de kuss vo de göttlichkeit...

[Shmahu]

hallo ihr liebe!

känned ihr das gfühl... plötzlich, i eim unvorhersehbare momänt, vo de göttlickeit berüehrt zwerde? d schöpfig i ihrere ganze schönheit und vollkommeheit z erkänne? sich plötzlich ganz und gar als teil vo dem unglaubliche universum zgspüüre? ich chans mit wort nöd beschriibe.. wort chömed nöd a das ane... aber die, wo das scho mal erläbt händ, wüssed, was ich meine..

das isch mir hüt abig passiert, woni s lied vome guete fründ glosed han (dörfi da en name nänne? ich hetti en musikalische gheimtipp *g*)... ich han das gfühl so starch scho lang nüme gha und hüt, woni das lied glosed han, häts mi mit eim mal überfalle und mir sind nur no d träne übers gsicht gflosse.

ich erinnere mich a anderi momänt.. eimal ufeme nachtspaziergang, en lüchtende sternehimmel über mir.. ich han zu de sterne gluegt und plötzli häts mi berüehrt... und ich han nur no chöne ufd chnüü sinke vor ehrfurcht und überwältigendem glück und dankbarkeit.

immer wider suechich nachem sinn vo mim dasii.. i so momänt erinnerich mich wider ganz genau.


es wür mir freue, eui gschichte zghöre...

[juerg]

Chunnt mir mängmal bim tanze vor
wenn ich mich voll de musig, une und obe (mueter erde und universum) öffne..
somit mich dur d musig und d atmig, ganz ohni gedanke, im hier und jetzt befinde
wenns denn no ame "chraftplatz" ide natur isch, "passierts" no eifacher...

S grösst highlight i dem bereich hani dä summer z Ozora zum Hallucinogen sim liveact
dörfe erläbe Hare OM

Susch hanis au scho bim "liebi mache", wenns zunere volle verschmelzig mit eme gmeinsame höepunkt choo isch, dörfe erläbe.
I dene moment hämmer beid mit gschlossne auge en uu mängi, a farbige liecht "chugle-blitz-explosione", uf euis zuecho gsee...
(es sind käni substanze im spiel gsii )
Dä moment und dstunde danach sind eifach Göttlich gsii

Im moment "begnüegi" mi, die sensatione bim tanze ev. z erreiche...
aber wie de Kollegoli, au scho gseit hätt...
chas au det vorcho, dass me mit de musig "liebi macht" und en Kosmische Orgasmus erreicht...
wenn denn glichziitig no anderi mänsche sich au i dene himmlische zueständ "befindet-begebed"...

ich glaub eifach wenn irgend e handlig, voll liideschaftlich und vo herze usgüebt wird,
me zumene kanal vo kosmisch-spirituelle energie cha werde.
Drumm cha zu so "produzierte" musig liideschaftlich ztanze en guete "weg" sie,
zum wie du Shmahu schriebsch,vo de gottlichkeit berüehrt zwerde

En ehrlichi und grossi dankbarkeit defür chann au dezue füere die gfühl immer öfters,
erläbe zdörfe

[Zauberhäxli]

Wie bim Jürg passiert mir das mängisch bim tanze, ich verschmelz dänn mit dä Musig und verspür nur no Glückseligkeit, woooooow!!! Zit spielt kä Rolle meh und ich fühl mich dänn ganz und wohl.

Oder ällei amne wunderschöne Plätzli bi Sunneschii, mä liegt det und hät Auge zue, mä gspürt die wunderbar Wärmi vu dä Sunne und fühlt sich sooo wohl und geborge!

Es hät scho äs paar so Situatione gäh wo ich so äs Gfühl vu dä Göttlichkeit gha han, die wunderbarschte Augeblick vu mim Läbe. Nur momentan chömed mir grad kei anderi Bispiel meh in Sinn!

[Nicolas]

In meinen Augen kommt das vor, wenn man sich von allem Materiellen und Irdischen loslöst, sich mit dem Universum verbindet. Ich hab diesen Bewussteinszustand bisher nur in sehr tiefen Meditationen erreicht. Man wird Kanal und von universeller bedingungsloser Liebe durchflutet, was einen "physischen Orgasmus" locker überttrifft und viel intensiver ist.

Ich weiss nicht, ob das für mich an einer Party möglich wäre...

