ou...shit! voll vergässe:

[piraña]

HERBST


(übrigens: viele dank, das ihr min sommer so schön mitprägt hend...dä wird mir no lang i erinnerig bliebe!. einigi vo eu au.)

[bestia_climae]

jaaaahaaaaa, de hörbscht macht feng uf sich ufmerksam... diesiges wetter, nebelmeere zum abtauchen, laub, aus dem das chlorophyll weicht und den farben des lebens platz macht, laub, das zu boden gefallen ist, kastanien, die aus ihren stacheligen schalen hervorkullern, und ja, min schal wird bald wieder min tägliche begleiter sii... *kuschel*

[halucinognom]

und ja, min schal wird bald wieder min tägliche begleiter sii... *kuschel*

isch o im summer mi täglech begleiter miiiiiiiiiiiiiaaaaaaaaau

[Melliandra]

und ja, min schal wird bald wieder min tägliche begleiter sii... *kuschel*

isch o im summer mi täglech begleiter miiiiiiiiiiiiiaaaaaaaaau

*nickend zu stimm* *schnurrrr*

[dex]

Trotz chältere Temparature freu i mi uf de Herbst.

Es isch immer wieder schön wie d Landschaft immer Farbirger wird als wär de Maler mit em Pinsel übers Bild und het jedem Baum e neue astrich ghä

Uf chalt Nebel Räge Pflotsch bin i au scho vorbereitet. Bin gester 10 Bücher go bstelle wo uf minere "wot i no lese" Liste stöh. Freu mi scho uf veli gmütlichi Lesestunde vorem Schwedeofe deheime.

[bestia_climae]

isch o im summer mi täglech begleiter miiiiiiiiiiiiiaaaaaaaaau

das isch mini kappe vo wege 'o im summer' *schänorrr*

hmm, geschter hani ganz gmüetli mite kollegin the doors gluegt, isch u gmüetli und kuschelig gsi. dusse vorem feischter het sich de nebel gsammlet, bis er schlussendli alles verschluckt het

ou man, sonen kachelofe wär au na was tolls

freu mi scho druf, dur die riesige huufe vo laub zwate, hihi. eini vo mine liebschte beschäftigunge

[blaues hufeisen]

...ond den, de hang abegumpe, wo voll trochenem laub isch. yeah!

ond hoffentli chani bald mol miteme Waudkundige go "piutsle".

das will ich scho sit johre aber hed sich nie ergäh. wahrschiinlich, will mer sini plätzli ned verrate, debi gits esoo viel plätzli. . .
bruuche äbe nur mal en richtigi lektion vomene Sachkundige. würd denn scho sälber use goh.


bin also dankbar, wenn sich öpper chönnt bi mier mälde (bitte pN), zum mal erschti erfahrige sammle.

p.s. am wuchenänd hani's doch prompt erläbt - natüürli hani e kei ahnig gha aber bin zmitzt imene Pilzwäldli am chille gsi - wo mich am 5fi am morge en Pilzler es paar meter mitgnoh hed - de waldbode hed zimli viel steipilz la spriesse. ech han später au 1 päärli vo de kahlkopf-family troffe. sie hend sich mal churz vorgstellt, glaubi. han sie denn aber müesse lah sii - demit sie sich wieder chönd sich sälber widme....

oh lala - jetzt kenn ich also schomal de Steipilz (pässlet mer au LOL) ond d'Eierschwämm (die sind jo ned so schwer z'erkenne). isch sehr mystisch sones wäudli - welch ein wunder... die piutsli sind sicher fein.

[bestia_climae]

oohh, go piutsle woti au scho siit längerm mal... ha nu leider au nöd würkli ahnig vom sueche, erkenne usw.

