de "spirit" im alltag mit gliichgsinnte läbe...

[0x1d]

es forum treffe isch kuul... s mues ja nid unbedingt inere hütte sii, verusse ischs eh au friedlich..
mer chönti sich ja mal amene schöni sunnige tägli z züri am see treffe,
isch no gmüetlich det und s hät au gnueg platz..

[draconvibes]

Also ihr liebe lütlis.
I bin vo bern und d'hütte wär richtig Schwarzeburg.
Om

[Freequencer]

Hallo zämä
Ich durfte letztes Jahr, ein Schwitzhütten Ritual miterleben, es war mein erstes Ritual auf diese art.
Ich bemerkte damals, das es genau das ist wonach ich schon mein Lebenlang gesucht habe.
Ich würde es sehr schätzen mich mit gleichgesinten zu unterhalten, das kommt in meinem Leben oft einfach zu kurz.
Auch das meditieren gelingt mir aleine nie so gut, wie in einer Gruppe von Gleichgesinten.
Da fliesen die energien förmlich, zu einander.
An Partys erlebe ich das auch, nur ist es für mich nicht dasselbe...

Ich finde das eine gute jdee..
Da würde ich mich auch, mit Herz und Seele daran beteiligen.


Wen etwas zu stande kommt, last es mich wissen.
Ich würde mich freuen mit euch so etwas zu erleben...

Ich bin dabei...

Namaste
Samuel

[Shmahu]

soodeli...

diejenige, wo ame regelmässige uustuusch intressiert sind, chönd mir ja es pm schriibe... wie gseit, es gaat mer nöd eifach umes einmaligs mysticalträffe, sondern um d ufrächterhaltig vom zuegang zum "spirit" und zu minere mitti i mim alltag... ob irgendwo dine oder dusse umes füür, mir isch beides rächt.


und es mysticalträffe wär natürli nach wie vor cool...

[wuchenendbefürworter]

Sali Shmau.

Findes e geili Idee mit dene Treffe und ich würd mich au sehr gern aschlüsse. Jobmässig hani eigentli sowieso nüt feschts, drum bini vode Ziit und vom Ort her relativ flexibel. Mis Problem isch nur, dass ich halt en Mensch bin, wo nöd sehr viel positivi Energie usstrahlt, will ich mich selber no nie würkli gfunde han. Mir wärs aber sehr wichtig neui Kontakt z schlüsse und zlerne Freud am Lebe zha und das wär glaubs würkli e gueti Glägeheit. Chunnt mer etz grad vor wie sones Bewerbigsschriibe
Nei isch würkli e super Sach...

Gruess Tschügge

[Tribalis]

Södele mäld mi jetzt au mol zum Vorschlag wo mis elfli gmacht het. So wien i das do so us eure komentär liese, goot's do um zwei unterschidlichi träffe. Es gmüetlich träffe vo mysticals zum e mol d persone hinter em nick-name kennezlerne und's glatt ha zämme mit sounde, gspröchle, chille und grille. Und es träffe zum sich spirituell usztusche. Verstönd mi nid falsch, aber für mi sind das zwei paar schue. Sich uf ere spirituelle ebeni (oder was au immer) usztusche, tönt für mi sehr indigo-kids mässig. Für es gmüetlichs träffe würi eu gärn i eusers hüsli ilade, aber für die ander "art" vo träffe gsenis nid. Stell mr vor das me da einisch im monet könt mache oder eifach ganz spontan

[dalamascus]

wür mich au freuiä wie all wo sich da gmeldet hen wen de ustusch zu stand chömt...
schwelge gad ih de gedanke as buech vom martin sutter und die dunkle seite des mondes....

wos au inere schwitzhütte sind...

[Amanita]

@dalamascus: Hui, aber die Gschicht isch glaub nöd so toll usgangä.. Stell i mer aber scho no interessant vor so in erä Schwitzhüttä.
I find ihn trotzdem dä bescht schwiizer Autor, sini Bücher hend immer voll i komischä End lol. Sorry für OT.

[Shmahu]

@tribalis: ich bin en spirituelle mänsch... bini trotzdem iiglade? muesch au kei angscht ha, s isch nöd aasteckend...

merci a alli andere "indigo-kids" (*grööl*.. was für e bezeichnig...) für eui pms... hoffe, dass es klappe wird!

[Fallen Angel 2]

I find ihn trotzdem dä bescht schwiizer Autor, sini Bücher hend immer voll i komischä End lol. Sorry für OT.

ooch und was isch mit mir
nei nur gspass, bin ja keine... hehe

@Schmahu
Finde Indigo scho irgedwie passend, wobii Crystal passt au - für die vorem 80gi geborene zumindescht *smile*

@Tribalis
hm, wohned ihr scho lang det? Es un (?) spirituells Mystical Träffe bi eu wär uf all fäll interessant, insbesondere uf d'gspröch mit diner elfe freui mi bereits.

@Topic
Es spirituells träffe zum Gedanke-Ustusch und Philosophiere und mal öppis ussergwöhnlichs mache, findi e gedigeni idee - machemer doch eifach beides

[Amanita]

ooch und was isch mit mir
nei nur gspass, bin ja keine... hehe

Schriib du mol es Buch du.. oder lies emol sini. Ein perfekter Freund oder Lila, Lila oder Der Teufel von Mailand z.B.
Ähm sind Indigo-Chind nöd älter als Kristallchind, oder was verston i jetzt do falsch?

[Fallen Angel 2]

aso ich ha mal ghöre säge, dass Crystals (wobii ich mich da vermuetlich mal wieder irre ) de Indigo's sozsäge de Weg bereitet händ, und die wo dänn so ide 80er gebore worde sind (natürlich nöd alli) sind dänn Indigos gsi. ADS und das zügs häts zu minere chindheits-ziit no gar nöd geh (zumindescht hät mers nöd so gnännt). Aber das isch es sehr heikles thema, wills dadezue ziemlich underschiedlichi uslegige gitt

chasch mir ja eis zum geburi schänke : )

[Melliandra]

@tribalis: ich bin en spirituelle mänsch... bini trotzdem iiglade? muesch au kei angscht ha, s isch nöd aasteckend...

Chichi sicher döffsch du au cho, es döfed alli cho, wens den statt findet. =o) Hehe ja und dass es mystisch wird
werde, wenn sich Mysticals träffed, das isch au klar. Gad am Tribalis glaub meh drum, dass mer de Bode nid ganz
verlüüred. Hehe händ disbezüglich scho es paar mal schlächdi Erfahrige gmacht, oder was heisst schlächt, viellicht
eifacht biz spezielli. =o)

@Fallen Angel
*grins* nimmsch denn Boxhäntsche mit. *schmunzel ;o)

[Indigo]

au läääck, und ich nenne mich da im forum usgrechnet Indigo ... .

jedefalls bini garantiert vor 1980 gebore und wise soviel ich weiss weder uffälligi syndrom (ussser s'momentane grinssyndrom) no bsunderi, überirdischi eigeschafte uf. äääh, oder bini jetzt en kristall?

[dalamascus]

ha gmient du bisch eh farb...