[piraña]

...also, für mich hets zwei arte fo göttlichkeit...

...die eint isch irgendwo zwüschem solar plexus und em letschte wirbel am ...ääää... rücken unde...
...es isch wienes liechtli, dass sich sehr sälte zeigt, au wenn i weiss, dass es immer i mir brönnt...
...meischtens spüris bi extreme begäbeheite, oder i läbesbedrohliche situatione...
...aber de ächte - nid bim bungee jumping oder eso...
...has scho sit füf johr nümme gschpürt, aber das isch mini inneri göttlichkeit, oder wie mer dem wett säge...
...es isch wunderschön, und ich bi froh, dass ich es i mir träge...
...het mi au scho vor gröschte dummheite gwarnt oder grettet...


...und de kenni no die, die osserhalb fo mir stattfindt, sich zwüschedüre in voller pracht zeigt, mitere vollkommeheit, die ich mitem verstand gar nid chan fasse, geschweige, sie beschriebe...
...hasi au scho anere party gse, in form fo nid igbildete tierli (chäfer ufem tanzfäld, wiibärgschnäggli im nasse gras), oder bim wandere, wenn ich langsam müed worde bi, und mir plötzlich bewusst worde isch, wie chli ich bi, vergliche mitem bärg, woni druff laufe...
...und denn die unfassbar wiiti fo dem, wo anderi universum nennet, versuech mir vorzstelle...
...und denn überwältigt wirde, dass sich mis chline, göttliche, zarte liechtli plötzlich mittem ganze verbinde chönti - wenns das nid scho immer gsi isch(nur, wo würd das hifüere, wenn is die ganz ziit wür spüre???)...
...das wär en ächte komische ... ...

[Melliandra]

Ich han das au scho erläbt und (glücklicherwies) erläb ich das nid nur sälte. =o)

Für mich isch es so es Gfühl, resp en obtischi Wahrnehmig. Meischdens ganz fiiiin und nid für en sehr
en langi Ziet aber ich nimmes doch wahr und muess denn so fescht grinse, dass wend mich öber würd
beobachte, würd dänke ich seig

Mien Fründ hed das Gfühl ganz guet beschriebe. Es isch en Art es verschmelze mit allem, Universum seid
mer dem glaubs und glichzietig isches es Gfühl vo ganz nöch. Hm... isch wirklich no schwirig zum beschriebe.
Ich chum denn so wie en obtische Anderscht-Blick über. Mini Auge nämed denn viel stercher gad das wahr
wo um mich ume isch (es wird alles viel intensiver) und glichzietig verbindets mi mit de ganze Erde und mit
jedem Gfühl wo ume isch. Das gid denn i mier es Gfühl vo simpler und eifacher zFriedeheit.

Ich han das s'erschte mal gha, binere ganz komische Sach. =o) Ich bin deHaime gsie amene SA Namitag und
han RTL II glueget und denn chund doch immer so Werbig vo RTL II sälber. Meischdens en Ma oder Frau, sexy
a gleid und biz mystisch. De Hindergrund gsehd so us wie ufem Mond.

Und flub hed sich mies Blickfäld avo wandle. Voll extrem han ich mini Wohnig avo wahr neh und die Werbig hed nue
so use gstrahled, jedes Detail vo minere Wohnig hed die glich wichtig bedütig übercho. Au mini Pflanz sind viel saftiger
und grüener gsie und ich han so wie gspührt dass de Chreis sich schlüsst. Glichzietig hani mis Chind im innere wahr gno,
wo so gspührt hed dass alles möglich isch uf dere Wält. =o)

Ich han das Gfühl oder de Zustand a de komischte Ort. zB ganz viel, wenn ich ufeme WC sitze irgendwo. Also nid bi
mier oder ener Wohnig wo ich känne, sonder irgendwo imene Club oder Restaurant. =o) Allgemein hani das viel weni
ane neue Ort ane chume. Ich chan denn so wie biz us mier use trätte und gseh mich i dere Situation, ebe als Teil vom
ganze. Ziet spielt denn kei Rolle meh und für mich isches es Zeiche vo minere Seel, wiet weg vo Ego, Erfahrige, Ängscht und
sönige Sache. Eifacht dSeel wo freud hed a dem Läbe und drum au mit allem verbunde isch.

Weiss nid öb du genau das meinsch Shmahu?

