drogenfreunde....

[bestia_climae]

das isch 'normal' - bitte nöd wieder dwichtigtuerfrag ufwerfe - was isch normal??
ich meine, s isch doch normal, dass sich de mensch schwer dra tuet, vertraue zu anderne zfasse, oder e fründschaft izgah, oder ehrlich si - zu sich selber u de andre gegenüber -, oder direkt si... klar, fallts emne egoistisch-egozentrische wese schwer, sich emne zweite individuum voll u ganz zöffne... mir fahred eusi schutzwäll und eusi abwehrsyschtem ue, schaffed distanz, nur um dem andre nöd plötzlich znöch zstah und/oder öpis a sich oder am andre zentdecke, wo eus ängschtiged, wo eus verletzt, wo eus betrübt, wo eus i raserei verwandlet....

@ dalamascus: ich denke, bi dene persone, die dir würkli nöch stönd, gspührsches, dassd sympathie u dehrlichkeit vorhande sind. so dassd i öpe ide lag bisch, izschätze, wers ernscht meint und wer dich hinnenume eich nume verarscht.. bide obegnannte person hani hinterher gmerkt, dass i eich nüt meh mit ihre wot ztue ha... ha sie allerdings au nie viel besser kenneglernt als de eint oder ander stammgascht us minere stammbeiz - mer kennt sich vom gseh her oder so ähnlich nennt mer das dann...

sonnige grüsse!

[0x1d]

da häsch guet gschribe bestia...
leider chani gad nu vo mir rede, wots nöd verallgemeinere wills ä individuelli sach isch wo jede selber sött usmache...

ich han aml teilwiis au chli problem mich dä mensche woni gern han z öffne...
us angscht irgend öpis falsches z sägä oder z mache ziehni mi oft inen gedanke loop zruug, us dems aml schwer cha sii wieder use z choo und uf d lüüt iizgah..
aber egal, dasch OT und hani scho i jenes andere threads ghüület

was sind überhaupt "wahri fründe"?
ich han dä begriff scho fasch vergesse... mittlerwiile wotti d mensche nüm underteile i "besseri" und "schlechteri" mensche... fründ oder feind.. isch mir doch glich..
ich will nu das es allne guet gaht.. und was liit da am nöchschte als alli guet behandle?
versuechs äml und merke mit de ziit das alles au irgendwie zrugg chunt..
usserdem hoffi das dur so es verhalte d lüüt erchenned um was es gaht..
wemmer öpper ablehnt vergrösseret das nur s liide.. vodemher wotti alli öppe glich behandle..
argh scho wieder OT, nja egal

droge hin oder her... das isch bi mir kein grund meh mit dä lüüt ume z hänge!
d droge sind doch so unbedüütend wenns drum gaht mit liebe lüüt zäme z sii...
si chönd ä beziehig/fründschaft zwar verschönere, aber au verschlimmere... leider hani vill meh gschichte erlebt&ghört das droge beziehige/fründschafte kabutt gmacht händ we umgekehrt... =/

hmm ja was hani denn eigentli welle sägä...