Guarana Ampulen

[Amanita]

Ich mag zwar kein RedBull, aber Guarana ist sicher mal ein Versuch als Alternative wert. Hatte zumindest keine üblen Nachwirkungen..
Ich bin grundsätzlich um 4 Uhr am wachsten und darum geh ich jetzt auch noch etwas schlafen..

[Jones]

schluss entlich isch doch alles wo de schlaf usezögeret ungsund? wiso denn nöd 2 stunde go ane ligge? vilicht chunnt ja den nachr d sunne scho füre... und den gaht d party ersch richdig los, isch doch am schönschte am morge

[Fallen Angel 2]

Also ich finde es falsch, wenn man Koffein grundsätzlich als etwas natürliches betrachtet, dass DESSHALB weniger schädlich ist, als illegale Substanzen, die "nur" auf die Neurotransmitter wirken. Koffein in hohen Megen kann genauso unerwünschte Nebenwirkungen haben und zu Kreislaufkollaps, Herzrasen, Stoffwechselproblemen, Übelkeit führen, wie z.B. Speed. Zudem scheint mir klar, dass ein Wirkstoff der (mehr oder weniger) direkt im Hirn eine Wirkung auslöst, mit einer geringeren Dosis auskommt, als etwas, dass via Blutkreislauf irgendwie wirkt - wie es genau wirkt, da fehlt noch immer die Antwort? So gesehen bräuchte man für eine speedartige Wirkung sehr viel Koffein, was vermutlich dem Magen sauer aufstösst..

Insbesondere finde ich die Überlegung "ich will nicht um 1 nach Hause wollen, drum nehm ich etwas" per se falsch. Und zwar absolut . Denn: es bringt nichts! Wenn Du "nüme magsch" dann ist das eine geistige, in Deinem Kopf sich abspielende Unlust, die Du irgendwie in Deinem Geist verändern musst. Du kannst 10 Lines Speed runterrupfen oder 600mg Guarana runterschlucken, aber wenn DU nüme magsch, dänn bringt das - ausser enem komischen Gefühl herzlich wenig. Die Frage ist also eher: warum magst Du nicht mehr? Bist Du wirklich müde, und ausgelaugt? Oder ist einfach der Sound scheisse, hast Du vielleicht was unangenehmes erlebt (kommerzialisierte Eintrittspreise z.b.), ist Dein Hund heute überfahren worden?

Ursachen Erkennen und dann nach Wirkungen suchen.

hach ich lehn mich heute wieder weit aus dem Fenster hihi

[Melliandra]

schluss entlich isch doch alles wo de schlaf usezögeret ungsund? wiso denn nöd 2 stunde go ane ligge? vilicht chunnt ja den nachr d sunne scho füre... und den gaht d party ersch richdig los, isch doch am schönschte am morge

Ja da stimm ich dier zue, aber nid im Winter anere Indoor. ;o) Suscht bin ich voll mit dier und euses
VW-Büsli au immer. Dete isch es bsunders schön 2-3 Stündli go pfuse.

[Melliandra]

@Fallen Angel 2

Ja da gib ich dier sogar rächt. =o) (hehe hüt giz schwarze Schnee ;o))

Sägemers so: Da ich es schöns diHaime han und mega gern pfuse und eifacht
biz ume chille, das au super guet chan mache und halt au mit mine Junge 25 Jahr
scho langsam zu de ältere Generation ghöre, spiel das wo du a sprichsch @ gfallts
der nid a dere Party?, sicher en Rolle. Oder sägemer so deHaime isches eifacht gad
so schön. =o) Drum weni denn müed bin, denn duenis au nid wirklich verdränge, ussert
ebe mängisch. =o)

Dezu chund, dass ich en Typische 08:00 - 12:00 13:00 - 18:00 Worker bin und demzufolge
au ab em 10ni eigendlich immer müed bin und wens denn mal 1s, 2i wird, isch das scho spaht
für mich.

