schons* hat geschrieben:...ja... das isch würklich ä schöni idee. än kreis zgründe mit vielne gliechgsinnte lüt. aber irgenwie chunt mer das ganze übers internet chli schief ine. naja. wieso nöd bi dä lüt direkt um eim ume afange? ich glaub mer sött chli meh mit dä lüt über so sache rede, dänn merkt mer nämlich, dass no viel mensche ähnlichi ideeä und vorstelligä vom läbe händ.
und irgendwie ischäs doch voll trurig, dass mer dä "spirit" fast nur a partys gspürt und nöd au im alltag under dä wuche. dä alltag macht ja schlussendlich au dä grössti teil vo eusem läbe us. ich glaub mer muss bi sich sälber afange. wenn mer selber dur dstrasse lauft und dä blick verschlüsst, chan mer schlecht die schöne sache bemerke, die um eim ume sind. meistens gaht mer ja scho mit offenem blick ad partys, isch ja klar, dass mer dänn empfänglicher isch fürd energie.
ich weiss selber wie schwers isch im alltag ufmerksam zi und dä lüt id auge zluege. mer hät soviel anderi gedanke und isch irgendwie immer wo anderst (oder oft) aber wenn mers mal macht und dä mensche is gsicht lacht, lachets zrug... und das isch öpis vom schönste, find ich.... und mer gspührt dliebe zunenand, obwohl mer sich gar nöd kännt. hammer!
...ich hoffe ihr chönd eue "zirkel" gründe...
...hallo schons*...ich wett dir gärn en gedankenaschtoss in richtig du gä...ich ha jetz din itrag gläse, und mer isch mer so mer ufgfalle, das mer, und wenn mer scho mer und mer, denn würdí doch liebend gärn wüsse, wer du mit mer meinsch - öb dich, die andere, oder sogar mich oder üs demit meinsch, oder öper, wo mer heisst ...ich fühl mich dur die viele mers i dim
churze text verunsicheret, so dass i weder s gfühl ha, mich agschproche z fühle, und no weniger, dass du meh fo dir schribsch, als vo mer...ich hoffe, du bechonsch das nid in falsch hals, denn es isch würkli lieb fo mir gmeint...
...ich hole mir mini spiritualität au i de stadt, bim ichaufe, und in letschter ziet immer meh au a plätz, wo sich viel mönsche versammlet, in erinnerig...du hesch absolut rächt shmahu: hättet d gründer vode erste goapartys sonen haltig gha, dass es ehe nüt wird, denn häts nie en goaszene gä...und somit wohrschinli au kes mysticalforum...es isch eifach z säge, es goht nid - was übrigens ufs gliche usechont, wie das mitem mer...mer redt de fo es, und es goht nid um es...wenn ich schriebe, denn versuech i oft ich-bezoge z schriebe, denn bliebt weniger platz für mer oder es...
...ich finds en wunderschöni idee, au wenn ich mühe würd ha, überhaupt ziit chönne ufztriebe, um mich mit glichgsinnte z träffe...für was ich z ha wär, sind im früehlig oder sommer träffe im chlinere rahme, irgendwo amene ruhige platz, am beschte amene see...samschtig nommitag, zämmesi, rede, ohni enand z verschlüsse mit ussage, sondern eifach jede und jedi, sowies gseite ahnäh, nid zerdiskutiere, nid klugscheissere, sondern lerne, enand besser zuelose und akzeptiere...mängisch gohni mit mönsche kontäkt i, und es entschtoht schnell en basis, es vertroue...en akzeptanz, en verbundeheit...en party isch scho sehr speziell, denn da steckt mich dä näbe dra viellicht no a, no offener z wärde, oder öper seit öpis luschtigs, und find ne/sie drum sympathisch, und mängisch sinds hunderti seelene, die denn vermuetlich offener sind, als schüscht...mir gits jetzscho sehr viel, wenn ich mich an gwüssi mönsche erinnere, wenni gwüssi erläbnis probier mir is gedächtnis z rüefe...wie zum bischpiel das wochenänd amene tisch, irgendwo inere hütte im freakthal...und wenn ich denn die mönsche wieder emol gse, denn - bin ich überzügt - wärdets mir guet tue, oder wenigschtens mir es schmunzle entlocke, egal ob under de woche, oder anere party...
...und im aschloss an see wärs glaub nid verbote, sich am gliche wochenänd au anere party wieder z träffe, viellicht enand e chli nöcher, als vorhär...
...ich bi überzügt, dass ich und einigi fo euch dass oder ähnlichs würdet änebringe, au wenns nid eifach isch, en termin abzmache...mir wärs jetz z eifach, z säge, "es" goht nid, das bringe "mer" nid äne...will mich das es und das mer vor de verantwortig drücke würdit, emol würkli aktiv z wärde...
...und das findi irgendwie grund gnueg, um z säge: ich wär debi...
naja mer muess ja au mal was mache, nid nur rede, oder? 
