Ja also ich wüssti do scho e gschichtli zum verzehlä.
Alles het agfange mit dem Thread
viewtopic.php?f=32&t=11945
Es isch natürli nid eso glaufe das er mich gsuecht het oder ich ihn.
Aber sind mir mal ehrlich, wenn laufts i dr Liebi scho so wie mers plant oder denkt het. Eigentlich isch er gsuecht worde und ich (damals hani d schnauze voll gha vo männer grad zu dem ziitpunkt) han chli blöd dri gwäffelet i dem Thread.
So isch es den zstand cho das mir plötzlich pn am schriebe gsi sind und eus churz druf abe den au troffe hend. Eigentlich hend mir beidi am afang gar nid recht wölle wohrha das mir enand gfalle.
Mir hend eus es paar mal troffe und schöni Obig verbrocht und über gott und welt diskutiert und langsam gmerkt wie glich und trotzdem verschiede mir sind. Wie sehr es eifach irgednwie passt. Mir hend irgendwie langsam gmerkt, das das wo mir suechet eus sehr nöch isch.
Aber wie scho am Afang erwähnt, i dr Liebi laufts nie eso wie mer denkt. Mir hend no es paar Wuche gha für enand und mir hend beidi gwüsst er gaht noher für 3-4 Mönet uf Afrika. Und so hend mir beidi nid gwüsst was drus wird und ob die jung Liebi mag e Trännig scho wieder dure stah.
Schlussendlich sinds di längste 2 Mönet gsi vo mim Lebe
Er isch frühner wieder hei cho.
Das alles isch jetzt den gli es Johr her und es het sich sehr viel i mim Lebe veränderet. Ich han en absolut tolle Fründ, wo ich überalles liebe, mir wohnet inzwüsche zäme und mir fühlet eus beidi als ob mir entlich acho sind. Alles was mir bis anhin immer gsuecht hend, hend mir i dere Beziehig und i eusem neue gmeinsame Lebe gfunde. Mir hend zäme scho es paar Schwierigkeite duregstande und für mich fühlt sichs a, als sind mir enand immer no nöcher cho.
Ich het nie denkt, dass mer übers Internet würkli eso en Glückstreffer lande chan.
Scho öppe en Frosch isch nämli vorher eifach en frosch blibe.
Aber offesichtilch het damals s Schicksals guet mit eus gmeint und obwohl ich nid immer so denkt han, bin ich froh gsi, han ich do uf MF echli umegschnäugt.
Ich hoffe du bliebsch ewig bi mir, den du hesch mir Flügel gschenkt. Ich lieb dich vo ganzem Herze min Schatz.
ich meine: nein. bin nur ein wenig die fremdsprachen der überirdisch versklavten tierchen am lernen 
von nullkommanullnulleinisch über den dunklen turm, sogar bis zu den rosaroten söcklein 
werden (falls er das nicht schon ist)... 