Aber zrug zum, werum will ich denn wach bliebe. Wenn ich müed wirde, denn will ich go pfuse.
No schlimmer es schlaft den eifacht mit mier. =o) zB am Züri Wescht Konsert bini im stah i pennt!
Voll peindlich. Bisch so voll i de tobende Mängi und blötzlich merksch so huch im stah schlafe chund
nid so guet mit de Standfeschdigkeit. Zum Glück isch mein Knudel hinder mier gsie und hed mi chöne
stütze. =o)

Blaaaaaaaaa lange Rede kurzer Sinn. Mier isch bewusst, dass mer kei Droge sell näh um dMüedigkeit
züberstüre, aber so alli paar Mönet machi das wieder mal und weni defür ke Speed muess näh
bini dankbar.

Und ich finde natürlichi Substanze abschreckender als Chemi. Frög mich nid werum... drum hani de
Traid überhaupt eröffnet da inne. =o)

[Fallen Angel 2]

ich ha eifach festgschtellt, dass ich wenn min körper findt, jetzt isch mal fertig - oder i 99% vo de fäll wohl eher min geischt, dasi dänn unefähr 0% Chance han irgedöppis degäge zmache, seg das mit kafi, guarana, speed oder guetem sound. wenns ferbii isch ischs verbii, und die einzig möglichkeit wo ich mir so chönt zäme riime, isch dass es e grundsätzlichi frag vo de grundlegende lebensiistellig isch wo effektiv bewürkt, wie "voll da" dasmerisch. will säge selbst uf speed würdi seelig penne, wenn ich nüme "mag", wobii ebe genau das möge zimlich definitionsfrag isch, und vermuetlich eher so ne art übersättigung darstellt, wo entweder lokal uf die party, oder global will mer i letzter ziit zvill a (insbesondere indoor) partys gsi isch, oder eifach will mer de sinn suecht statt ihn zläbe, und so lebens- und party-müed wird. und tanzmüed, dihei isches doch ach so schön, da isch alles so vertraut, so sicher, so so... aber es isch halt nöd alles im läbe... und was ich demit säge will: es GITT KEI müedigkeit, usser natürlich häsch de ganz tag ufem bou zementsäck gschleppt, und aschlüssend no chli chrafttraining gmacht, aber melliandra sorry für so mänsche wie üs zwei, isch 8-6 schaffe schlichtwegs kei usred - jedefalls wenns um müedikeit ineme körperliche sinn gaht. wohl aber, wenns um de lebensmüedi aspekt gaht, und da sind so jobs wie mir sie hey halt eifach ganz oft sehr ablöschend. und e flamme wo nüme brännt die muämer erscht mal wieder erwecke. ich glaube eigetlich nöd, dass das mit guarana besser gaht als mit speed - anderersiits hani mit ein zwei tasse kaffi scho die krassischte energieschüb erlebt, also isch das wie so oft: relativ. aber: hoffnig bestaht dänn, wenn du afangsch dra zglaube, dass das, was au immer, das isch, das du konsumiersch, und segs en stimerol chaugumi, dir jetzt häne krass de schub gitt - oder wenn di en trägg soo sehr mitrisst, dass du uf eimal nur no sgfühl häsch es einzigs wiis lüchtends energiebündeli zsii. wenn de zuestand erreicht häsch, isch es gar nüme nötig öppis zkonsumiere - bzw. erscht dänn machts überhaupt spass... ich tendier druf, dass es um en iistelligssach gaht. je länger je meh, bini devo überzügt; hilfsmittel, sind ebe nüt meh als das: e hilf - aber de aatrib und de motor vo dinere chraft bisch du, bzw. dis hirn und din körper (gnueg ässe, aber nöd zvill isch dahingehend au sehr wichtig) . und motiviere lah, vo dene herzige, coole, freakige, einsame, lebensnahe, verrückte, liebevolle, sanftmüetige, powerfule goa lüt wos det ämel so hät, mitriise lah, nöd werte, dänn klappts au mitem energie hushalt.

