DAS fährt ein!? :0)

Hier kannst Du Erfahrungsberichte verfassen (MF übernimmt keine Haftung oder Verantwortung bei den Angaben)
Benutzeravatar
hobicht
Platin Member
Platin Member
Beiträge: 265
Registriert: Mi 4. Mai 2005, 17:03
Wohnort: brunnen am vierwaldstättersee

Beitrag von hobicht »

hallööö...

guete sound isch die einzig wahri droge!!!

wemmes schafft ganz ohni droge sich in trance z'tanzä isches voll heftig und plötzlich verwached me ufem dance-floor und dänkt "tschau bäse... bin iich dääne" doch me weiss dasme gar nüd gno hed.
me cha sich au en optische aafläshe... wenn me bim tanze d'auge so schnell wie möglich bewegt und so churz als möglich an ein punkt luegt und debi no heftig blinzled. heieiei... das gid schüüb :lol:

wasi natürlich au dezue bruche isch voll struube alte sound REMEEEMBER!

viil spass bim dureghiiä :roll:
...chääsrööschti... ...REMEMBER... ...honigchryter...
Benutzeravatar
schanti-schanti
Silver Member
Silver Member
Beiträge: 66
Registriert: Fr 8. Dez 2006, 11:42

Beitrag von schanti-schanti »

sali zäma

also wenn ma eigentlich wirklich lang lang ohni pausa tanz den tanzt din herz im glicha rythmus den wirsch so innerart trance verwiklet, eifach immer dia glichi musick mit de glichiga bewegiga vum körper, den schüttet din körper glückshormon ussa...hani khört aber no nia ussprobiert...
Benutzeravatar
schanti-schanti
Silver Member
Silver Member
Beiträge: 66
Registriert: Fr 8. Dez 2006, 11:42

Beitrag von schanti-schanti »

ojemine tschuldigung für mini fheler aber so lang ma sich verstoht:::gruns :twisted:
Benutzeravatar
altered
Platin Member
Platin Member
Beiträge: 558
Registriert: Di 1. Jun 2004, 11:31
Wohnort: room 31
Kontaktdaten:

Beitrag von altered »

eg finge zwar au das me ohni droge ganz guet chan party mache. Und e esch jedem z empfehle droge nur zwüschedure mol z neh. aber die meiste lüüt a de goas choi ohni droge nid abgah. weiss au nid worum und finde das au schaad.
me merkt anere goa (grad a de chliine) das wenn kei speed oder lsd oder irgendwas ume isch das es irgendwie nie rechtig foht afo abgoh. sobald aber der erscht ufem platz uftoucht wo eppis zum verticke het cha me rechtig beobachte wie das es ufem dancefloor langsam wilder und wilder wird.

Verstoit mi nd falsch eg finde das nid guet, eg beschriibe nur was mir i miner jetz scho bald 7 jährige goa erfahrig ufgfalle isch.

vorallem findi no interessant, das en party äme ersch so rechtig in schwung chunnt, wenn es es 2 oder 3 rechtig droffni ufem floor het wo schüttle und grinse wie die wilde. so als würed gwüssi lüüt ersch denn richtig los schake wenns no anderi ufem floor het wo dufmerksamkeit uf sich ziehnd. so nachem motto die 3 döt äne shaked so abartig das min schrägi dancestyle secher nüm uffallt.

eg denke das selbstbewusstsii es grosses manko isch unter de goaner, drum bruchets au droge zum shake.
aber au vell anderi sache wo nid guet sind i dere szene händ selbstbewusstsiinsmangel als grund. d aversion geg alli lüüt wo sich styled und schminked isch do gloub s beschte biischpil.
Dieser Beitrag ist an jene gerichtet die Wissenschaft von Satire zu unterscheiden wissen.

http://www.myspace.com/miniskirtetranger
http://www.myspace.com/schngeist

:-)
Kollegoli
Platin Member
Platin Member
Beiträge: 1183
Registriert: Do 2. Mär 2006, 11:14
Wohnort: Höngg
Kontaktdaten:

Beitrag von Kollegoli »

eg denke das selbstbewusstsii es grosses manko isch unter de goaner
das isch sicher so, aber halt nöd nur under de "goaner" sondern halt allgemein under de menschheit...

uufruef:

schiisssed doch druf wies usgseht wiener tanzed (nöd so viel as tanze denke bem tanze), das isch völlig egal. guet isches dann wenn sichs guet afühlt, nöd wenns guet usgseht. das gilt übrigens nöd nur füs tanze sondern fü zimli alles

aber ganz ganz ehrlich gseit, vermiss ich ämmel chli meh lüüt wo betrippt sind...so es kollektivs getrippe isch eifach sgeilschte. schad dass so viel speed statt psychedelika gno wird.... (das wiederrum söll aber kein ufruef sii, jedes wucheend betrippt umezlaufe. wenns uf dlängi ohni nöd gaht dann gahts eehhh nöd)

:P
Benutzeravatar
altered
Platin Member
Platin Member
Beiträge: 558
Registriert: Di 1. Jun 2004, 11:31
Wohnort: room 31
Kontaktdaten:

Beitrag von altered »

schad dass so viel speed statt psychedelika gno wird.
eg wür säge zum glück. psychedelika send eifach kei partydroge. und mir tüend die lüüt leid wo meined das si no was lehred wen si lsd & co anere party nehmed
Dieser Beitrag ist an jene gerichtet die Wissenschaft von Satire zu unterscheiden wissen.

http://www.myspace.com/miniskirtetranger
http://www.myspace.com/schngeist

:-)
Benutzeravatar
altered
Platin Member
Platin Member
Beiträge: 558
Registriert: Di 1. Jun 2004, 11:31
Wohnort: room 31
Kontaktdaten:

Beitrag von altered »

Zitat aus Fear & Loathing in las vegas:
What Leary took down with him was the central illusion of a whole lifestyle that he helped create. A generation of permanent cripples, failed seekers, who never understood the essential old mystic fallacy of the acid culture: the desperate assumption that somebody, or at least some force, was tending the light at the end of the tunnel.
Dieser Beitrag ist an jene gerichtet die Wissenschaft von Satire zu unterscheiden wissen.

http://www.myspace.com/miniskirtetranger
http://www.myspace.com/schngeist

:-)
elfchen
Silver Member
Silver Member
Beiträge: 115
Registriert: Do 2. Nov 2006, 06:46
Wohnort: graubünden

Beitrag von elfchen »

altered hat geschrieben: eg denke das selbstbewusstsii es grosses manko isch unter de goaner, drum bruchets au droge zum shake.
aber au vell anderi sache wo nid guet sind i dere szene händ selbstbewusstsiinsmangel als grund. d aversion geg alli lüüt wo sich styled und schminked isch do gloub s beschte biischpil.
het jo müesse ku das öpert anderer mainig isch....smile
i glauba es git in jedere sparte lüt wo weniger selbschtbewusstsi hend.........und au derig wo es gsuns selbschtbewusstsi hend.....dass het minere meinig no nüt mit dr goa szena zum tua..........
das mitem tanza het villicht scho öpis....aber i han kai angscht dass öpert mina tanzstil könnti schräg finde....i maina wo simmer do?.........i liabs aifach wenn vil lüt voll abgönd uf da tanzflächi...das pusht mi richtig uf....:-) und i glauba vilna gots eso.........
das mit de droge isch halt so wias isch........i finds au cool wenns ohni got....es isch aber au voll ok wenn öpert das brucht zum abgoh.....schlussendlich wärs au nümm sglicha wenn niamert wür konsumiere.............oder?
Tatzuwurm

