Mini erst Begegnig mit MDMA
Verfasst: Mo 19. Mai 2014, 20:28
Sali zämä
Ich wett gern vo minere erste Begegnig mit MDMA verzelle
Also bevors losgoht, sötteder wüsse, dass ich en sehr fröhliche und gnügsame Mensch bin. Mich chame relativ eifach glücklich mache
Min beste Kolleg het mi ahghaue gha, öb ich mit ihm MDMA ade Sonic näh wett. Isch zwor nid so mini Musik, aber min Brüder het devo verzellt und ich han denkt, dass isch sicher e guets Setting.
De Tag isch nöcher gruckt und ich han mich mental und mit Schoggi-, Alkohol-, Kaffi- und Bananeverzicht druf vorbereitet
Ca. 45 Minute noch de Ihnahm hets ahfange würke. Mir isch churz komisch und schwindelig worde. D Umgebig het sich inen graue Nebel ghüllt. Denn isches cho, es Gfühel vo unendlicher Freud het mich berührt. Alles isch mega positiv worde und negativi Gedanke hend ufghört z existiere . Ich han die ganz Welt wele umarme, vorallem aber die Mensche won ich liebe . Ich han all mini Kollege umarmt und han mich extrem dra gfreut. Alli Mensche hend ahgfange fröhlich si und lache, alli sind mega nett und fründlich worde. Es Tanze het mir no viel meh Spass we susch gmacht. Hans so schö gfunde, dassi de Moment han dörfe mit mine beste Kollege gnüsse. Woni denn mol ufs WC bin go trinke (me sött jo gnueg trinke!), bini mega fasziniert gsi vo mine grosse Pupille und han die ca. 5 Minute ahgstarrt und han so vor mich hi gseit wie schön mini Pupille sind und dass ich e hübschi seg. Und mini Kollegin isch au mega devo fasziniert gsi. Im Nochhinein recht strange . De Trip isch öppe 4 e halb Stunde gange und i dere Ziit hani alli mini Kaugummis verschenkt oder selber keut und d Ration vo mini Lüchtstäbli het sich au reduziert gha
Noch dem d Würkig noh loh het, han ich 2 mol Schüb gha, wos we nomol churz gwürkt het. Denn han ich mich wieder federliecht gfühlt und d Musik isch intensiver worde (das isch mir vorher nid ufgfalle). Min Brüder, wo au MDMA gnoh gha het, het mich ständig es gliche gfröget, dass hani mega amüsant gfunde und immer wennis ihm wieder gseit gha han, heter gseit "Ahjo stimmt, hesch gseit gha!". Ich hans sehr gnosse mit ihm, denn leider gsehn ich ihn nur selte. Er wohnt z Basel und das isch nid grad ide Nöchi vo mir. Mir hend denn abgmacht gha, dass mir meh zeme ah Parties gönd und üs so meh gsehnd . Bin mit mim Brüder zeme denn heiglofe und mir sind denn is Bett gange
Am Mittag bini denn ufgwacht. D Nebewürkige hend sich breit gmacht und ich han gmerkt, dass mer alles chli weh tuet und ich erschöpft bin. Vorallem de Chiefer het mir wehtue, de Rest isch no im Rahme gsi. Min Chopf isch usserdem wirr gsi
Noch de heisse Duschi ischs mer scho besser gange. Ich bin ufs Velo gstiege und han Gipfeli, Banane und en Orangesaft kauft, zum mim Brüder e chlini Freud z mache. Viellicht no e Nohwürkig?
