Also, endlich ziit zum eu antworte:
4-HO-MET reizt mi durchus, grad wil mer oft list, dases relativ optik-laschtig isch und nöd sonen tüüfgang hätt, was unter umstände sehr agnehm chan si.
4-HO-MIPT han ich persönlich (+mini zwei fründe) andersch wahrgno, als de charakter, wo mer am 4-HO-MET oft zueschribt.
binere dosis vo 20mg isches optisch durchuus schön gsi (farbige himmel, lüchtende gegeständ, glitzere, de klassisch nahzieher bi bewegig), aber ich han si nöd als usserordentlich starch empfunde. OEVs händ churz en peak gha, aber was überwoge hätt sind d'CEVs gsi. in kombination mit musig - wo extrem intensiv gsi isch - hani schöni, farbigi und satti CEVs gha. ABER: bi beidne, closed und open eye, hätt letschtendlich s'gfühl de blick überwoge. d.h. visuals sind ume gsi, aber dominiert hätt jewiils di darus entstehndi stimmig, die synthese us empfindig und optik.
und da wär ich bim nägschte, und zwar em tüüfgang, wo ich au bi dere mittelstarche dosis als sehr intensiv empfunde ha. die interne gedankegäng und selbsterkenntnis händ mich bi dem ganze fascht am meiste beidruckt. während oft gseit wird, dass -MET öpis schön "fiirabigmässigs" isch (vorsicht mit dem begriff
), würd ich das bim -MIPT abstriite. alli beteiligte händ en verglichbare tüüfgang erlebt und es hätt im nachhinein einiges gä zum diskutiere und nomal revue passiere la.
alles in allem:
sehr interessant gsi, wunderschöni moment, leider es bitz churz.
DOCH: wer nume spass und wunderland suecht, isch bi dere substanz vermuetlich falsch.
(vilicht en grundsätzlich falsche approach bi psychedelika - mini meinig.) bezieh mich da nöd uf eu 
liebe gruess
PS. nei, nöd nasal. oral in leere tablette.