Beitrag von Tatzuwurm »

es sänfchorn im getriebe u da muessi no mi sand derzuegäh :lol:
hm konsum zur kompensierig vum neurotisierte selbstwertgfühl? ja das esch en näbeeffekt vo üsem westliche wältbild. ich gloub mir mönsche näme üs zernscht, u dänn wämer uf üs lose söte vernachlässigemr üs.
d frag esch was es gsunds sälbstbewusstsi bedüdet. was de begriff überhaupt uf jede einzel gseh usseit. jede versuecht es individuum zi, jede wott sich si,aber käne wot nüt si, käne wot alles si. käne wott chind si (mit alli u käne verallgemeineri verbal,aber i dänke ir wüsset wies gmeint esch :wink: ) i glaub ersch wäs bewusstsi sich usbreitet uf alles was idem kosmos existiert usini iduviuualität verlürt,sich wider neu formiert u zämesetzt chamer vu gsundem sälbstbewusstsi spräche. jedoch neigemr alli drzue(da bild i o kä usnahm :-o ) dä zuestand wider zverfälsche, di einte minim. di angere massiv.
exstase verwüscht d grenze vur eigene persönlichkeit u lati zerflüsse. droge, tanz, musik, extremsituatione. wobimr d sound u tanz am finste u usgwogenste dünkt. wäme d faktor droge no drzue nimmt chas o ganz intensiv si u verschiebt di physikalische realitäte ganz schön. so vonwegen körper verdrehie u verwinkle wies sälte gad ohni sich was zbräche u uszhänke :-D
Kollegoli
Platin Member
Platin Member
Beiträge: 1183
Registriert: Do 2. Mär 2006, 11:14
Wohnort: Höngg
Kontaktdaten:

Beitrag von Kollegoli »

altered hat geschrieben:
schad dass so viel speed statt psychedelika gno wird.
eg wür säge zum glück. psychedelika send eifach kei partydroge.
:-D
naja da bin ich sschwwwwwwweeeerschtens anderer meinig. glaube, dass dpartys viel schöner und vor allem offener wäred, wenn dlüüt anstatt seine, sander näh würded (wenn nöd nüt).

e party mit betrippte isch schlicht und eifach was völlig anders als e party mit bsoffene oder gschwinde. das isch doch au was sich ade goas sehr gänderet hät: droge... (und deswege sind doch au dgoas nüm so geil und speziell wies früener mal gsi sind).

das ganze rituelle dings chamer au zu ernscht nääh. mir sind kei indios, mir sind "neuziitmensche"--->eusi ritual sind nöd zvergliiche
Benutzeravatar
ciril
Beiträge: 11
Registriert: Fr 29. Sep 2006, 14:23
Wohnort: zürü

Beitrag von ciril »

guets Thema.. Gueti Party ohni Droge mit guetem Sound..

es git scho Musik wo guet innechunnt ohni Droge.. nur lauft söttige Sound wenig an Parties..

aber werum au.. solang es einigi Dj's het, wod Party au selber organisiere und grad au no chli händele, sind disi au nid interessiert dra, geile Sound laufe z loo.... zumindest so geile, wo au ohni Vollflash guet innechunnt..

d Aerzt wend ja au keini gsunde Lüt.. , solang si a de Medikament verdiene..
Benutzeravatar
edoArdo
Gold Member
Gold Member
Beiträge: 243
Registriert: Di 4. Nov 2003, 18:40
Wohnort: Aarau

Re: DAS fährt ein!? :0)

Beitrag von edoArdo »

