.... d'cd hat echt hammer lieder druf. genau so musig fählt no igendwie....
haschder jetz en nordlead 3 zueta? aso hasch ja igendwo uf swisspsy so was gschriebe?
So han jetzt der jp8000 bi mer deheim.
Mues säge esch es absolut geils teil !
me cha so übli Tön mache und so fetti Bäss !
Het huere viel Funktione drum... Aleitig studiere
Greez Scooti
Ps: man sieht sich an der Son ET Lumiére
Zuletzt geändert von Scooti am Mo 24. Sep 2007, 15:55, insgesamt 1-mal geändert.
Dankeschöön Kollegoli! Das freut mich
Ja i han mer jetzt en Nordlead 3 zuetoh, er isch zwar noni acho, schiins hends liferschwirigkeite und bald getz äuä no en neue Synth
Und i ha immer no en Yamaha CS1X zum verchaufe falls wer interesse het:
so de neusti stand: de olio chauft sich wahrschiinlich en radias...
und no was wasi will loswerde:
kenneder de zebralette (software)? de eint vo de synthis wo glaub im keys debii sind.
aso de isch andersch extreeeem geil. würkli. aso wenneren nonie benutzt händ geschweigedenn ihn nöd besitzed, dann renned und triibend ihn eu uf. er isch zwar nöd für alles guet, aso ich glaube so leadmässig taugter nöd würkli.... aber wenn ums düdls gaaht.... aaaaaahhh (götliche choor vorstelle) aaahhh, dann weissi aso au nümm.... de klang vo dem isch soooo sanft und so schön fiin blubberig und uhuerer düdlig. han letschtin fascht nümm chönne. vor allem ischer richtig was anders als anderi synths. de isch würkli e beriicherig für fascht jede musigmensch und glaub de chamer nöd duren andere ersetze. und ersch no ganz offiziell "gratis", halt im heftli debii.
igendwie schiined mega viel de z3ta zbenutze... aso ich han ihn nöd, aber so wasi gseh han, isch de ja voll nöd würkli geil, odder? aso de hat eifach viel presets wo e taste drucksch und dann tönsch wie en israeli, aber viel meh chasch doch demit au nöd mache, bzw, du chasch nöd viel selber mache, odder hani da was überseh???
de z3ta häts schono in sich...isch eifach ned so eifach ersichtlich wie be andere synths. muesch mal biz umebastle mitem, wennen hesch, oder mal be öperem gsehsch.....
ja eh chrismos, wennen mal id finger überchum dann duni mal luege, was denn de so tuet...
mitem zebralette isches au nöd immer eifach was gschiids zmache, er isch ebe au zimli speziell. hat keis normals filter so wie be andere synths. aber chasch no igendwelchi ander spezielleri effekt mache, woni susch nonie gseh han.... sspzielle a dem seg, dasser en additive und nöd en subtraktive, so wie die meischte andere, synthie isch. es wür die anderi, klareri, fiineri und schmaleri art vo sim klang erchläre.
soooo de oli hat sich jetz en korg radias zuetah und chunnt deswege öpe 9849587984 mal am tag.... es uuuuhuerrrreee geils teil, tönt mega satt und chasch uuuuhuerre viel demit mache..... aso wenn sich öper en synthi idere priisklass zuetue will, dann söller sich de unbedingt mal gnauer aluege.
ja er isch uuhuerre geil!!! ebe be mir herrscht desweg momentan nonstop euphorie!
aso wenn de ms2000 kennsch, dann chaschder de vorstelle, eifach mit besserem klang , meh funktione und 4 timbres. aso ich kenn de ms2000 nöd guet, aber de radias tönt düütlich anderscht und nomal e rundi satter.
aso ha bis jetz ein bass gmacht, de isch uf ahiib voll fett worde und so richtig schön druckend, so wie ichs vorher no nie ghört han. dann hani en pad gmacht, das gaht au huerre guet und du chasch zuesätzlich no die viele modulationsmöglichkeite verwende wos ja hat, wo dann das ganze andersch abgspacet mached und du demit eigetlich völlig frei bisch und neuartigi, no nie ghörti kläng mache chasch. dann hani en düdl gmacht, de isch au andersch geil worde, und das au uf ahiib. schön "gleitend" und schwingend, so richtig.... aaaaaaaahhhhhhh.
