am fritig endli becho, hani dfinger ned chöne devo lah. jaaaa ich bin en junkie
Also, mis pfifeli füregno (jaaa, das zum rauche, nöd das was ihr ez dänked
) und han das guete ding gstopft. Han mer e agnehmi atmosphäre im Zimmer gmacht, seichts liecht, cafe del mar musig ineghaue und mal lospaffed. Aber nix passierte... hani scho dänkt, entweder hetmer mi verarscht, es würkt bi mir nöd, oder das pfifeli isch schlicht und eifach scheisse... nachdemi nach 3 wiitere versüech a dem punkt acho bin, wosmer es bitzeli im chopf dreit het, de hani gwüsst, irgendwas stimmt nöd. Ich muss zu andere mittel griiffä 
Ab ufs Velo (winti isch ja zum glück chli) und in nächschte Rastaman lade go es Bong poschte. Han denkt das chas ja nid sii, das mich das nid wegtätscht, isch schliessli 20x extrakt.
Also, dihei acho, numal es nag champa räucherstäbli azündet,bong mit wasser gfüllt, chöpfli mit Salvia gfüllt, tüüüüf usgatmet und en diiiickä zug usem Bong gno...
Luft aghalte...
und aghalte...
und aghalte...
und denn dänki, also so spektakulär chas ja nid sii, und vorallem bruchi LUUUUUUFT
atme us.... und... peng
Ich merk wies mi vo mim stuehl richtig bett zieht, ich han gwüsst, my bed is my castle. Woni abligge druckt mi e mega chraft eifach richtig matraze ine, ich merk, wie ich mich nüme bewege chan und szimmer eifach allgemein i de geometrie nüme stimmt. 90° wird 120° und e gradi wand wird zumene unformbare komische gemälde.
Ich ligg also da im Bett und dänke drüber na, dass ich ja eigentlich jetzt dänn grad gah mues. Ich mues ja minere Schwöschter (Ich han scho 2 schwöschtere, aber das isch e anderi gsi) no es Pferd chaufe, und es wartet dusse alli uf mich. Aber ich han gwüsst, ich chan nöd usegah, wänn mich die alli so gsehnd (wer dass das au immer sii mag) dänn sinds mega enttüscht vo mir das ich droge konsumiere. Trotzdem han ich mich müese entgäge de Schwerchraft wo uf mich gwürkt het bewege. Ich han mich ufem Bett gräklet, irgendöpper us de lutsprächerboxe seit öppis und ich han gwüsst, die person reded mit mir und frögt mich was ich da mache. "ich gnüsse släbe" hani g'antwortet, oder ich glaub zumindescht dasi öppis gseit han, chas aber nöd bestätige.
Das ganze zieht sich über es paar minute so hinweg, das ich uf mim bett ligge und über die andere (?????) nadänke und mich hauptsächlich fröge, wieni us dem schlamassel wieder usechume. Das isch aber nöd negativ gsi, sondern es ischmer meh vorcho, als wäri en chline bueb wo grad graucht (zigi) het und jetzt hofft daser nöd verwütscht wird.
und dänn...
Langsam realisier ich wieder, wo ich bin. Ich merk, dass ich ellei im Zimmer bin, und das ich gar nieneds ane mues und das au niemerd uf mich wartet... ich han realisiert, dass ichs schön gmüetlich chan nä, und niemerd ume isch. Dgeometrie vom ruum fangt langsam wieder a stimme und mini reis gaht langsam z'ändi.
Salvia isch e sehr mächtigi droge minere meinig na. Ich han während dem Trip mini gwüssenssitä känneglernt, wo scho immer i mir drin isch, sich aber no nie und uf keinere andere droge gmulde het. Au mini person hani troffe. Ich han gmerkt, dass ich eigentlich Droge nöd brücht, es aber trotzdem mache und mich unterbewusst fröge, wieso das ich das eigentli mache. Dennoch lahn ichs nöd sii, obwohls bi mir bis jetzt no mit keinere droge so gsi isch, das sie mich, sondern das ich sie unter kontrolle gha han. Und au das ich en sehr raschtlose bin (sgfühl ich mues neumeds ane, weg). Ich bin immer echli en stresschopf und verwiilä nöd lang a eim ort.
A alli wo die droge mal wennd probiere. Mached eu gfasst, uf e völlig anderi realität. es isch absolut unverglichlich mit LSD oder THC oder XTC oder whatever... es isch es portal ine anderi wält... aber e anderi wält wo dir dich zeigt. unverfälscht, au wennds nid glaubsch.
so far, ich gang ez go penne, gnueg lang müse schaffe hüt
peace und blüemli und hebed eu sorg!