altered hat geschrieben:me merkt anere goa (grad a de chliine) das wenn kei speed oder lsd oder irgendwas ume isch das es irgendwie nie rechtig foht afo abgoh. sobald aber der erscht ufem platz uftoucht wo eppis zum verticke het cha me rechtig beobachte wie das es ufem dancefloor langsam wilder und wilder wird.
Aso bitte. Säg mer mol en Party wo das ned eso sött si. Esch wohl klar dass Lüt wo droffe send sech andersch benähmed als söttig wo nüechtern send. Schliesslech beinhaltet "s'abgoh" bim Tanze ned dass mer of em Floor omehöpft wie en usgflippte gompiball ond omeschreit. Mer gfallts ehrlechgseit au besser (grad wenn i nüechtern be), wenn mer ned die ganz zyt öpper ufd füess stoht oder s'getränk uslehrt. En guetig Stemmig of em Fllor beinhaltet minere Meinig noh meh.
Das hanget au ned wörkli met tänzerische Qualitäte zäme. Zodem esch en Goa-Party die letscht wo mer sech wäg sim Tanzstyl müesst schäme .. es interessiert au schlechtwäg keine!
Zrogg zo dim Zitat: Das esch jo wohl ganz allgemein es gsellschaftlechs Problem. Gang mol ane Party wos kei Alk geht, meinsch döt send d'Lüüt glich locker wie wenn es paar Cheschte he stellsch? Osserdem eschs au nachvollziehbar dass es anere chline Party ned glich abgoht wie anere grosse bzw dass mer döt de onersched merkt. Schliesslech kenn i niemer wo ned andersch esch wenn er droge nemmt!
Luchs hat geschrieben:Sali zäme,
ich habe die Erfahrung gemacht, dass das beste Flash durch geilen Sound, gute Stimmung und shakenshakenshaken =D> zu haben ist, möglichst ungebremst durch irgendwelche Substanzen. :-)
toll dass du so denkst =D>
Dass man ähnliche Gefühle auch ohne Drogen erleben kann, ist wahrscheinlich jedem Konsument klar sein. Immerhin erlebt man ja nicht ein Gefühl dass einem völlig fremd ist, da ja körpereigene Botenstoffe aktiviert werden.
Ich glaube das Problem liegt eher darin, dass es viel anstrengender ist ein solches Gefühl über einen bestimmten Zeitraum ohne drogen zu erfahren 8)
VOR ALLEM wenn man weiss wie einfach es ohne Anstrengung ginge :?
http://www.mrsgreen.ch

"Jeder, der glaubt, exponentielles Wachstum könnte endlos weitergehen, ist entweder ein Verrückter oder ein Ökonom.“
Benutzeravatar
altered
Platin Member
Platin Member
Beiträge: 558
Registriert: Di 1. Jun 2004, 11:31
Wohnort: room 31
Kontaktdaten:

Beitrag von altered »

e party mit betrippte isch schlicht und eifach was völlig anders als e party mit bsoffene oder gschwinde.

auso eigentli möcht eg mini uusag korrigiere. eg finds nid unbedingt besser das d lüüt speed statt psychedelika konsumiered.
eg finde eifach psychedelika sind im rahme vonere party eifach vill gföhrlicher, will d wirkig vo psychedelika vill stärcher als die vo speed, mdma, koks, alk... vo der umgebig und der eigete verfassig abhängt.
und anere party send vill faktore wo über es guets oder schlechts flash entsheidet eifach unberechebar.

zu der ussag vom kollegoli. do bin ig widerum anderer meinig. es chunnt nid uf d substanze a wo me nimmt oder wo d lüüt um eim ume nähmed was för en stimmig das herrscht. eg han scho gnueg lüüt uf lsd erlebt wos verstrche het und die, mussi säge, hei nid grad zur ufheiterig vo der stimmig irgendeppis biitreit, im gegeteil.

es esch egher en froog vom mass, wie das d lüüt werded. als en froog vo de substanze.(eg bin mir bewusst das ig do i dem forum d psychedelika äme chli überspitzt kritisiere im vergliich zu de andere droge, das liit aber her dra das i der goaszene eher en tndenz zur verharmlosig vo dere art droge ume isch, und ich halt gern ämer chli anderi sichtwiisene ufzeige. zum konstruktivi provokation uszüebe)

mir goi lüüt wo übermessig bsoffe sind döuwiis au ufe sack anere party, drum gohni au nid a bierzelt fescht und drink & dance aaläss. mir goi aber au lüüt ufe sack wo z vill lsd dinne hend und mich mit irgendwelchem quatsch chömmed go vollabere, wo ihne meistens wie d erkenntnis schlechthin inechunnt. s gliiche chönnt eg über lüüt säge wo z vill pille gha hend, z vill kokse...

aber wenn lüüt imene mass konsumiered (oder au nüüt), egal was findi loht sich mit ihne guet party mache. es ghört au dezue das me sich irgendwie es bitzeli bedrüffnet, das das eine vo de sinn vo goapartys (genauso wie allne andere partys wo elektronischi musik louft) isch loht sich nid lo cachiere. und wer was anders behouptet isch wahrschinli blind und toub.

