der anti-tr*p

[ische]

Zum Glück, isch die mega Party am mittag fertig xi. Klar hät sie chönne wiitergo - aber zu welem priis? Ich han nämlich gar

ned gmerkt, wie heftig das wuchenänd für mich gsi isch. am friitig obig ohni znacht ad party ond denn wach bis am sunntig.

Natürli, hani mich ständig gschont. Öb mini art vo schonig guet isch, isch en anderi frog...

am sunntig obig, bini am 20h is bett. denn hani no beidi fenschter im zimmer offe gha. denn ghöri, wie spanie s'1:0 Goal schüüsst

ond es isch verusse e bitz lüüter worde, sodass ich unmöglich hät chönne ischlafe. naja. ich stohne vom Bett uuf, mache

3 schritt zude fenschter ond gschlüsse mal s'erschte. denn laufi übere zum 2. fenschter - wo d'store dunde isch. mier isches

extrem schnell schwarz worde vor de auge - ich han's eigentlich nedemol gmerkt, das ich nüd xeh han.

ich gspüre öppis am gsicht ond ghöre de klang vom schliife ade rägestore noche. ich bin siitlich über s'fenschter mit em gsicht gäge d'rägestore tätscht.

miteme Reflex, hani mis läbe grettet. will i dem momänt, muess ich mine körper zrugg zoge ha.

denn, merk ich, dass ich irgendwo bin. mini Auge, hend nüd chönne erkenne. ich han

scho sache xeh, aber was?? ond ich han e kei Koordination meh gha. ich han mich sälber gfröged: Mann, wo bin ich? wo bin ich?

Denn hani dänkt, wie gohts mier? ond zu dene frage, hani kei antwort gha. denn hani gmeint, ich bin wahrschiinlich anere party ond heb

es huere - verdammts flash - eis vo dene, womer wahrschiinlich fascht verreckt.

äbe... ich bin immer no dert - vorem offene Fenschter, tätscht hani mi gäge d'rägestore ond mini ärm sind uusgstreckt, will ich noch

halt sueche. ich dänke: was söll ich jetzt mache? mier gohts ned guet. ich han gfühlt, dass ich mich imene stadium vo bewusstlosigkeit

befinde. Also dänk ich: lass dich ufe bode gheie, denn bisch sicherer. Will wenn mer uf de bode sitzt, bevor es eim schwarz wird vor auge,

denn fallt mer ned unkontrolliert.

hei, zum glück hani das ned gmacht. ich hätt dert mis läbe verlore. die store hät mich gar ned uusghalte, wenn ich

liecht schräg umkipped wär. uffa...plötzlich erkenn ich wieder öppis. ich xehne, das ich vor em offene fenschter stohne, woni han welle

gschlüsse ond denn merk ich, dass ich i mim schlafzimmer bin. ich gschlüsse das fenschter ond laufe, wieder 3-4 schritt zum bett.

denn hani öpper ghört rede. öpper ufem Balkon vom gägenüberliegende Huus hed öppis gseh. dä hed gmeint, ich ligge ufem zimmer-bode ond hed sich glaubs

mega sorge gmacht. denn hed är welle de schmier alüüte damit sie chömed cho luege, öb ich no läbi... also hani nochere churze ziit, s'liecht igschalte, demit

de nochber xeht, dass öpper es liecht igschalte hed, somit ich bi bewusst-sii bin.

wie hed das chönne passiere?

Es sind ganz viel gründ wo zämecho sind: - de sunne-stich: die direkt sunne istrahlig vom samstig morge bis sunntig mittag. - ich han, will ich eifach no ds starch

beeiflusst vomene mitteli xi bin, 30 tröpfli Baldrian (es stoht uf de packig 20-30 tropfen) gnoh, um vor de 22h chönne ischlafe. - de alkohol woni vom wuchenänd

no drinne gha han. - 2-3 göffs, woni dahei graucht han.

ich hät ned dörfe so gschnell usem bett ufstoh, zum as offene fenschter laufe. das hed en bluetsturz i mim chopf verursacht. de Bluetsturz hed en Shock im mim hirni usglöst.

mine Körper hed wägem Shock Adrenalin ond Nor-Adrenalin freiglah, damit ich wieder zu vollem Bewusst-Si chume. ond eso, bini wieder is bett ond bin - nochdem die

meischte Fans hei sind, iigschlafe.

hüt, gohts mer eigentlich so wie immer amene mäntig, nochere emotionale und sehr sehr schöne party. ich bin halt no müed aber chan schaffe. und ich bin froh, dass

ich euch das dörf mitteile. vielleicht hani en paranoia oder so. aber ich han emol "ghört", das öpper anere party gseid hed: jetzt hed är alles bi eus useglah.

mine anti-Tr*p report, söll jedem diene, wo öppe im gliiche boot sitzt wie ich demit das i dere Person nie wird passiere. bitte versueched, sorg uf euch ds ha, demit mier

eus alli wieder gsehnd.

