kollegoli - hobox *dä neue liedli*

[Kollegoli]

haaaaalooooo

so ich ha mal es neus liedli uf swisspsy da (danke sunny), ha denkt das wär wieder mal geil.

sagsch du was findisch du?

[Kollegoli]

ja danke für dkritik!

stimmt scho dasses no chli meh fiineheit und details verträge wür....
ich bi ebe ämmel nu chli zfuul defüür. ich fange es lied aa, mache und mache solangs mi fesselt und igendwann ishc halt eifach fertig und dann gaht nüt meh, aso zumindest machts me dann kei spass meh und ich lahs blliiibe. momentan hani ehh de liederschiiser und ich mach pro wuche eis neus lied wo dann öpe so fertig isch wie das.
ich han chum meh ziit für anderi sache und dussewelt

sguete a miinere musig findi ebe no, dass ich s mittlerwiiler immer lieber lloos unds mir immer meh gid siee zlose. und dass sie sich au rächt underscheidet vo andere musig, ich find es isch würkli was anders. und so sölls ebe au bliibe. ebe mis ziil isch i moment hauptsächlich scho chli das was du gseit häsch, vo wege meeh details, und vo allem wases hät no chli meh variatione, vor allem no chli vom beat.... aber ebe es wird sich zeige wies wird choo.

ja am delay lama hani huerre froid gha. vor allem im zuezluege. de strahlt sone richtigi frielichkeit uus. ihc han ihn eifach müsse benütze und finde us chunnt eigentlic no voll iisy....

[Thujon]

So bin immerno am warte bis endlich 4.00 ishc unds los goht uf Lipperswil ...

han denkt han nüüt bessers ztue ... und hamer din Track schnell aglosed

de Suncollector het smeiste scho gseit

Tönt echt guet für das dass nonig solang musig machsch ...

du hesch bim Suncollector sinem Track gschriebe dasme de Kikk bi sinem Track besser ghört als bi dinem ...
das liegt definitiv am Kikk wo du bruchsch ...
de Kikk het ziemlich viel Low und Lowmid Range ...aber fascht kei Highmidrange ...
Probier mol em Kikk mit Eq bi ca. 70 - 128 hz chli pushe und wenns goht bi öppe 2 K nochli ... weiss ned ob din kikk scho en Eq drufhet ...
viellicht liegts aber eifach dra das en andere oder es paar anderi Kikks usprobiere settisch ... mache das no hüffig wenn ich es lied fertig han ..eifach mol mit es paar andere kikks umeprobe ...
ich weiss sisch recht müesam alli kikks go ustusche vorallem bi de fills ...hehe aber probiers mol ...

und no was ... bitte kei Delay Lama . ..hahahahah ... aber das isch gschmacksach ....hehe ...han de eifach scho zviel ghört ...

Greetz Simon

[Kollegoli]

ja danke thujon fü de tipp.... zwar mega naheliegend, aber ich has no nie so usprobiert.... eignentlich zimli blöd vo mir

ich ghör so züüg ebe halt ämmel erscht wennis uf andere boxe und im direkte vergliich zu andere lieder ghör. ja klar das chönnti au dihei mache bevor ichs igendwie als fertig bezeichne, aber bi i dere beziehig halt chli en wilde und fuule und wenn ich eigentlich so sache sött mache, hani ebe scho 4 neui lieder agfange..... ich chum eh chum meh nah mit musig mache, nebem schaffe, de usewelt und de andere mensche.

isch übrigens en sunncollector-kick..... danke gell sunny fü die library, die isch echt geil, ich benütz immer die.

[Human]

Hey Kollegoli!


Han mich scho lang mal wölle bi Dir mälde! Han Diin neuschte Track zwar nonig ahglosed (drum es winzigschliisesbitzeli offtopic - sorry), aber Diis "Violetts Himmelblau" hani mehrmals glosed!

Wie scho obe erwähnt chasch bestimmt no so manches us technischer Hiisicht usehole..
Aber rein Gfühlsmässig;

Da steckt mega potential drin!

Han mal en grosse Teil vom Swisspsy-Mp3 player dureglosed, und dänn miteme Kolleg, wo musikalisch gseh miinere Meinig nach die bescht Ahsprächperson isch (macht sälber au wunderschöni Musig) und wo d'Tracks im player au mal dureglosed hät, über die Lieder gredet. Und eus isch beidne, unabhängig vonenand, Diis Lied bliebe!


Wird mer Diin neue Track die Wuche in aller Ruhe go ahlose, freu mi scho druff!


Liebi Grüess,
Human

[Kollegoli]

ja sali duuu,

dankdanke.... ja s'himmelblau ischme schono guet glunge findi, aber es isch eigentlich nöd so de stil, i dem die meischte vo miine lieder sind. aso mir gfallt shobox besser - du hören musst.

mit wem hasch dann drüber gred? mitem raphi???

freut mi sehr, dass der miis lied bliibe isch. ich gib mer au extra kei müeh so ztööne wie die andere und min masstab, ob was guet oder schlecht isch, hängt nöd davo ab, obs so tönt wie ichs scho mal ghört han... wies ja be vielne leider zsii schiint.....

äähhjaaaaa-..... dann no viel spass bem hobox lose. das findi isch echt hammer worde und es gid mer uhuerre viel das zlose.

[Shmahu]

hey oli

han der ja scho chli feedback gää zu dim lied, aber wott das da nochli gnauer uusfüere...

also ich finds meega geil. es trülletmer immer wider im chopf ume und ich han luscht zums lose - das isch ja scho mal s wichtigste... es macht spass!

ich finds zwar au, dass de delay lama nöd so optimal is klangbild iepasst, irgendwie füegt er sich nöd so schön ii findi, aber du häsch absolut s geilst usem usegholt. mee gaat gläbs nüm.
dass du druf schiissisch ob de delay lama scho tuusigmal benutzt worde isch oder nöd, findi eifach nur geil und mega typisch für dich - du machsch dini sach obs de lüüt in kram passt oder nöd. ich find, din muet söttet mee musiker haa, dänn wär s soundspektrum um villes bunter und fröhlicher.

ich wür dini musig mega gern a parties ghöre, genau so schöne, fiine und ehrliche sound fählt mir amel zwüsched all dem killer-züügs...du weisch, wasi mein.

also, wiiiter, loooos, meee musig vo dir i mini oooohhre, loooos!

[Kollegoli]

dankdanka!!!


und jetz lönd endlich mal de delay lama in rueh!!! de isch nämli en ganz en nette!!! händer dann nöd gseh wie nett er driiluegt und wie wichtigsihm isch, dasser da chani siini gsäng ablah!!!

[edoArdo]

hey kollegoli,

wörkli en tolle track wo der do glonge esch. sehr abwächsligsrich, das macht spass!! die ersti melodie bzw d'hauptmelodie esch wörkli de hammer, do steckt vell potential i der. de öbergang zom delaylama find i z'krass bem outro heschs denn fell finer gmacht. das passt besser be somene chillige lied donkts me. jo wie scho gseit gehts technisch emmer öppis z'verbessere

lg edo