PS: Han mer au scho überleid öb das schlicht und eifacht back-flashs sind, aber ich glaube min Konsum vo früener hed
mich eifacht offe für so Idrück und Gfühl gmacht. Jetzt au im nüchterne Zustand. =o)

[Kollegoli]

ja das isch wahrlich was sehr schöns. ich gseh de sinn drinn, min dasiinszuestand möglichscht konstant in dere verbundeheit zverbringe.

bem tanz chunnt be mir das gfühl mittlerwiile mega schnell und chräftig uf. deswege hanich bem tanz au öpe so 6 mal miini normali chraft (das ohni droge... mit würich säge hani öpe 25 mal miini normali chraft und jedesmal, nachdemi droge gno han, chumis nöchstmal ohni scho en schritt wiiter)

gester hani das gfühl au gha. ich bin ade bushaltestell am warte und am musig lose gsi. ich ha plötzlich festgstellt, wie alli pflanze sich so mega krass de sunne zuewänded... sie strecked sich mit allne gliedmaasse irgendwie orgasmusartig zur sunne, so als würeds mitem gsicht zur sunne vo ganzem herze schreie "jaaaaaaaaa" und würed, wells jede tag vo neuem mitem für sie allergrösste beglückt werde, völlig in ihrere verbundeheit versinke so dass die träne, wo sie am afang us liideschaft zu dem ganze schauspiel i de auge gha händ, bedüütigslos werded, wells inen zuestand chömed, wo alles "wältliche" bzw. (gedanklich) materielle absolut null bedüütig hät und sie nur no die puuri geilheit vom lebe fühled und in ihre versinked.
das gsehn ich, wenn ich sie mit eus vergliich. und da chunnt au be mir es gfühl uf, wo öpe a "hey kollege, hey brüedere und schwöstere, ihr sind eifach geili sieche" ane chunnt... und au ich lueg dann in himmel... ich ha dann de mond gseh und erchennt, wie de eifach det isch, vöööööööööööllllllllllllllllllig, absolut vöööööölllllllliiiiig egal was mir mensche da so triibed... er isch eifach.. er luegt eifach zue, jedoch hat das was mir da so triibed, im vergliich zu sim orgasmische dasii absolut null bedüütig. gnau so ischs au be de dpflanze. sie nähmed was ihne gäh wird und lebeds so lang det, wies halt lebed, völlig egal obs vo eus chönntet am nöchschte tag gfällt oder kaputt gmacht werde... die angscht isch ihne völlig fremd. das unterscheided ihre zuestand ufe art vo eusem. sie läbed irgendwie in völligem friede, egal wieviel chrieg um sie ume isch. und so gids mir au öpis, wennich alli bäum wo us menschlichem wahnsinn falle müend, im regewald zb, denk... sie falled zwar, doch uf e art in friede... sie händ scho so viel orgasmigkeit erlebt, dass ihres dasii sinn gmacht hät. (aso natürli heisst das nöd, dasses nöd mega schlimm isch, wenn sie gfällt werded.. aber ich weiss, es isch ihne guet gange und es isch geil für sie gsi, so langs halt eifach gsi isch)


so , jetz hani chli wiit usgführt.

grüess

[Indigo]

gott küsst ziemlich gut

[Shmahu]

danke für eui schöne biispiil..

@jürg: ja, vom tanze känni de zuestand au und au vom "liebi mache".. wämmer en partner hät, wo im momänt vo de körperliche vereinigung au sini seel öffnet, sich eim sälber und göttliche energie bedingigslos hiigit, dänn chamer gmeinsam nach de sterne griife... ich han uf die art wunderschöni erläbnis gha wonich mit mim partner zäme nur no i wälle vo liecht gschwebt bin... das wirdi nie meh vergässe.

@nicolas: du häsch das schön beschribe, das durchfluetet werde.. es wür mi interessiere, was du für meditationstechnike awändisch?

@piraña: ich känns wie du uf die zwei arte... s einte isch das liecht, wo immer i mir brännt und wo mir i schwirige situatione scho unheimlich troscht gspändet hät. und s ander isch das überwältigende gfühl wo meistens vome üssere erläbnis uusglöst wird, und mir i dem momänt zeigt, dass de sternehimmel und ich eigentlich us de gliiche substanz sind, vom gliche "liim" zämeghebt...