[blaues hufeisen]

jo äbe gsehsch, jetzt simmer scho 2.

ond mier vertramped de wald ganz sicher ned

[piraña]

oohh, go piutsle woti au scho siit längerm mal... ha nu leider au nöd würkli ahnig vom sueche, erkenne usw.

na ja...a partys isch das schwieriger...aber dit settets ja die giftige si

jo äbe gsehsch, jetzt simmer scho 2.

ond mier vertramped de wald ganz sicher ned

hey, huufise: briefchaschte isch gfüeteret





ich lieb die herbschtlich stimmig... das knackse vo gfallene nüss underem bruun-gäl-rote laub, und ganz allei entlang vomene gwässer langsam stampfe, als sig ich scho tagelang underwägs. es eichhörnli, das mi us zwänzg meter luftlinii aluegt, als hätts no nie es tier gse...e älteri frau mit zwe bodelümpli (z churz grotne hündli) chont mir entgäge, und ich merk scho a ihrne chleider, dass öpis im wandel isch. es isch ziit, bilanz z ziehe, so wie am silväschter - nur nid so blau, und so z tue, als würd ich mich innerlich no degäge wehre - gäg die gliebti melancholie, die johr für johr zruckchont, demit sie wieder verschwinde cha, sobald i mi nur gnueg dinne gsuhlt ha

ich liebe das...das gits nor im herbscht.

[juerg]

es isch ziit, bilanz z ziehe, so wie am silväschter - nur nid so blau, und so z tue, als würd ich mich innerlich no degäge wehre - gäg die gliebti melancholie, die johr für johr zruckchont, demit sie wieder verschwinde cha, sobald i mi nur gnueg dinne gsuhlt ha

ja, wenn mer bis jetzt nöd so schlecht gsäht hätt, denn fallt au dErnti nöd schlecht uus
und wenn mer sich sJahr dur au scho chli sine Schattesiite gstellt hätt,
die nöd eifach versuecht hätt im innere Chäller zverstecke
so chömed jetzt denn au nöd so happigi Brocke ufe und raubed eim fast s Tagesliecht...

Susch halt voll drii...sich dene "stelle", aaluege was sie eim wännd "verzelle"
denn sinds bald "entwaffnet" und me taucht wieder uuf und chann die schöne Herbstfarbe
in voller Züüg gnüsse

bis jetzt isch da im Ticino immer no Summer und dFrüeligsgfühl im innere sind au noni go schlafe

[blaues hufeisen]

Ueilà Piraña

YEPPA! han hüt am morge bim "Ziitig-Fische" gseh, dasses dert no en cd-hülle drinne hed!

weisch wie geil! hüt obig isch FEIERABEND! ich knall mier die CD mal in CD-Playa ond lass d'Sunne wieder ufstiige!

[Saphira]

Di Herre Dex und Pirana wärde fascht chli poetisch. Und Poesie - das passt zum Herbscht.

Zwar luegi schono liecht wehmüetig de Summer langsam rasch z Änd gah, aber de Herbscht bietet au ganz schöni Sitene.

Zum Bispiu Herbscht-Outdoors - wie im Summer, eifach chli dicker alege
Und im See go bade - wie im Summer, eifach chli cheuter
oder es Glacé ässe - wie im Summer, eifach schmiuzts nid so schnäu devo
Oder Grilliere - wie im Summer, eifach när dinne ässe

De Herbscht, mi Fründ.

Heit e schöne Herbsch u vilicht trifftmesech ja ufenes Glässeli am Vierwaldstettersee.

[604freund/Psykas]

ja de herbscht... hanen mega gern, obschon dasjahr irgendwie de summer chli amir verbigange isch (z.glück ei wuche kroatie und eini in portugal dörfe erlebe, do ir schwiiz...bääähh)
und i ha immer dänkt er chunt no, er chunt no, und jetzt hani gmerkt dasi höchschtens no uf par schöni spootsummertäg chan hoffe und mi suscht den abem herbscht erfreue chan...


all die schöne farbe ir natur... das gits eifach nur im herbscht...






uhui, en herbschtspaziergang im wald... und i riisige laubhüüfe umestampfe





und denn erscht die schöne herbschtwaldstapmpfoutdoors...

also i freu mi riesig druf, au wenns weder chüeler wird...!

danke fish för de thread, und allne fotograf im www förd föteli

[u.s.l.]

er chont wieder...garantiert und de gohts wieder voll ab d oma het sich no es grössers hündli zuegleit, d blätter schined diesmal paar farbe meh z ha, als i erinnerig, und s eichhörnli het es gschpänli gfunde...mini schritt falled mir vo johr zu johr liechter (oder ischs es anders wägli woni entlanglaufe? ), de 604 schmeisst neui föttäli ie, de hufise loht sich chum lo blicke, und innert chürzischter ziit sind au die wieder schweine-gripp-bleich, wo jetz eso schön roschtbrun lüchted

är cha cho...de...ehm...voll vergässe