aber das isch doch au guet eso, solangs imene mass passiert, das me mit sim konsum nid anderi foht afo beiiträchtige.

eg finde vorallem schlimm wenn me afoht uszgrenze indemm das me zB seit de nimmt speed, drum ischer kei richtige goaner. oder wenn me seit de nimmt pille und kei lsd drumm verdirbt er eus d stimmig. das esch doch bullshit.

en guete kolleg vo mir het mol gseit das en goa grad so reizvoll isch will alli choi hänechoo und mache was se wend.
d goaszene isch jo ageblich tolerant, aber toleranz heisst das me nüüt seit obwohl das me scheisse findt was der ander macht.
ich plädiere aber für ANERKENNIG, das me nemmli der ander akzeptiert grad will er anders isch als me selber und das me ne in sinere einzigartigkeit versuecht z verstooh.

klar wenn alli anere goa lsd nehmed und alli die gliich meinig hend isches super toll und es git kei konflikt. aber wend mir das? und wozue füehrt das? das me nur no lüüt an goas loht wo lsd nähmed und die andere uusschlüüst (töönt jetz velech chli streng, aber eg kenne lüüt wo jo ach so toleranti goaner sind, wo aber genau das am liebste würed mache)?
eg hoffe das es nie so wiit wird choo, süsch gits nemmli zwüsche WEF, goapartys und nazifescht kei unterschied meh.
wenn nemli d substanze wo eine konsumiert usmöched was för en mensch er isch, den chönnts au gradsoguet d huutfarb, d dicki vom portemonnaie oder d religion sii wo das usmached.

eg chan euch es persönlechs biispill uffüehre:

früeher wo eg pille oder LSD an partys konsumiert han, ben eg meistens mitemene grinse übere platz ghüpft. und ben au vo allne lüüt aaglächlet worde und mir isch immer super zuegredt worde.

hüt konsumier eg eher selte was, und wenn denn nimm eg es line speed oder 2 (und eg meine demit 1 oder zwoi chlini lines, nid es gramm oder meh wie das bi villne der fall isch).

eg erlebes immer wie meh das am morge lüt zu mr chömed und mir säged ich söll doch chli lächle und nid so schlechti stimmig verbreite. eg finde die aaschuldigunge eifach lächerlech, vorallem will sie meistens vo so lüüt chömmed wo chuum no grad choi stoh, aber si lächle jo und das git ihne z recht anderi z verurteile.
eg han mich halt au verenderet und bn nümm der friede freude eierkuchen hippie woni mal gsii ben (eg lache zwar scho au vill und mache sehr gern blöödi sprüch und witze, münd jetz nid denke eg sig voll der miismacher)
aber wenn eg am tanze bin gohn eg voll i der musig uuf und bin vertüüft in rhytmus und loh mi vo de melodie lo leite. eg mach mer i demm augeblick nid gedanke drüber ob eg jetz lächle oder nid. es isch halt mini natürlechi art z tanze und eg gseeh den halt eher konzentriert us und nid lächelnd.

aber das stosst irgendwie villne lüüt uf. warum frag ich mich bloss? aber eg gloube ebe das au do widermal s selbstbewusstsii d antwort druf isch. wieso störed eim anderi lüüt an partys, wo eim aber nüüt z leid tüend? wiso stört eim d usstrahlig vo de andere? wiso stöör eg döu lüüt? eg han nie epperem z leid do oder epper usglachet oder eper usgrenzt.

die einzig befriedigend antwort uf die froog chan nur sii: will me selber es gschwächts selbstbewusstsii het. (und eg wott, und han nie welle säge, das d goaszene die einzigi szene isch wo unter dem problem leidet. und ig finde die argumentation: jo a de andere partys isches au oo zimli doof. au wenns a andere aaläss au so isch es isch immerno schlecht das es so isch)

was eg au irgndwie komisch finde isch das vill lüt wo do inne s oftghörte argument bringed:
"früeher isches besser gsii wo no alli lsd konsumiert hend." meistens eher jüngeri goaner sind wo gar nie die alte ziite erlebt hend. und es isch eifach irgendwe au en mythos das das am lsd glege isch. eg denke eher (han zwar die alte ziite au nie erlebt, bin ersch siit 2000 an goas unterwegs), das früeher d stimmig familiärer gsii isch wills halt no en vill undergroundiger szene gsii isch.