ob jet mit kafi oder nit

[604freund/Psykas]

also ich chan nur vo mir rede! ben mengmal froh umen chline guaranaschub! weni eifach topmotiviert ben are party, alles esch guet i ben glücklich und slauft super sound, ergendwenn werdi denn halt müed, vorallem wenns fritig esch nachere strenge wuche. i weiss aber mini lieblingsact, uf de womi scho de ganz obe froie, chunt erscht ire std, i werd scho langsam müed, denn nimm ich lieber guarana statt das ich es redbull oder 2 kaffi trinke! das esch reins guaranapulver wo pur relativ gruusig und trooche isch ( ) aber problemlos met wasser abegspüelt, oder no besser mit warmem tee gmischt wird! die suddenrush wo du meinsch kenni au, ich persönlech findsi nedmal gruusig, aber sesch halt gschamcksach, die schwarz het am meischte dine und i han bis jitzt nur die kauft und wör behaupte dasses scho en energieschub git! esch halt e priisfrog, ein so ampulle choscht ca. 4.-(oder kennt öpper en billigere aabüter? ) und en sack met 50g guaranapulver choschtet 8.-! drum bini uf di günschtig variante umgstige!

P:S: gibe allne recht v.a FA2, aber ich bruuchs mängmal glich, vorallem weli halt gern lang are party am fäschte ben, und null bock uf chemie han!

[Melliandra]

also ich chan nur vo mir rede! ben mengmal froh umen chline guaranaschub! weni eifach topmotiviert ben are party, alles esch guet i ben glücklich und slauft super sound, ergendwenn werdi denn halt müed, vorallem wenns fritig esch nachere strenge wuche. i weiss aber mini lieblingsact, uf de womi scho de ganz obe froie, chunt erscht ire std, i werd scho langsam müed, denn nimm ich lieber guarana statt das ich es redbull oder 2 kaffi trinke! das esch reins guaranapulver wo pur relativ gruusig und trooche isch ( ) aber problemlos met wasser abegspüelt, oder no besser mit warmem tee gmischt wird! die suddenrush wo du meinsch kenni au, ich persönlech findsi nedmal gruusig, aber sesch halt gschamcksach, die schwarz het am meischte dine und i han bis jitzt nur die kauft und wör behaupte dasses scho en energieschub git! esch halt e priisfrog, ein so ampulle choscht ca. 4.-(oder kennt öpper en billigere aabüter? ) und en sack met 50g guaranapulver choschtet 8.-! drum bini uf di günschtig variante umgstige!

P:S: gibe allne recht v.a FA2, aber ich bruuchs mängmal glich, vorallem weli halt gern lang are party am fäschte ben, und null bock uf chemie han!

genau so gaz mer ebe au.
Ich wett viellicht das Suddenrush scho neh, bevor ich müed wirde.

@FA

Ich han mit de Zietagab au nid umbedingt gmeint, dass ich viel schaffe. Ehnder dass das mini Biorythmus isch. Und drum
wirdi denn eifacht müed wens id Nacht ihne gad.

Ich finde mien Job rächt kuul, ehrlich gseid. Suscht würden ja nid mache. Und das es nid körperlich asträngend isch
das stimmt. Aber geischdigi Asträngig chan sich au ufe Körper us wirke.

Aber ja de Grundsatz, dass mer uf sien Körper sell lose stimmt sicher. Au isches so, dass wend müed imene Eggli hocksch
und es chund öber und fad a quasle mit eim oder es hammer Lied wird gspielt, denn isch die Müedigkeit plötzlich weg. Das
känni scho au.

Schriebe denn am Mäntig wies gsie isch.

[Fallen Angel 2]

Aber geischdigi Asträngig chan sich au ufe Körper us wirke.

Eigentlich hämmer da e ähnlichi Asicht, au wenns uf de erscht blick nöd so usgseht.
also ich würs mal so formuliere, ständige stress, chan e zimmlich heftigig uswürkig uf din körper ha, das stimmt scho. aber de körper an und für sich hett bzw. hat, durchus vill meh energie und chraft, als mer, nachneme stressige arbetstag meint. sofern du dich nöd vo luft ernährsch sind alli muskle, bluetbahne, organ und au s'hirn ständig mit Energie (Kcal oder wie au immer) versorgt und mer chönti, wämer sin geist dezue bringt, würkli abzschalte, oder villmeh: iizschalte die chraft nutze um stunde-, ja tagelang t'tanze. lsd biispielswiis verursacht ja au kei veränderig vo dinere muskulatur, sondern "nur" vo de art wie du dini muskulatur gsehsch (vereifacht usdrückt), genau so isches bi speed oder koffein. blibemer bim guarana/koffein - ich behaupte jetz mal, dass es under dem gsichtpunkt tatsächlich druf achunt was für e art vo koffein mer zu sich nimmt, ähnlich wie bi thc es druf aa chunt, was suscht no so für stoff i dem chrut dine sind, isch azneh, dass kafi e anderi würkig hät, wie red bull, was e anderi würkig hät wie guarana, was e anderi würkig hät wie schocki. eifach will zwar überall koffein drin isch - aber d'mischig zu de anderne stoff i dem stoff macht d'würkig erscht us. so äh ja weiss zwar au nöd was das mit dem thema ztue hät, aber isch ja eigetlich wurscht.