aso das ding laht sich eifach mega geil bediene und die grundlegende sache wie ebe bäss, pads, düdls und leads lönd sich fasozäge uf ahiib voll geil mache. und du chasch demit halt voll umeexperimentiere und glaub so praktisch alles vorstellbare demit mache. zuesätzlich ischer ja au en vocoder und drumcompi, aber das hani nonid agluegt.
de klang vo dem teil isch mega geil ; schön satt, wennd wilsch meeega glitzernd (z.b. mit filterresonanz-modulation) oder windig..... usw.......
s'filter tönt au voll geil...
ja ebe, ich bi uf jede fall voll begeischtert und wennders eh scho am überlege bisch, dann nimm ihn, ich glaub nöd dass das en chauf isch, wo mer bereue chan.
ja zebralette kenni au.. bruchne aber nid viel. es gid en huufe gueti freeware vsts.. allgemein hesch mit vst genauso grossi möglichkeite, aber en hardware synth tönt besser, brucht weniger zusätzlichi plugins, um de sound fett z mache und d bedienig isch halt au ganz andersch. natürli chasch au es guets masterkeyboard kaufe... ala novations.. ich selber liebäugle au chli mit em radias... zumal ich de ms2000 recht guet kenne.. das wär scho interessant. muss de glaub mal go probe lose irgendwo
aso ich kenn ehrlichgseit kein würkli guete freeware synthi. aso scho gueti sofware synthi, wie vanguard, pro-53 und co. aber freeware? welle dann z.b.? aso ich find de zebralette durchuus so guet wie en vaguard oder en albino oder soo... aso ich wür jetz mal nöd behaupte das genau so viel chasch mache, aber ich find er tönt richtig igstellt scho fascht besser. ebe, es isch aber nöd ganz so eifach en geile ton zmache wie miteme vanguard, aber defür chunsch spezielleri tön über. de hat eifach en spezielle charakter und tönt wie kein andere - ob das jetz positiv oder negativ aluegsch sei dir überlah.
crystal
cygnus
free alpha
karma fx
Voltkitchen MinimogueVA
Plugsound Free
Triangle II ------> I love it!!
es gids viel z viel....
zwiffelsfrii hend synths wie pro53 oder vanguard en deftigere klang, aber mit chli umeschruube holsch au useme freeware viel use. wenn nid freeware denn sind mini favorite: albino, absynth, atmosphere, pro53, z3ta, blue und natürli alli korg's, vanguard, discovery2 (fett!)
psygnosis hat geschrieben:für mich gueti freeware:
crystal
cygnus
free alpha
karma fx
Voltkitchen MinimogueVA
Plugsound Free
Triangle II ------> I love it!!
es gids viel z viel....
zwiffelsfrii hend synths wie pro53 oder vanguard en deftigere klang, aber mit chli umeschruube holsch au useme freeware viel use. wenn nid freeware denn sind mini favorite: albino, absynth, atmosphere, pro53, z3ta, blue und natürli alli korg's, vanguard, discovery2 (fett!)
jou jou, cygnus findi absolut mega fuer efx und 1/2 flaeche, triangle. Betreffend z3ta, ma muess scho mit hm bitz spiele, aber de machts aube spass mit dem, zebralette gfaellt mer persoenlich net so guet. Hardware maessig benutzi Nordlead & Microkorg, aber kas mom net benutze, muess mir no es paar elektronische aenderige mache loh hiers mexico (Transe, frequenzU?) Falls jemand merh elektronisch bewandert esch bitte per PM tipps gaeh, mosli......
Chani jedem Synth-Freak nur empfehle det mau go inezluege! 
Alli Synths chame spile und nach absprache chame au samples ufnäh! 
und bald getz äuä no en neue Synth 
