Mini erst Begegnig mit MDMA

Hier kannst Du Erfahrungsberichte verfassen (MF übernimmt keine Haftung oder Verantwortung bei den Angaben)
Antworten
Benutzeravatar
Luthien
Beiträge: 5
Registriert: Fr 3. Jan 2014, 06:37
Wohnort: Schaffhausen

Mini erst Begegnig mit MDMA

Beitrag von Luthien »

Sali zämä

Ich wett gern vo minere erste Begegnig mit MDMA verzelle :)

Also bevors losgoht, sötteder wüsse, dass ich en sehr fröhliche und gnügsame Mensch bin. Mich chame relativ eifach glücklich mache ;)

Min beste Kolleg het mi ahghaue gha, öb ich mit ihm MDMA ade Sonic näh wett. Isch zwor nid so mini Musik, aber min Brüder het devo verzellt und ich han denkt, dass isch sicher e guets Setting.
De Tag isch nöcher gruckt und ich han mich mental und mit Schoggi-, Alkohol-, Kaffi- und Bananeverzicht druf vorbereitet ;)

Ca. 45 Minute noch de Ihnahm hets ahfange würke. Mir isch churz komisch und schwindelig worde. D Umgebig het sich inen graue Nebel ghüllt. Denn isches cho, es Gfühel vo unendlicher Freud het mich berührt. Alles isch mega positiv worde und negativi Gedanke hend ufghört z existiere :). Ich han die ganz Welt wele umarme, vorallem aber die Mensche won ich liebe ;). Ich han all mini Kollege umarmt und han mich extrem dra gfreut. Alli Mensche hend ahgfange fröhlich si und lache, alli sind mega nett und fründlich worde. Es Tanze het mir no viel meh Spass we susch gmacht. Hans so schö gfunde, dassi de Moment han dörfe mit mine beste Kollege gnüsse. Woni denn mol ufs WC bin go trinke (me sött jo gnueg trinke!), bini mega fasziniert gsi vo mine grosse Pupille und han die ca. 5 Minute ahgstarrt und han so vor mich hi gseit wie schön mini Pupille sind und dass ich e hübschi seg. Und mini Kollegin isch au mega devo fasziniert gsi. Im Nochhinein recht strange ;). De Trip isch öppe 4 e halb Stunde gange und i dere Ziit hani alli mini Kaugummis verschenkt oder selber keut und d Ration vo mini Lüchtstäbli het sich au reduziert gha :)
Noch dem d Würkig noh loh het, han ich 2 mol Schüb gha, wos we nomol churz gwürkt het. Denn han ich mich wieder federliecht gfühlt und d Musik isch intensiver worde (das isch mir vorher nid ufgfalle). Min Brüder, wo au MDMA gnoh gha het, het mich ständig es gliche gfröget, dass hani mega amüsant gfunde und immer wennis ihm wieder gseit gha han, heter gseit "Ahjo stimmt, hesch gseit gha!". Ich hans sehr gnosse mit ihm, denn leider gsehn ich ihn nur selte. Er wohnt z Basel und das isch nid grad ide Nöchi vo mir. Mir hend denn abgmacht gha, dass mir meh zeme ah Parties gönd und üs so meh gsehnd :). Bin mit mim Brüder zeme denn heiglofe und mir sind denn is Bett gange

Am Mittag bini denn ufgwacht. D Nebewürkige hend sich breit gmacht und ich han gmerkt, dass mer alles chli weh tuet und ich erschöpft bin. Vorallem de Chiefer het mir wehtue, de Rest isch no im Rahme gsi. Min Chopf isch usserdem wirr gsi
Noch de heisse Duschi ischs mer scho besser gange. Ich bin ufs Velo gstiege und han Gipfeli, Banane und en Orangesaft kauft, zum mim Brüder e chlini Freud z mache. Viellicht no e Nohwürkig? ;)
Nochem z "Mörgele" ischs üs denn dütlich besser gange :)

Jo das isch mis erste Erlebnis mit MDMA und Droge allgemein gsi. De Trip isch extrem schön gsi, vorallem schön, will ich die Freud mit mine beste Kollege und mim Brüder han dörfe teile. Ich bin sehr froh, dass nüüt schlimms passiert isch und dass ich no genau die glich, wenn nid sogar netter und fröhlicher, bin ;)

Herzlich
Luthien /color
Zuletzt geändert von Luthien am Di 20. Mai 2014, 16:59, insgesamt 1-mal geändert.
Das Leben ist kein Problem, das es zu lösen, sondern eine Wirklichkeit, die es zu erfahren gilt - Siddhartha Gautama
Pufflibäng

Re: Mini erst Begegnig mit MDMA

Beitrag von Pufflibäng »

Schöne Bricht. Leider die "falsch" Droge! /bigs
Es isch mega spirituell, wenn meh s'erschte mol MDMA nimmt; diä Verbundeheit fühle zu dä Umgebig. /color

Aber MDMA isch sehr toxisch und macht dis Hirn, dini Zäh und din Mage kaputt. So wiä ich das usem Bricht liesä, hesch klar äh Überdosis gha. Wär schad, wenn du dini Fröhlichkeit durch wiederholti Inahm vo MDMA verlürsch. Aber du machsch mir eher dä Ahschii, dass du das nöd jedes Wucheend wirsch mache und denn isch es au okay.

Falls es dich wieder Mol sött packe, empfiehl ich dir anstatt MDMA herzlich s'Fleisch vu dä Götter (Pilz). Es isch zwar öppis Vollkomme anderes, aber viel Gsünder für Chörper und Geischt. /color

Wenn du meh Infos würsch wölle, chasch mir gern eh PM schriibe.

:ove:
psyci
Beiträge: 8
Registriert: Di 20. Mai 2014, 16:49

Re: Mini erst Begegnig mit MDMA

Beitrag von psyci »

Erinnert mich bisschen an meinen ersten Wurf!:-D
Nach mir die Sintflut!
Benutzeravatar
Luthien
Beiträge: 5
Registriert: Fr 3. Jan 2014, 06:37
Wohnort: Schaffhausen

Re: Mini erst Begegnig mit MDMA

Beitrag von Luthien »

Salü Pufflibäng :)

Merci für dini Antwort!

Alles het so sini Vor- und Nochteil. Für das wos mer bote het, han ich die Nebewürkige gern i chauf gnoh. Wie hesch Du us mim Bricht chöne uselese, dass ich e Überdosis gha han? Han würklich z viel gha. Han aber nüüt zum Zerteile debi gha und min Brüder het mer ersch verrote, dass er 60mg für mich organisiert het, won ich scho eini gnoh gha han. Falls ich wieder näh sött, nimm ich sicher weniger :)
Jo voll, also ich mach etz sicher e halbs Johr Pause. Hans au vorher 2 Johr a Goas ohni usghalte :). Es isch für mich au eher en Luxus ;)

Danke für Dini Empfehlig! Ich wirds sicher mol usprobiere :). Aber die nimmt me scho nid anere Party? Ich denke, dass die Haluzinogen ide Pilzli es biz z heftig wäred für e Party, nid? Bin eigentli au scho eher die Person wo natürlichi Sache bevorzugt ;)

Jo voll, ich schrieb Dich sicher mol no ah! :D

Herzlich :ove:
Luthien
Das Leben ist kein Problem, das es zu lösen, sondern eine Wirklichkeit, die es zu erfahren gilt - Siddhartha Gautama
Antworten