sowiit eg mich mag erinnere sind an goas immer alli mögleche substanze konsumiert worde. mich dünkts nid das sich das grossartig genderet het (villich es bitzeli aber nid massgebend). und es het scho immer lüüt gha vo gfunde hend früecher sigs besser gsii, meistens söttigi wo nach 3 johr i der goaszene endli gmerkt hend das d szene nid eso idealistisch isch wie me am aafang gloubt het. (wott do niemerem im forum eppis unterstelle eg kenne die wenigste vo euch, eg rede vorallem über lüüt wo eg us der szene persönlech kenne und i dene paar johr woni scho a goas umewandere han dörfe kennelehre)
Dieser Beitrag ist an jene gerichtet die Wissenschaft von Satire zu unterscheiden wissen.

http://www.myspace.com/miniskirtetranger
http://www.myspace.com/schngeist

:-)
Benutzeravatar
Elias
Platin Member
Platin Member
Beiträge: 757
Registriert: So 13. Aug 2006, 08:34
Wohnort: da

Beitrag von Elias »

Jeeeeeeeeeeaaaaaaaaaaaa abga ohni sich dauern müesse ILLUSIONE konsumiere, ohni das ischs namli gail (wiemer immer klarer wird)l!! Es git doch kai besseri TERAPI als tanze tanze tanze tanze tanze tanze tanze und tanze tanze tanze und plözlich chuntmer villicht, und wans nu ein MOMANT isch inen ZUESTAND wo mer KAIN GEDANKE IM CHOPF HÄT und mer isch FREI und bewegt sich und mer FROIT sich und mer TANZT und TANZT und lat SLABE eifach SLABE si, und mer schert sich en drack wies usgset , mer schert sich en drack was dwalt über aim tankt. Und wan mer merkt das mer wider afangt zwil tanke: dan GISCH UMSOME VOLLGAS und tanzisch und tanzisch und tanzisch! Und irgendwann gat mer hai und isch zwar todkabut aber GLÜCKLICH UND KLAR UND VORALLEM MER HAT KAIN schaiss Drogekater.
Und wan mer dihai i im Bettli lit und ischlaft (und mer schlaft guet i ohni Brumschadel) dan troimt mer villicht vom TAnze ta nz e t.a..n..zZ..e......
:jumper: :dj :jumper:

Bemerkung: Das Wort ILLUSIONEN fällt das erste mal, aber gross würde ich es heute nicht mehr schreiben.
Rückblick 7.12.08
Zuletzt geändert von Elias am So 7. Dez 2008, 12:57, insgesamt 1-mal geändert.
http://www.vimeo.com/elfilmias
http://www.youtube.com/elfilmias

Wage du, zu irren und zu träumen! Hoher Sinn liegt oft in kind'schem Spiel.
(Schiller)
Benutzeravatar
tannebaummanndli
Beiträge: 42
Registriert: Mi 28. Feb 2007, 18:35

Beitrag von tannebaummanndli »

'music is the real drug' - ich kanns langsam nicht mehr hören. nehmt keine drogen, denn ohne ist es sowieso geiler. na von mir aus. aber mal ernsthaft: in der goa-szene muss man nicht mit so einer einstellung kommen. die wahrheit ist, weit mehr als 50% sind an einer party auf droge. und was bitte schön ist daran falsch? ist schliesslich jeder für sich selber verantwortlich.
diese hippie-blüemli-weltfrieden-einstellung von wegen 'ich gehe nur an partys wegen der atmosphäre' wird man in der goaszene nie durchsetzen können, denn klischee hin oder her: goa ist und bleibt geprägt von drogen.
Antworten