hm... Ig zitiere a dere steu gad emal am beste en erläbnisbricht vu mir, woni schumal gschribe ha. Ig gloub nämlich das de doch relativ guet veraschaulicht was für spirituell/mystische bewusstsinszueständ a partys mit sound aber ohni droge erläbt werde chöi.
Das es ohni Droge ablouft esch sowiso e illusion. Üsi alltäglichi wahrnehmig stützt sich ufen ganze cocktail vu psychotrope substanze. Adrenalin, noradrenalin, acethylcholin, serotonin, melatonin, dopamin, endorphin, gabain und zu gueter letscht DMT.
Also esch inäh vure exogene droge, smeditiere, faschte, singe, träume nur e witeri komponänte.
so da escher:
woni ar further dimensions V gsi bi, zbiel im gaschesu, da hät sich mir em zenkatzu sis set als e sehr ghobni visionäri erfahrig offebart.
afänglich bini döt am schake gsi u ha eifach so dr normal level a glücksgfühl u party feeling ufbout gah, aber plötzlich hani d bäss wie useme angere rum afa ghöre u d höchene hei mi afange uflade. elektrisierend u ab däm momänt hani mi körper nüm gspürt. i ha afange lache wie en wahnsinnige u es hät sich zit uflöse. i bi usgfüllt gsi vu eire erkenntniss: i bi stächöpfu u das isch d atropia iri geburtsmusig.
mini bewegige si gäng wi bizarrer u krotesker worde u i mini vel zlängi kapuzze esch wol einige lüt is gsicht gfitzt(möchtmi a dere stell entschuldige bi allne wos breicht hät u das velech läsed)
uf jedefall esch plötzlich dr drang da gsi afange zschreie, aber ned ergend welchi schrei sondern ganz verdreiti,psychotischi schrei. i ha di ganz zit gwüsst was da abgahd u ha gspürt dases genau zrichtige esch.
dänn hanis säuber schreie ghört, hinger dmusig, dür aui phrequänze düre. i bi blibe stah, ha d auge zu gmacht u dänn gsehni di abgfarnegsch kaleidoskopie, woni ned mal annähernd uf ergenwelche substanze erläbt ha.
zersch chund en lange,dunkle gang wo vu blaugraue sülene gsümt esch u plötzlich werde all die sülene zu fraue wo am gebäre sind. i ghöre geburtsschrei i abertusige abstufige u i däm momänt chöme iri ching uf d wält u flüsse is zentrum vu däm biud, döt formiere ssi sich zum gewaltige mandala. bluetbeschmierti, geburtsschreiendi bebes zu aber tusige, wo sich zure rosettä zämefüge.drzwüsche tauche immer wieder mayasymbol us irem kaländer uf. wines atme. pulsierend hebe si sich us däre "bebeskopie" u versinke wider.
dänn wird us däm ding en flüssige tropf wo sich uf mi zubewegt u direkt i mis gsichfäud rast. jensti bebechöpf uem vorderste verziehts z ganze gsichtli vu schmerz u lebenswiue u da wirdmr klar, dass all die ching i däm momänt uf d wält si cho u dasi o e rolle übernäme wie mir alli o. dänn machi d auge uf und bi no föllig verpeilt. langsam chund dr sound u ziit zrug u ha nuno s bedürfnis use zgah. froh im herze, erfüllt vum kosmische wahnsinn.
i versuech es paar lüt das ganze zerchläre, aber dr zitpunkt trifft sich ned. es esch z hektisch u zkonfus, aber e gueti, putzti stimmeg u dänn nimmt nacht ire witere lauf...
so asatzwis esch das obrige dr versuech gsi es psychedelisches sound erläbnis widerzghä wo ganz ohni droge iniziert esch worde durch darkpsy. söll jede drvo halte waser möcht, aber zu däm sound würdi zuesätzlichi droge aue nüm verträge.
Mittlerwile hani nome söttiger erfahrige dörfe mache u es kristallisiert sich bereits en ablouf use. sprich es passiert nüm ganz unkontrolliert, sonder lat sich vumer la länke... aber egal zoubere cha jede. dr stab drzue wählt jede sälber... mine esch musig u gsang