aso eifach so paar gedanke zu dim text...
i bi ufgwachse ohni fernseh, ohni auto, ohni gameboy, ohni x-box, ohni playstation,... ha die sache au nie kauft/übercho. au zitig lis ich nur all schaltjahr mal, radio los ich nöd. das sind alles so üsseri umständ, wo glaub diner meinig na zu "gnuss" zähled (und ich finds vor allem verblödig). (oooookay, zuegä, zur zit hani e phase, woni min compi def. nöd nur für s studium bruch, aber das isch au ersch so, sit i nüm studier
=> mf-junkie
, aber das isch ja wohl au e phase, wo wider verbi gat. und mal ehrlich: lieber mf als fernseh, da machsch der wenigschtens no gedanke und so...)
zigis rauch ich nöd, alk trink ich nöd (ok, guet, "nüm" triffts präziser, aber i ha mit beidem vor öpe 7 jahr (nach öpe 1.5 bis 2 jahr konsumhaltig, aber i has halt i dem alter müesse usprobiere und übertribe, isch me sone pubertäri trotzreaktion uf d situation dihei xi) ufghört und vermiss es üüüüüberhaupt nöd).
das sind aspäkt, wo miner meinig na überbewärtet werded, will si nöd eigetlli glücklich mached. i mean: so viel kiddies hüt wüssed nüm, woher d milch im chüelschrank chunt (usem denner
) oder händ no nie es fröschli oder en molch gfange oder chönd nüm mal me en purzelbaum mache...
i weiss nöd, aber i has gfühl, vor paar jahre sind chind no vil eher verusse xi, mir sind bi jedem wätter verusse am indianerle xi, sind im summer ab und zue uf de alp xi, go wandere,... und wämer heicho sind nach me tag verusse hämmer nöd müesse angscht ha, vom mami eis tätscht überzcho, nur wil mer völlig verdräckt xi sind... das hät dezue ghört (und spass gmacht
)... ööööhmmm... passt de abschnitt überhaupt zum thema? hmmm... aso ja, vilich wäg luxus/gnuss/... es müend nöd immer konsumgüeter si, chasch au in wald oder an see oder ine wise lige. gnuss pur. das hani au gmerkt, woni z afrika xi bi... wooooow, isch das wunderbar xi, mal paar wuche ohni strom, ohni flüssend wasser, ohni laptop, ohni natel, ohni stress, ohni zit, ohni... und uf so vilne ebene bin ich vil riicher worde, als ichs mir hät chöne vorstelle... (und ha das zum glück chöne mitnä in alltag mit all dene üssere strom-/natel-/...-umständ.)
Zachariel hat geschrieben:Denn kein Genuss hält ewig. Und das kackt mich an, immer wieder "auf's Neue" zu geniessen.
Da bin ich lieber zufrieden, als dass ich geniesse.
i glaub, mir meined vilich s gliche. aber hey, i gnüsse jedi sekunde, au wänn mis härz mal no so schwär isch. s läbe isch doch so faszinierend wunderschön unfassbar... das isch en gnuss, wo nöd vergat (wäns bis is härz duregsickeret isch...)
dänn giz natürli no e andri art vo gnuss, wie z. b. ebä bim ässe vome glace, bi sex,... was glaubsch, warum d natur ois so vilsitigi gschmacksrezeptore gä hät (gift schmöcke und all die nützliche funktione würed nämli niemals sone grossi varietät vorussetzä... edit: naja, scho klar, hüt händ vil lüt so abgstumpfti gschmacksrezeptore, dass si d vilfalt gar nüm so wahrnämed... aber darum gaz ja gar nöd...). klar, dass sex geil isch, hät d natur wohl darum so gmacht, dass mänsche überhaupt sex mitenand händ, sodass mir ois witer fortpflanzed. aber wänns ja scho öpis so wundervolls isch, dä chömer das doch au so gnüsse (nöd nur zum oisi gen witergä...), inzwüsche giz ja gnueg verträglichi verhüetigsmethode.
bi gwüssne lüt cha die art vo gnuss natürli "mangelgfühl" kompensiere. für einigi ischs e sucht, wil si theme händ, wo si nöd agönd.
(i ha z. b. voll übertribe leistigssport gmacht. woni verletzigsbedingt ha müesse ufhöre, bini ine wüklich tüüf-sumpfigi depression gheit... i ha mitem sport glückshormon produziert, woni susch eifach zwenig gha ha, i ha da so viles verdrängt, statt d problem bi de wurzle uszrisse. es isch sozäge symptombekämpfig xi. genau so giz vil lüt, wo z. b. sex nutzed, zum igendwas kompensiere...) aber glich: sex isch geil und es isch völlig normal, dass mir das gärn mached. (di meischte zumindescht, je nach vorgschicht und wie mer demit umgat... missbruchstheme etc... cha das natürli au andersch si...)
gnuss muess nöd überdecke vo mangelerschinige si (muess nöd, aber chan...), es cha au die vo dir beschribni stilli ekstase und e tüüfi zfrideheit bedüte. i gnüsse s läbe (au wäni vilich mal nur inre wise lig und mich ab de summervögel froi oder am bach sitze und äm glitzere vom wasser zuelos... oder am seeufer bin und en falke beobachte, wo immer wiiter wägflügt, bis er nur no es pünktli isch und igendwänn hinter eme berg verschwindet (=> letschti im tessin... wow, bi sicher e halb stund döt gsässe und ha gstuunet...) oder was au immer)...