füürlaufe

[nexus]

...er hät mi gfrägt öbi aumal möcht? sich nöd verbrennt doch sini kolegin scho, im spital glandet.. hät gmeint wichtig isch dasmer im reine isch mit sich, klar im chopf

hät da schomal öper erfahrig gmacht?

[Carola]

Hallooooo....

ich han kei ahnung wies funktioniert, aber ich weiss dass es funktioniert!!!!!

Bin selber einmal übers Feuer glaufe und es isch de wahnsinn gsi (im positive Sinne)...han aber kei klassische instruktion ka (was für mi i.o. war) und es hät mi mega überwindung kostet...s Feuer war so heiss und hät mir im Gsicht brennt, wo ich no davor gstande bin...
als i aber sowit war, bin ich eifach drüber...als würdest a gmütlicher spaziergang mache...han nüt me vo de Hitze gspürt und bi einfach drübergwackelt...kei Gedanke mehr, kei Zweifel, nüt....nur nos Feuer und ich...Trance!!!
wie ich denn drüber war, han i nüme ufhöre könne mit lache...

Glaub ma muss sich wirkli ganz sicher si und frei im Kopf und Herz i dem Moment...

und, das Feuer mache sollte ma au net selber...gibt da einiges was zum beachte isch...de untergrund, s holz, usw....
also net mal schnell übers lagerfeuer laufe, da könnt ma sich a stein oder anderem züg böse böse verbrenne---besser vo em Profi mache lo ; )

[juerg]

..hab diese erfahrung bislang auch ausgelassen...

Glaub ma muss sich wirkli ganz sicher si und frei im Kopf und Herz i dem Moment...

das ist sicher von vorteil...

und, das Feuer mache sollte ma au net selber...gibt da einiges was zum beachte isch...de untergrund, s holz, usw....

und nach der ausbreitung der glühenden holzkohle ein moment warten, bis sich darauf wieder eine leicht isolierende aschenschicht bildet...

sicher auch einen weg um sich, von einigen übernommenen limitierenden gedankenmuster, zu befreien

[nexus]

Merci fürd antwort Carola!
Du seisch "Trance" in thailand giz doch so es fäscht wo dlüt sich sache durde körper stecked abr kei schmerz verspüret, die säget sie sind in trance. Du häsch d'Hitz garnöd gspürt? häsch denn gar ken Unterschied gspürt zwüschedem chalte bode und de gluet währendem laufe?
ja er kennt öpper wos regelmässig macht, mit vorbereitig. und xait seg eifach hammer

[Carola]

Han die erste drü Schritt wirkli nüt gspürt vo wege de Hitz...denn han i vom Füür es kliss Küssli überko...han i aber nur a dem tag gspürt und im moment vom laufe han i nur s küssli aber net hitz gspürt...und danach? händ mir d bei total komisch kribbelt...bin mega ufglade und voll energie gsi

isch aber glaub für jede irgendwie anders...
drum machs am beste selber, wenn d lust dazu verspürst!!!

[Dragonfly]

Hmmm, auso bi irgendeme Qi-Meister chönnti mer no vorsteue dass das funktioniert (Konzentration vom Qi uf ei Punkt im Körper, i däm Fau äbe d Füess). Aber öbberem wo sich do nid uskennt würdi itz drvo abrate das z mache, ganz ehrlich. Weme mit de Händ id Gluet längt verbrönnt me sich jo au und abgseh vodr Hornhut wome ade Füess het gsehni do nid sone grosse Unterschied. Aber vilicht isch jo äbe d Hornhut so robust, dass si für es paar Sekunde so grosse Hitz vertreit ohni grosse Schade z näh.

[nexus]

@Dragonfly: dänks nöd dass bi 4bis 600 grad d'hornhuut odr d'duur vode berührig e rolle spilt.. ich schaffe mit heisse grät, chumi nöimez usversehe ah verbrenni mi, doch fass ich öppis und ich weiss es isch heiss, brennts mi nöd.
no was xeh..

[Carola]

@Dragonfly: nei, nei so gfürchtig isch es scho net
musch einfach dra glaube könne und s wirklich welle...
sonst könnts glaub scho no unangenehm werde...
blöd isch sicher au wenn ma unterbewusst net bereit isch und
glaubt/denkt ma müsse trotzdem drüberlaufe...
und wie scho gseit...net eifach as lagerfüürle mache und drüber
laufe....

@Nexus: haha, weisch ja e scho wies goht

[freakfraueli]

Also ich bin au go Füürlaufe.
Das isch es einmaligs Erläbnis und für mich nid wirklich rational erklärbar.
Es isch öbbis wo me mues sälber erläbe, so wunderbar isch das!
Ich han das Z Wettinge mit Vorbereitig gmacht:
http://www.feuerlauf.li/offene_seminare.asp
vo eusere Gruppe het sich niemer ernsthaft brennt (chlini Blotere sin aber z.T. scho vorcho)
und d Stimmig wos git bi somene Alass isch einmalig.
Es isch zwar nid ganz billig, aber s zahlt sich in Emotione vielfach zrugg!!

allne es schöns Tägli

Firewalkerin

[Tom]

Jep, es funktioniert...

Hans au scho gmacht. Esch würklich sehr speziell. Mir chads nöd beschriebe... Esch au mit Vorbereitig und so gsi, aber die hed mich persöhnlich meh g'stört als rechtig vorbereitet... trotzallem bini über die heissi Gluess gloffe und hanmi nöd Verbrennt. De Chopf muess wie en Art leer sie, ich han mir nöd dörfe "Bewusst si" dasi do über en heissi Sach laufe wo mi normalerwiis Verbrönnt... Extrem spezielli Erfahrig gsii, würd iwedermol mache, aber mit andere "Gruppeleiter".

P.L.U.R Tom

[nexus]

@freakfraueli: (chlini Blotere sin aber z.T. scho vorcho)
ha ghört det wod fuessreflexzone fescht reagieret chas bläterli geh, drum isch wichtig dass eim würkli guet gaht körperlich und geistlich..

[damiana]

Füürlauf!
Hallo wie bescheuert sind den Ihr?

[Bloodhound]

Muss eine interessante Erfahrung sein...und ist absolut machbar, unter profesioneller Anleitung natürlich nur. Firmen gehen Feuerlaufen als Teambildungsanlass, man muss also kein Shaolinmönch sein um sich hier nicht zu verbrennen...

[604freund/Psykas]

ich denk aber es braucht auch mut bzw überwindung, und ich kann mir gut vorstellen dass nicht jeder es verbrennungsfrei schafft! also bei uns im geschäft... pfff... das wär ja lustig... weiss auch nicht ob ichs machen würde... reizen tuts mich schon, aber hab schon mega respekt vorm feuer...

[Carola]

@Damiana: bescheuert genug um daran zu glauben, dass es funktioniert