Schriebe denn am Mäntig wies gsie isch.

Viel Spass!

[Melliandra]

Uf jede Fall. Dezue chund ja auno, das ich mit Schoggi ässe was anderes
verbinde (geischdig) als wenn ich so es Guarana-Dings nimme.

De Geischt spiel sowiso viel mit. Wohni a gfange han, weniger z'konsumiere
hani glich immer was debie gha. Nur scho sWüsse, DASS mer was chönt näh,
wens den würd passe, hed mer glänged und ich hans gar nid gno.

Isch uf die eind Art biz erbärmlich. Halt scho fascht es Suschtverhalte, andersiets
wens hilft werum nid. =o)

Ich meine mier chönt jetzt dGrundfragdiskusion starte, werum brucht mer überhaupt
Droge? Eigendlich hätted mier ja all die "Stoff" i eus und mit de richtige Istellig und
em richtige Momänt, sett mer de Zuestand au ohni erreiche chöne.

Ich gseh das halt eso, dass ich uf dene verschidenige Droge, egal was, en bestimmte
Zustand ah nime und de wett mer denn halt eifacht wieder erreiche. Aber im grundgno
bin ich das sälber wo ja denn so bin, also setz au ohni gah. =o)

Hehe dÜberleggig isch da, aber ich rauche glich no. =o) Oder han sGfühl ich wirde
weniger müed, weni das und das nimme, luschdiger und offener weni das und das nimme,
geischdig beflüglet und erlüchdet wenni das und das nimme.

Naja mer muess ja au no nid vollkomme sie i eim Läbe. *schmunzel* =o) Und es gad au
definitv ohni, viellicht nid ganz so intensiv, defür blibed eim die chline Erläbnis, nüechter
viel besser im Gedächnis.

No zur geischdige Ermüedig nacheme gstresste Bürotag. Sport (au wemer sich dezue muess
zwinge) isch es sehr guets Mittel.

[dalamascus]

Aso da ih de Schwiz gits ja glaubs 3 verschiedeni und sGälbä wenni mi ned tüschä isch stärkste...
abr ich gspüre ned viel vo dene chan sicher drü oder vier abeläre bisi chlie wächer wierd...

zThailand sinds immer am so mega chline so Shotartige Taurin Drinks am drinke....
muesch der so einö mal gäh die sind guet went müäd bisch....
Das isch sRedbull in Thailand eifach bestimmt 100x so starch...

[604freund/Psykas]

Aso da ih de Schwiz gits ja glaubs 3 verschiedeni und sGälbä wenni mi ned tüschä isch stärkste...

*besserwüssermoduson*
nei es setti s'schwarze si, ben mer sogar zemli secher!
*besserwüssermodusoff*

[dalamascus]

au möglich...

naja han emale vo allne drü verschieden eh schachtle gha....

ah dere stell noh es danke viel mal ah das nette gurana werbe girl im HB....

[Geckosio]

Mich würde Guarana auch interessieren:

Kennt jemand von euch ein bestimmtes Guarana-Produkt, welches Ihr noch gut findet?
Hier hat es eine Sammlung von Guarana Produkten, jedoch weiss ich nicht welches ich nehmen sollte:

http://www.codecheck.ch/SearchResultPag ... ducts&sp=2

Am besten wäre warscheinlich ein Granulat. Möchte weniger ein Produkt wie SuddenRush kaufen.

[0x1d]

ich bevorzuge guarana nüss bzw pulver. ä mixtur mit heisse milch, schoggipulver und guarana isch würkli fein im gschmack und gmüetlich im fläsh =)
vo guarana lutsch tablete und guarana süess getränk hani nix gmerkt...