[dex]

wow das isch sicherlich es recht intensivs und erschreckends Erlebniss gsi.

I chans nachvollzieh und die "Mitteli" sie halt nid z ungerschätze. Vor allem well mer sich selber de nid gspüürt.

Grenze ertaste het glaubs fast jede mal gmacht. Wenns scho sie muss de halt immer mal chlei intensiver versuche ufe

Körper zlose. Vor allem bi mehrtägige "Erlebniss"


Gruzzz

[ische]

danke.

[Titali]

chönt au mitem blutdruck zämehange!
wenn en tiefe blutdruck hesch, flügsch au i schnitz!!!
hani früche oft gha nach parties!!!
zucker, salz und kaffi hilft!
aber äbe, alles zäme chli zviel gsi wohl

[0x1d]

hui tönt heftig....
sind vilicht chli vill baldrian tröpfli gsii
und da mit em chreislauf & bluetdruck isch au guet mögli...

han au scho so erfahrige gmacht...
s heftigschte isch am morge vonre party gsii... di ganz nacht isch voll härte schrüübel sound gloffe und i ha mi mit bieri zue gleert wie en hohle...
bi am morge eich no relativ easy druff gsii... naja hani jedefalls gmeint... nach es paar riss vom güff hani s bedürfnis verspürt ufzstah und id sunne z laufe... det acho (2 meter wiiter lol) isch mer plötzli voll trümmlig worde und i ha gfunde es segi doch en schöne tag zum sterbe o.O bi denn an bode glege und s händ aaaanderscht heftigi halluzene igsetzt... so wienis eigentli nu vo 2cb oder so her kenne...
hui... denn hani denkt das ä goa party doch en denklich blöde ort zum abnipple isch und versuecht ufzstah und dagege azkämpfe... isch irgendwie nöd so gange und ha mit übelschte glichgwichststörige und optics versuecht dä wäg us em wald z finde... zum glück isch en kolleg i dä nöchi gsii womer hät chöne hälfe... han nur no voll farbigi zwirbel optics gha, und nu na d umriss vo dä lüüt so halbwegs chöne erchenne...
najo zum glück isch dä spuuk nach 10 minute verbii gsii und i han wieder easy gseh...

hach und drum chinde:
vor em suufe immer schön bödele und ufhöre wenns gnueg isch

[fungus erectus]

Und du bisch sicher, dass du nöd au no vome andere "Mitteli" beiiflusst gsi bisch?

Aso vo Fritig bis Sunntig abig nume mit Alki duremache und denn trotz 2-3 Güffs wäge es bitzeli gehupe nöd chöne iischlafe......... das chan ich mir fasch nöd vorstelle.

[ische]

quote:ich han, will ich eifach no ds starch

beeiflusst vomene mitteli xi bin, 30 tröpfli Baldrian (es stoht uf de packig 20-30 tropfen) gnoh unquote.

jo, ich bin die ganz ziit vo dem "mitteli" beiflusst xi. darum hani au die baldrian tröpfe gno. aber s'dumme isch, wenn mer scho eso starch vo öppisem beiflusst isch, sött mer ned i die anderi richtig nomol öppis starchs näh zum dagägehaue. beidi extrem isch zu extrem. denn mag min körper eifach nümme richtig schaffe, sobald sich en ächti Notsituation ergid.

no öppis zum mitteli: es isch äbe stärcher xi als das woni vorher kennt han ond mit de mängi hanis au ned im griff gha. normalerwiis check ich d'mängi, bevor ich öppis mache. dasmol, hani eifach ned glueged.

[tsheeny]

tja da lernt mer druus ke mitteli meh neh...und wenns den umbedingt sie muess...den gnueg trinke...öppis esse...au wenn di zwinge muesh dezue...früchd wered am beshde..und vorallem sich guet über s mitteli informiere...

hoffe hesh was druus glernt und dases der widder guet gaht

peace nd blüemli