@melliandra: ich weiss nöd, ob mir vom gliiche erläbnis redet.. ufen art chunt mir das, wo du verzellsch, bekannt vor, ich empfind de zuestand aber immer als irgendwie bedrohlich, wänich so us mir use tritt und mich inere situation beobachte... es hät uf jede fall dänn nüt mit dere überwältigende liebi ztue, wonich i dene momänt empfinde, wänn mich "d göttlichkeit küsst"..

wägem konsum: mich händ erfahrige mit substanze au empfänglicher gmacht für so erläbnis, au wäni hüt chum no was konsumier.. d erinnerig langt zum en kanal öffne.

@kollegoli: das häsch du mega schön gschribe... i söttige momänt nimich i planze und anderne läbewäse di puuri ekstase vom dasii au wahr, di puuri luscht und freud am lebändig sii.. und du häsch wohl au rächt demit, dass en baum d angscht vorem gfällt werde nöd kännt, will er in fride isch mit allem. und au ich bin i dene momänt in fride mit allem wo isch, will ich nüme in richtig oder falsch bewerte, sondern mich eifach drüber freue, dass alles sin dasiiszwäck so perfäkt erfüllt.
ich wünschti, ich chenti de gfühlszustand länger uufrächt erhalte.. es chan sie das ich nach wenige stund bereits wider drunder liide, wie achtlos d mänsche mit de erde und irne läbewese, mit eusne brüedere und schwöstere, umgönd. dänn fallts mer wider schwer artevernichtig, chrieg, uusbüütig, abholzig, folter und tierquälerei als teil vom grosse plan z akzeptiere...

[Anam Cara]

ich daenke ich weiss welli momaent du meinsch.. wommer weiss, weshalb mer da isch... und isch...
... wenn mer sich vo liebi und tuefem innerem friede usgfuelllt fuehlt... es sind die momaent wo mer choent bruelle und lache glichzietig... uf knue gheie oder wild umenand huepfe... und ned gnueg oft cha danke saege.... es laht en energie frei womir eus saelber neu drinn erchaenet... es git eus so es schoens gfuehl, vonere neue begegnig i dere welt i dem dasi....
... so momaent versuecht mer feschtzhalte.. wot si ned wieter zieh lah.... und was bliebt... isch es gfuehl und e wunderschoeni erinnerig a oepis wo mer weiss, es isch da... unkontrollierbar... und ganz saelte mal griffbar...

[schalllabor]

meine geschichten sind viel verschachtelter und darum schwer zu beschreiben aber auch echt und deshalb interessant.

ich habe auch viel aus eigenen fehlern und die anschliessende wiedergutmachung gelernt.
die frage war, wieso ich lebensfreude und die damit verbundene kraft verliere.

könnte etwas hilfe von anderen menschen gebrauchen. wissensaustausch und vermittlung würde mir viel bringen.

vielleicht interessiert mein geistersound >> http://www.naturgeraeusche.ch/para.mp3

hallo ihr liebe!

känned ihr das gfühl... plötzlich, i eim unvorhersehbare momänt, vo de göttlickeit berüehrt zwerde? d schöpfig i ihrere ganze schönheit und vollkommeheit z erkänne? sich plötzlich ganz und gar als teil vo dem unglaubliche universum zgspüüre? ich chans mit wort nöd beschriibe.. wort chömed nöd a das ane... aber die, wo das scho mal erläbt händ, wüssed, was ich meine..

das isch mir hüt abig passiert, woni s lied vome guete fründ glosed han (dörfi da en name nänne? ich hetti en musikalische gheimtipp *g*)... ich han das gfühl so starch scho lang nüme gha und hüt, woni das lied glosed han, häts mi mit eim mal überfalle und mir sind nur no d träne übers gsicht gflosse.

ich erinnere mich a anderi momänt.. eimal ufeme nachtspaziergang, en lüchtende sternehimmel über mir.. ich han zu de sterne gluegt und plötzli häts mi berüehrt... und ich han nur no chöne ufd chnüü sinke vor ehrfurcht und überwältigendem glück und dankbarkeit.

immer wider suechich nachem sinn vo mim dasii.. i so momänt erinnerich mich wider ganz genau.


es wür mir freue, eui gschichte zghöre...

[Bhabrâ]

ich kenn die momente
und ich spür si jede tag u jedi sekunde woni läbe.....................