Nochem z "Mörgele" ischs üs denn dütlich besser gange
Jo das isch mis erste Erlebnis mit MDMA und Droge allgemein gsi. De Trip isch extrem schön gsi, vorallem schön, will ich die Freud mit mine beste Kollege und mim Brüder han dörfe teile. Ich bin sehr froh, dass nüüt schlimms passiert isch und dass ich no genau die glich, wenn nid sogar netter und fröhlicher, bin
Herzlich
Luthien
Ich wett gern vo minere erste Begegnig mit MDMA verzelle
Also bevors losgoht, sötteder wüsse, dass ich en sehr fröhliche und gnügsame Mensch bin. Mich chame relativ eifach glücklich mache
Min beste Kolleg het mi ahghaue gha, öb ich mit ihm MDMA ade Sonic näh wett. Isch zwor nid so mini Musik, aber min Brüder het devo verzellt und ich han denkt, dass isch sicher e guets Setting.
De Tag isch nöcher gruckt und ich han mich mental und mit Schoggi-, Alkohol-, Kaffi- und Bananeverzicht druf vorbereitet
Ca. 45 Minute noch de Ihnahm hets ahfange würke. Mir isch churz komisch und schwindelig worde. D Umgebig het sich inen graue Nebel ghüllt. Denn isches cho, es Gfühel vo unendlicher Freud het mich berührt. Alles isch mega positiv worde und negativi Gedanke hend ufghört z existiere . Ich han die ganz Welt wele umarme, vorallem aber die Mensche won ich liebe . Ich han all mini Kollege umarmt und han mich extrem dra gfreut. Alli Mensche hend ahgfange fröhlich si und lache, alli sind mega nett und fründlich worde. Es Tanze het mir no viel meh Spass we susch gmacht. Hans so schö gfunde, dassi de Moment han dörfe mit mine beste Kollege gnüsse. Woni denn mol ufs WC bin go trinke (me sött jo gnueg trinke!), bini mega fasziniert gsi vo mine grosse Pupille und han die ca. 5 Minute ahgstarrt und han so vor mich hi gseit wie schön mini Pupille sind und dass ich e hübschi seg. Und mini Kollegin isch au mega devo fasziniert gsi. Im Nochhinein recht strange . De Trip isch öppe 4 e halb Stunde gange und i dere Ziit hani alli mini Kaugummis verschenkt oder selber keut und d Ration vo mini Lüchtstäbli het sich au reduziert gha
Noch dem d Würkig noh loh het, han ich 2 mol Schüb gha, wos we nomol churz gwürkt het. Denn han ich mich wieder federliecht gfühlt und d Musik isch intensiver worde (das isch mir vorher nid ufgfalle). Min Brüder, wo au MDMA gnoh gha het, het mich ständig es gliche gfröget, dass hani mega amüsant gfunde und immer wennis ihm wieder gseit gha han, heter gseit "Ahjo stimmt, hesch gseit gha!". Ich hans sehr gnosse mit ihm, denn leider gsehn ich ihn nur selte. Er wohnt z Basel und das isch nid grad ide Nöchi vo mir. Mir hend denn abgmacht gha, dass mir meh zeme ah Parties gönd und üs so meh gsehnd . Bin mit mim Brüder zeme denn heiglofe und mir sind denn is Bett gange
Am Mittag bini denn ufgwacht. D Nebewürkige hend sich breit gmacht und ich han gmerkt, dass mer alles chli weh tuet und ich erschöpft bin. Vorallem de Chiefer het mir wehtue, de Rest isch no im Rahme gsi. Min Chopf isch usserdem wirr gsi
Noch de heisse Duschi ischs mer scho besser gange. Ich bin ufs Velo gstiege und han Gipfeli, Banane und en Orangesaft kauft, zum mim Brüder e chlini Freud z mache. Viellicht no e Nohwürkig?
Nochem z "Mörgele" ischs üs denn dütlich besser gange
Jo das isch mis erste Erlebnis mit MDMA und Droge allgemein gsi. De Trip isch extrem schön gsi, vorallem schön, will ich die Freud mit mine beste Kollege und mim Brüder han dörfe teile. Ich bin sehr froh, dass nüüt schlimms passiert isch und dass ich no genau die glich, wenn nid sogar netter und fröhlicher, bin
Herzlich
Luthien